DUHDAWTNAK
Saam
143:8
Nangmah
lawnglawng ka lo rinsan;
A hmunmi na
duhdawtnak cu,
zingtin
tein i theiter hram aw.
Ka
thlacamnak cu na hnenah
ka thlenpi;
Ka fehnak
ding zin i hmuh hram aw.
Kolose 3:14
Cule
hibangtuk ziaza ṭha nan neihmi tlunah duhdawtnak beetcih uh; ziangahtile
duhdawtnak cu ziangtinkim famkim zet ih a finkhawmtu le rem ṭhepṭhep ih a
tuahtu a si.
Efesa 4:2
Thinlung
neemnak nei uh; tangdor le thinsau in um uh. Duhdawtnak nan neihmi kha pakhat
le pakhat nan zawi awk theinak in langter uh.
1 Korin
13:1-13
Milai ṭong
a phunphun le vancungmi ṭong khal thiam hman ningla duhdawtnak ka neih lo ahcun
ka ṭong cu a ring meenmi darkhuang le a awn rurimi darsumsel bangtuk a si. 2
Profet thusim thiamnak laksawng siseh, fimthiamnak a phunphun le thuthuk a
phunphun theih theinak khal siseh, tlang ṭhawn thei zumnak tiang khal nei hman
ningla duhdawtnak ka neih lo ahcun zianghman ka si lo. 3 Ka neih hmuahhmuah mi
pe ṭheh in ka ruangpi hi meisa ih ur dingah pe hman ningla duhdawtnak ka neih
lo ahcun ka hrangah zianghman a ṭhahnem lo.
4
Duhdawtnak cu a thin a sau ih mi zangfah a thiam; duhdawtnak cu mi a iksik lo,
tluang a khawng lo ih a puarthau fawn lo. 5 Duhdawtnak cu nun hel-hlong in a
nung lo, amah ih zawn lawng a ruat lo, a thin a tawi lo, cule tisual mi parah
thinciin a nei lo. 6 Duhdawtnak cu thil ṭha lo parah a lung a awi lo, asinain
thutak parah a lung a awi. 7 Duhdawtnak cu a bei a dong dah lo; ziangkim a zum,
ziangkim a beisei ih ziangkim a tuar thei.
8
Duhdawtnak cu cem ni a nei lo. Sikhalsehla profet thusim thiamnak pawl cu a reh
ding; theih lo ṭong ih ṭong theinak khal a cem ding. Thiamnak le theihnak tla
an hloral ding. 9 Ziangahtile thiamnak laksawng kan ngahmi le profet thusim
thiamnak kan comi pawl hi a ṭhen a hrekte lawng an si. 10 Sikhalsehla a
famkimmi a ra thlen tikah cun a famkim lomi pawl cu an hlo ṭheh ding.
11 Nauhak
ka rak si lai ahcun ka ṭongdan, ka thil hmuhdan le ka thuruahdan cu an nauhak
ngaingai. Asinan atu ahcun ka upa thlang ih nauhak daan cu ka thlun duh nawn
lo. 12 Atu ih thil kan hmuhdan cu thlalang sungah fiang lem lo ih a thlam kan
hmuh vek khi a si; sikhalsehla cutikah cun hmaiton tein kan hmu ding. Atu ih
thil ka theihmi cu a kim lo; asinain cutikah cun kim zet in ka thei ding.
Pathian ih i theihnak a kim zet bangin ka theihnak khal a kim zet ve leh ding.
13 Atu
ahcun a hmun ringringmi thil pathum an um ih zumnak, ruahsannak le duhdawtnak
an si; himi lakah a tum bikmi cu duhdawtnak a si.
1 Piter 4:8
Ziang
hmuahhmuah hnakin pakhat le pakhat nan thinlung tak tein duhdaw aw uh,
ziangahtile duhdawtnak in sualnak tampi a khuh thei a si.
