Midang Hrangih Nun - Baibal Cang Pawl

Gal.6:1-2

Ka u le ka nau tla, nanmah lakah pakhatkhat in sualnak a tuah pang nan hmuh tikah nanmah sungih a thlaraumi deuh pawl in lamzin dik ah hruaikir uh. Cuti nan tuah tikah thinneemnak thawn nan tuah pei. Cule nanmah lala khal cuih sualnak ih tla ve pang lo dingin ralring uh. 2 Pakhat le pakhat nan thilrit sawng aw uhla cuticun Khrih ih daan cu nan kimter ding.

 

Hebru 13:16

Ṭhatnak tuah kha hngilh hlah uhla, nan neihmi midang thawn hlawm awk ding tla hngilh hlah uh; ziangahtile cumi cu Pathian lungawitertu thawinak an si.

 

Johan 15:12-13

Ka thukham cu hihi a si: Keimah ih ka lo duhdawt vek hin nannih khal pakhat le pakhat duhdaw aw ve uh! 13 Mi pakhat in a rualpi pawl hrangah duhdawtnak tum bik a neihmi cu an hrangih a nunnak pek hi a si.

 

Matthai 5:42

Mi pakhatkhat in thil pakhatkhat a lo dil a si ahcun va pe aw; na thil cawi a duhtu hnenah va coih aw.

 

Thuf. 19:17

Mifarah parih zangfahnak neihcu Bawipa ih hnenah thil pek

bangtuk a si;Bawipa amah in a lo pesal leh ding.

 

Rom12:13-18

A tlasam mi Khristian unau pawl thawn nan neihmi kha hlawm aw uh. Cule mikhual pawl hrangah nan sangka ong uh.

14 A lo hremtu pawl hrangah camriamnak si lo in thluasuahnak kha Pathian hnenah dil sak sawn uh. 15 Lungawimi pawl thawn lungawi tlang uhla a ṭapmi pawl thawn ṭap tlang uh. 16 Nanmah ih zawn nan ruat vekin midang zawn khal ruat ve uh. Keimah ka si bik, tiin ruat aw hlah uh; hnaṭuan ṭukṭak tete ṭuan duhnak thinlung nei uh. Ka fim a si tiah ruat aw hlah uh.

17 Mi pakhatkhat in nan parah ṭhat lonak an tuah tikah an parah ṭhat lonak thawn lehrul hlah uh. Zozokhal ih a ṭha a mawi an timi kha tuah zuam uh. 18 Mi hmuahhmuah thawn rem teih um ding kha a cang thei tawkin zuam uh.

 

Matthai 5:14-16

Nannih cu leilung pumpi hrangah tleunak nan si. Tlang parih tohmi khua cu thuh a theih lo. 15 Zohman in mei-inn an van tikah khengkuum an khuh dah lo. Mei-inn vannak tung parah an vang. Cutiin inn sungih a ummi zate hrangah tleunak a si. 16 Cubangtuk in nan tleunak cu mi hmaiah tleuter ding nan si. Cuticun thil ṭha nan tuahmi cu mi in an hmu dingih van ih a ummi nan Pa kha an thangṭhat ding.

Thufim 3:27-30

A ṭul a sammi pawl hnenahna tuah thei zat tiangin

thil ṭha kha tuah aw.

28 Na innhnen kha atu rori ahna bom thei mi asilethaizing tiang hngakter aw hlah.

29 Nangmah rinsan in na kiangaha ummi na innhnen kha a tlunahharsatnak tuah dingin tum aw hlah.

30 Na parah siatnak a tuah dah lotuva to rero hlah.

 

Filipi 2:4-5

Nanmah duhnak lawng si lo in midang in an hrangah a thupi bik ih an ruahmi kha a hmuh zia thiam ve uh. 5 Nan thinlung putdan cu Khrih Jesuh ih thinlung putdan vekin siseh, .

Matthai 25:44-45

Cule annih in ‘Bawipa, ziangtikah so na ril a rawn, na ti a haal, mikhual na si, hnipuan nei lo in na um, na nat ih thawng na tlak kan lo hmuh ih kan lo bom duh lo?’ tiah an ti ding. 45 Siangpahrang in, ‘Thungai in ka lo sim: Minauta bik pakhat nan bom duh lo kha, keimah in bawm duh lo a si,’ a ti ding.

 

Luka 3;10-11

Cutikah mipi in, “Cuti asile ziangtinso kan um ding?” tiah an sut.

11 Anih in, “Angki zun hnih a neitu in zun khat cu a nei lotu hnenah ṭhen seh; rawl a neitu in a nei lotu kha hlawm seh,” tiah a ti.

