Thukam thar caan laiah Judah pawlih ruahnak ah mithi
thlarau hi thuṭhennak neta an ton hlanah colh sungnak hmun bang aw lo tak
pahnih, hmuh tonawk theih, harsat ruarnak hmun le hnangam takih colhdam thrinak
hmun um in an ruat. Luk. 16:19-25 ih kan hmuh bang tukin a neta sawn hi Jesuh
in 'Abraham Ṭangsung' a timi Lazarus thlennak hmun kha a si. A hmaisa sawn
harsat tuarnak hmun cu Milian pa ih umnak hmun kha a si. Jesuh cu Pai ṭang
sungah um ih rel a si (Johan 1:18). Abraham hi Judah pawl in thlahtu hrampi, pa
bik ih an ruah ruangah cui hmun khal Pa ih ṭhatnak le kilkhawinak khihhmuh ih
rel a si. Abraham Ṭangsung, a umnak hmunih um ve dingah an ruat aw hngehnge.
Khristian ruahnak ahcun Abraham ṭang sung cu thlarau colhnak hmun paradise,
vanram ih an zum zetmi a si.
Ref. Mizo Bible Dictionary, pg 7
Ref. Mizo Bible Dictionary, pg 7