Rom 12:9-10
Duhdawtnak
kan ti tikah thinlung taktak thawn duhdawt ding a si. A ṭha lomi cu hua uhla a ṭhami
kha kai hnget uh. 10 Khristian unau nan si ruangah pakhat le pakhat sunsak aw
zet tein duhdaw aw ton uh. Pakhat le pakhat hmaizah awknak thiam uh.
Efesa
3:16-18
Sim cawk lo
a sunlawi lennak sungin nan sunglam ih minung nan sinak kha a Thlarau thawngin
cahnak huham lo pe dingah Pathian ka dil ih, 17 nan zumnak thawngin nan
thinlung cu Khrih in a umnak inn ah tuah hram seh, tiah thla ka cam. Thla ka
cam bet hrihmi cu: Nan hram le nan hramṭohnak cu duhdawtnak sungah bun uhla, 18
cuticun Pathian ih minung pawl thawn thinlungkhat in Khrih ih duhdawtnak a thuk
ih a san zia le, a sau ih a kauh zia kha theih theinak nan nei ding, tihi a si.
Johan 15:12-13
Ka thukham
cu hihi a si: Keimah ih ka lo duhdawt vek hin nannih khal pakhat le pakhat
duhdaw aw ve uh! 13 Mi pakhat in a rualpi pawl hrangah duhdawtnak tum bik a
neihmi cu an hrangih a nunnak pek hi a si.
Isaiah
49:15-16
Curuangah
Bawipa in,
“Nunau in a
sungsuak fa
a hngilh
thei ding maw?
A hrin mi a
fa cu duh lo in
a um thei
ding maw?
A nu in a
fa cu hngilh hmansehla,
Kei cun ka
lo hngilh dah lo ding.
16 Maw Jerusalem,
ka lo
hngilh thei dah lo ding;
Ka kut
zaphak parah
na hmin cu
ka ngan zo.
2 Thesalon
3:5
Pathian
duhdawtnak le Khrih ih a lo pekmi tuartheinak cu tam sinsin ih nan theih
theinak dingah Pathian in lo hruai vivo hram seh.
Efesa
5:25,28,33
Pasal pawl,
Khrih in kawhhran cu a duhdawt ih a hrangah a nunnak tiang a pek vekin nan nupi
pawl cu nan duhdaw pei. Mipa in an nupi pawl cu anmah ih takpum an duhdawt
vekin duhdaw ve ding an si. A nupi a duhdawtu cu amah le amah a duhdaw awtu a
si. Sikhalsehla nanmah thawn khal a pehtlai aw thotho; pasal hmuahhmuah in an
nupi cu anmah ih takpum an duhdawt vekin an duhdaw pei ih nupi hmuahhmuah
khalin an pasal cu an upat pei.
1 Johan
4:7-12,16-21
Ka
duhdawtmi tla, pakhat le pakhat duhdaw aw uh si, ziangahtile duhdawtnak cu
Pathian hnen ihsin a rami a si. Mi a duhdawtu cu Pathian fa a si ih Pathian
theitu a si. 8 Mi a duhdaw lotu cu Pathian a thei lo, ziangahtile Pathian cu
duhdawtnak a si. 9 Pathian ih in duhdawtnak cu a Fapa neihsun hi leilung ahhin
run thlah in a langter ih amah thawngin nunnak kan conak dingah a si. 10
Duhdawtnak timi cu hitiin a si: Kanmah in Pathian kan rak duhdaw ti a si lo,
amah sawn in, in duhdaw ih a Fapa a run thlah; cumi cu kan sualthlah thawinak
dingah a si.
11 Ka
duhdawtmi tla, hibangtuk in Pathian in, in duhdawt a si ahcun kannih khal
pakhat le pakhat duhdaw aw ve ding kan si. 12 Zohman in Pathian cu an mit in an
hmu dah lo, sikhalsehla pakhat le pakhat kan duhdaw aw a si ahcun Pathian cu
kan sungah a nung ih a duhdawtnak cu kan sungah a famkim a si. Cule kanmah rori
in Pathian ih in duhdawtnak cu kan thei ih kan zum a si.
Pathian cu
duhdawtnak a si, cule duhdawtnak thawn a nungmi hmuahhmuah cu Pathian sungah a
nungmi an si ih Pathian khal an sungah a nung ve. 17 Thuṭhennak Ni ah ralṭhatnak
kan neihnak dingah duhdawtnak cu kan sungah a famkimter zo. Cule leilungtlun ih
kan nunnak cu Khrih nunnak bangtuk a si ruangah cuih ralṭhatnak cu kan nei rori
ding a si. 18 Duhdawtnak sungah cun ṭihphannak a um lo; a famkimmi duhdawtnak
in ṭihphannak cu a hlohter ṭheh. Curuangah ṭihphannak a neimi sungah cun
duhdawtnak cu famkimin a um hrih lo, ziangahtile ṭihphannak cu hremnak thawn a
pehtlai aw mi a si.
19 Pathian
kan duhdawt cu amah ih in duhdawt hmaisa ruangah a si. 20 Zokhal Pathian ka
duhdaw ticing in a unau a huatu cu thuphanper a si. Ziangahtile a mit in a
hmuhmi a unau hman a duhdawt lo a si ahcun a hmuh lomi Pathian cu a duhdaw thei
hrimhrim lo ding. 21 Khrih ih in pekmi thukam cu hitiin a si: Zokhal Pathian a
duhdawtu cun a unau khal a duhdaw ve ding.
1
Korin 2:9
Asinan Ca
Thianghlim in,
“Milai
zohman in an hmuh dah lomi,
zohman in
an theih dah lomi,
A cangthei
ding tiah zohman in
an ruah dah
lomi,
Cumi cekci
cu Pathian in,
Amah a
duhdawtu hrangah
A tumtahmi
a si,” a ti.
Isaiah 43:4
Na nunnak
run duh ah miphun tampi
ka hnong
sawn pei;
Ziangahtile
nang cu ka hrangah na sunglawi.
Ka lo
duhdawt ih upatnak ka lo pe a si.
Rom 13:8-10
Zohnen
hmanah bakmi nei hlah uh. Nan bakmi cu pakhat le pakhat duhdawt awknak lawng
kha si seh. Duhdawtnak a neitu cu Daan thluntu a si. Thukham pekmi, “Ṭaangṭawm
sualnak tuah hlah; mi that hlah; rukru hlah; mi ih thil va daw hlah,” timi pawl
le a dang thukham pawl hmuahhmuah cu, “Nangmah le nangmah na duhdawt awk bangin
na innhnen khal duhdaw aw,” timi thukham sungah a kim ṭheh. 10 Mi pakhatkhat na
duhdawt asile amah hrang a ṭha lomi cu na tuah dah lo ding. Curuangah Daan kim
teih thlun thei timi cu duhdawt awk hi a si.
1 Johan
3:1-2
Pathian kan
Pa ih in duhdawt zia hi ruathnik uh! In duhdawtnak a maksak ruangah Pathian
faale tiih kawh kan si hi; cutiih in ti vekin kan si taktak. Curuangah a si hi
khuavel ih in theih lonak cu! Pathian khal a thei lo. 2 Ka duhdawtmi pawl, atu
cu Pathian faate kan si zo; asinain ziangbangtuk kan si lai ding ti cu a fiang
hrih lo. Sikhalsehla Khrih a rat tikah cun amah bangtuk kan si ding ti kan
thei; ziangahtile amah a si vek cekci in kan hmu ding.
1 Thesalon
3:12-13
Kan Bawipa
in pakhat le pakhat nan duhdawt awknak le mi hmuahhmuah nan duhdawtnak cu
karhter sehla nanmah kan lo duhdawtnak a tum vekin tumter ve hram seh. 13
Cuticun amah in nan thazang a khohter dingih kan Bawipa Jesuh a mithiang pawl
thawn a ratsal tikah kan Pathian hmaiah mi famkim le mi thianghlim nan si ding.
Thufim
10:12
Huatnak in
remlonak a suahter,
Asinan duhdawtnak
in
sual
palhnak hmuahhmuah
a
ngaithiam.
Rom 8:37-39
Hibangtuk a
si ko nain kannih in duhdawtu ih thawngin hi thil hmuahhmuah tlunah kannih cu
nehtu hnakin kan uak deuh a si. 38 Ziangahtile amah ih in duhdawtnak ihsi cun
zianghman in, in ṭhensuak thei lo ding, tihi fiang tein ka zum a si; thihnak in
siseh, nunnak in siseh, vancung ih a ummi vanmi le uktu le huham neitu pawl in
siseh, atu san in siseh, hmailam san in siseh, thuneitu 39 leitlun ummi in
siseh, leihnuai ummi in siseh, sersiammi thil hmuahhmuah in siseh, in ṭhen thei
lo ding. Kan Bawipa Khrih Jesuh sungin kan ta a simi Pathian ih duhdawtnak ihsi
cun in ṭhen theitu ding zianghman a um lo.
Ṭahhla
3:22-23
A hmunmi
Bawipa ih
duhdawtnak
cu ziangtik hmanah
a cat dah
lo;
A
zangfahnak cu net ni a nei lo.
23 Zinglam
khawvang bangin
a thar
ringring;
Rin tlak a
sinak cu a nasa a si.
Marka
12:29-31
Jesuh in,
“A thupi bikmi thukham cu ‘Maw Israel mi pawl ngai uh! Bawipa kan Pathian lawng
hi Bawipa a si. 30 Bawipa nan Pathian cu nan thinlung zate, nan nunnak zate,
nan ruahnak zate le nan thazang zate thawn nan duhdaw pei,’ tihi a si. 31 Cun a
pahnihnak ih a thupimi thukham cu, ‘Na innhnen kha nangmah na duhdawt awk vekin
na duhdaw pei,’ tihi a si. Hi thukham pahnih hnakih a thupi sawnmi thukham a um
nawn lo,” tiah a ti.
Efesa 4:15
Duhdawtnak
thinlung kengin thudik kan sim kan rel sawn pei ih kan lu a simi Khrih sungah a
phunkim in ṭhang ding kan si.
Saam
116:1-2
Bawipa cu
ka duh;
Ka
thlacamnak le zangfah
ka dilnak a
theih ruangah.
2 Ka kawh
tinte ka aw a thei.
2 Timote
1:7
Ziangahtile
Pathian ih in pekmi Thlarau in ṭihhrutmi ah in tuah lo; cahnak huham,
duhdawtnak le mah le mah uk awk theinak in, in khatter sawn a si.
Matthai
5:43-44
Nan rualpi
nan duhdawt pei ih nan ral pawl nan hua pei,” timi cu nan thei zo. 44 Asinan
kei cun hitiin ka lo sim: Nan ral pawl duhdaw uhla a lo hremtu pawl hrangah
thlacam uh;
Galati
5:22-23
Sikhalsehla
Thlarau ih a rahsuahmi cu duhdawtnak, lungawinak, hnangamnak, lungsaunak, mi
zangfahnak, ṭhatnak, rin tlak sinak, 23 nunnem tangdornak le sup theinak tla an
si. Cubangtuk rah umnak ahcun daan cu a ṭul nawn lo.
Saam 103:8
Bawipa cu
zangfahnak le
lainatnak a
nei;
A thin a
sau ih a hmunmi
duhdawtnak
in a khat.
Puithiamhnatuan
19:17-18
Na laicinpi
a thup in huatmi nei hlah; amah ruangah misual na si lonak dingin a mawh na ti
asile fiang tein sim sawn aw. 18 Zo ih par hmanah phuba la hlah; mi na huatnak
kha na thinlung ah taapter ringring hlah; nangmah na duhdawt aw vekin midang
duhdaw ve aw. Keimah cu Bawipa ka si.
Saam 42:8
Bawipa in
nitin tein
in
duhdawtnak langter hram seh.
Zan ah a
hla cu ka thinlung ah a cam.
Ka nunnak
Pathian hnenah
thla ka cam
ding.
1 Timote
6:11
Sikhalsehla
nang cu Pathian minung na si ruangah himi pawl hi hrial aw. Dingnak, thianhlimnak,
zumnak, duhdawtnak, tuartheinak le lungnemnak pawl nei dingah napi in zuam aw.
Efesa 5:2
Khrih in,
in duhdawt ih a nunnak kan hrangah a pe zo; cuih a pekmi a nunnak cu Pathian
lungawitertu rimhmui pekmi le thawinak ih pekmi a si. Curuangah nan nunnak cu
duhdawtnak in lo uk seh.
1 Johan
3:11, 16-18
A hramthok
ihsin nan rak theih ringringmi thuthang cu pakhat le pakhat duhdaw aw uh, ti a
si. Duhdawtnak taktak ziangbangtuk a si, ti kan theihnak cu hitiin a si: Khrih
in kan hrangah a nunnak a pek. Cuvek thotho in kannih khalin kan nunnak cu kan
unau pawl hrangah pe ve ding kan si. 17 Milian pakhat in a tlasam zetmi a unau
a hmu nain a thinlung in zianghman ah siar lo in a umsan men a si ahcun Pathian
ka duhdawt tiah ziangtinso a ti thei ding? 18 Ka faale tla, kan duhdawt awknak
cu ṭongkam le awka men si ding a si lo; duhdawtnak taktak cu ṭuannak ah a lang
dingmi a si.
Hebru
13:1-2
Khristian
unau nan si bangtukin pakhat le pakhat duhdaw aw ringring uh. 2 Nan inn ah
mikhual tlunter uhla duhdaw uh. Cubangtuk a tuahtu pawl cu an theih lo in an
inn ah vancungmi an tlungter ṭheu.
Luka 10:27
Cupa cun,
“Bawipa na Pathian cu na thinlung hmuahhmuah, na nunnak hmuahhmuah, na cahnak
hmuahhmuah le na ruahnak hmuahhmuah thawn na duhdaw pei ih na innhnen cu nangmah
na duhdawt awk vekin na duh hai ve pei, a ti,” tiah a ti.
Johan
13:34-35
Cule nan
hnenah thukham thar ka lo pe: Pakhat le pakhat duhdaw aw uh! Keimah ih ka lo
duhdawt vekin pakhat le pakhat nan duhdaw aw ve pei. 35 Pakhat le pakhat tlunah
duhdawtnak nan neih ahcun zokhal in keimah ih dungthluntu nan si kha an lo thei
ding a si,” tiah a ti.
Johan
14:15,21, 23
Jesuh in,
“Keimah in duhdawt ahcun ka thukham pawl nan thlun ding. Zokhal ka thukham pawl
a pom ih a thluntu cu i duhdawtu a si. Keimah i duhdawtu poh cu ka Pa in a
duhdawt ding; keimah khalin ka duhdawt dingih a hnenah ka lang ding,” tiah a
ti. Jesuh in, “Zokhal keimah i duhtu cun ka thu zirhmi a thlun ding. Ka Pa in a
duhdawt dingih ka Pa le keimah kan ra dingih a hnenah kan um ding.
Galati 5:13-14
Asinan ka u
le ka nau tla, nannih cu miluat si dingah kawhmi nan si. Sikhalsehla cuih
luatnak cu nan taksa diriamternak ah canter hlah uh. Cuhnakin duhdawtnak thawn
pakhat le pakhat rian aw in bawm aw ton uh. 14 Ziangahtile Daan hmuahhmuah cu,
“Nangmah na duhdawt awk vekin na innhnen na duhdaw pei,” timi thukham pakhat
sungah hin a kim ṭheh a si.
Johan 3:16
Pathian in
leilung hi a duhdawt zet ruangah a Fapa neihsun a pek ih amah a zumtu
hmuahhmuah cu thi lo in kumkhua nunnak an co ding.
Daan
Peksalnak 10:12
Curuangah,
maw Israel mi pawl, Bawipa nan Pathian ih a lo fialmi hi ṭha tein ngai uh.
Bawipa cu ṭihzah uhla a thupekmi hmuahhmuah cu tuah uh. Nan thin le nan lung
zate in amah cu duhdaw uhla amah ih hna cu ṭuan uh.
Thufim 19:8
Nangmah le
nangmah duhdaw awla,
Fimnak kha
na zir thei tawkin zir aw;
Na zirmi
kha ciing ringring awla,
Na thil
tuahmi ah na hlawhtling ding.
Galati 2:20
Curuangah a
nungtu cu kei ka si nawn lo; ka sungih a nungtu Khrih sawn a si. Atu ih ka nun
hi cu i duhdaw ih ka hrangah a nunnak a petu Pathian Fapa rinnak in ka nung a
si.
Filipi 2:2
Cuti asile
hitiin ka lo forh duh: Nan ruahnak hmunkhat seh, duhdawtnak khalah pakhat le
pakhat duhdaw aw ton uh; nan thinlung le nan tummi khal bangrepaw sehla cuticun
lungawinak ka neihmi hi nan kimter sinsin ding a si.
Kolose
3:18-19
Nupi pawl,
nan pasal thu ngai uh; ziangahtile Khristian nan si vekin cumi cu nan tuah
dingmi a si.
19 Pasal
pawl, nan nupi duhdaw uhla an hnenah awkam sang hmang hlah uh.
1 Thesalon
4:9-10
Zumtu unau
pawl duhdawt ding thu ahcun ca ngan a ṭul nawn lo. Pakhat le pakhat nan duhdaw
aw pei, tiah Pathian in nanmah rori a lo zirh zo ih, 10 Masidonia ram ih a ummi
nan unau pawl parah cubangtuk in nan nungcang zo. U le nau tla, cu hnakih ṭha
sinsin in nungcang dingah kan lo forhfial duhmi a si.
Jeim 2:8
Ca
Thianghlim sungih a ummi, “Na innhnen cu nangmah na duhdawt awk bangtuk in na
duhdaw pei,” timi Pathian Uknak ih daan hi na thlun thei ahcun a dikmi na tuah
a si.
1 Piter
1:22
Atu ah
thutak nan thlunnak ruangin thianfaitermi nan si zo ih zumtu unau dang pawl tla
nan thinlung tak tein nan duhdawt. Curuangah nan thinlung zate in pakhat le
pakhat duhdaw aw uh.
Marka 10:21
Jesuh in
cupa cu duhdawtnak thawn a zoh hliah ih, “Thil pakhat na sam lai. Va feh awla
na neihmi hmuahhmuah zuar in tangka na ngahmi kha mifarah va pe awla vancung ah
hlawnthil tampi na nei ding. Cuih hnuah i ra thlun aw,” tiah a ti.
1 Piter
2:17
Mi
hmuahhmuah upat uh, zumtu unau pawl duhdaw uh; Pathian ṭihzah uhla Siangpahrang
cu upat hmaizahnak pe uh.
1 Piter
3:8-9
A netnak ih
ka lo forh duhmi cu: Ruahnak khat le thinlung khatin um uh; unau bangin pakhat
le pakhat duhdaw aw uhla zangfahnak nei in thinlung nemin um uh. 9 Ṭhat lonak
cu ṭhat lonak in lehrul hlah uh, siatcamnak khal siatcamnak in lehrul hlah uh;
thluasuahnak thawn lehrul sawn uh. Ziangahtile Pathian in a lo kawh tikah
thluasuahnak petu si dingin a lo ko a si.
Saam 23:6
Ka nunsung
hmuahhmuah ah,
ṭhatnak le
duhdawtnak cun
Pelh lo in
i thlun ringring ding.
Bawipa ih
inn ah
kumkhua in
ka um ding.
1 Korin 8:1
Sikhalsehla
cubangtuk theihnak cun mi a puarthauter ih duhdawtnak cun mi a tungding a si.
Thufim
3:11-12
Ka fapa,
Bawipa ih nun simnak cuziang rel lo in va um hlah,
A lo kawk
tikah na thin na hlah.12 Ziangahtile pa in a duhdawt zetmi
a faate nun
a sim bangin,Bawipa in a duhdawt mi pawl cu
nun a sim a si.
No comments:
Post a Comment