Jeim 2:14-17

U le nau pawl, mi pakhatkhat in zumnak ka nei ti hmansehla a tuahnak ih a langter lo ahcun ziangso a ṭhathnem? Cuih zumnak in a runsuak thei ding maw? 15 Nan Khristian unau lakah mipa siseh, nunau siseh, hnipuan a tlasammi le ei-bar ding a nei lomi um bang hai sehla, 16 cupawl hnenah, “Pathian in lo thluasuah hram seh. Hlum tein um uhla rawl ṭha tein ei uh,” tiah nan timi cu an nunnak ih an ṭulmi nan pek si lo ahcun ziangso a ṭhathnem? 17 Cubangtuk in zumnak khal a si; tuahnak a tel lo ahcun zumnak cu a thi a si.

 

Hebru 6:10

Pathian in mi a thleidang lo. Nan hnaṭuanmi siseh, Pathian nan duhdawtnak langter tahrat in nan Khristian rualpi pawl nan rak bomnak le atu khalah nan bom reronak pawl hi siseh, Pathian in a ciing ringring ding.

 

Matthai 8:10

Mina damter uh, mithi thotersal uh, phaarnat a neimi pawl damter uhla khawvang pawl dawihlo uh. Man lo in nan ngahmi kha man lo in va pe uh.

 

Daanpeksalnak 15:10-11

Siang zet le thatho zet in pe uh, ziangtinkim ah Bawipa in a lo thluasuah ding. 11 Israel mi lakah mifarah mizonzai le bawm ṭulmi an um ringring ding; cuvek pawl parah cun tirhsiang in um uh, tiah thu ka lo pek a si.”

 

Thufim 11:24-26

Mi hrekkhat siang zet inan paisa an hmang nain an lian deuhdeuh,A dang pawl cu an ralring zet nain an farah sinsin.Siang zet in nung awla na lian ding,Midang va bawm awla an lo bawm ve ding. A man kai deuh hngak inrawl a zuar siang lotu cumi in an cam siat,Asinan zuar a siangtu cumi in an lawm.

 

Luka 6:38

Midang hnenah thil ṭhen aw, Pathian in a lo ṭhen ve ding. Tam zet in, liam thluahthlo in, na kut sungah pek na si dingih na zawi thei nawn lo tiangin burh na si ding. Midang parih na hmanmi tahnak khi Pathian in na parah a hmang ve ding,” tiah a ti.

 

1Johan 3:16-17

Duhdawtnak taktak ziangbangtuk a si, ti kan theihnak cu hitiin a si: Khrih in kan hrangah a nunnak a pek. Cuvek thotho in kannih khalin kan nunnak cu kan unau pawl hrangah pe ve ding kan si. 17 Milian pakhat in a tlasam zetmi a unau a hmu nain a thinlung in zianghman ah siar lo in a umsan men a si ahcun Pathian ka duhdawt tiah ziangtinso a ti thei ding? 18 Ka faale tla, kan duhdawt awknak cu ṭongkam le awka men si ding a si lo; duhdawtnak taktak cu ṭuannak ah a lang dingmi a si.

 

 

 

Thufim 22:9

Tirhsiang awla na rawl kha farahpawl hlawm aw;Thluasuah na ngah ding.

 

Luka 12:33-34

Nan neihmi thilri pawl zuar ṭheh uhla nan ngahmi tangka cu mifarah pawl ṭhen uh. A siat thei lomi tangka bawm nan hrangah ngaihtuah uhla vancung ah nan sumsaw pawl khawl uh. Cutawkah cun fifir in an dai thei lo dingih a tlap thei fawn lo ruangah ziangtik khalah a hloral dah lo ding. 34 Ziangahtile nan sumsaw umnak ah nan thinlung khal a um ve ding,” tiah a ti.

 

Tirhthlah 20:35

Ziang hmuahhmuah ah napi in ṭuan tahrat in santlai lomi pawl kan bawm ding a si, ti kha ka lo hmuh zo; Bawipa Jesuh khalin, ‘Ngah lam hnakin pek lamah lungawinak a tam sawn,’ a timi ṭongkam kha ciing ringring uh,” tiah thu a cah.

 

1 Thesalon 5:31

Curuangah atu ih nan tuah rero zo bangin pakhat le pakhat thazang pe aw in bawm aw uh.

 

Efesa 4:32

Cupawl ai ah pakhat le pakhat zangfah thinnemnak nei aw ton uhla, Khrih sungin Pathian in a lo ngaidam bangin pakhat le pakhat ngaidam aw uh.

 

Puithiam hnatuan 25:35-37

Nan kiangkap ih um nan phunpi Israel mi a farah ih a nun a har a si ahcun, nan kiangih a um thei ringringnak dingah nan hnenum asilole mikhual nan cawm vekin cawm ve uh. 36 Tangka nan coih asile a ṭhang lak hlah uh; Pathian ṭihzah uhla mifarah pa cu nan kiangah um ve seh. 37 A ṭhang thawn tangka coih hlah uh; a miat in rawl khal zorh hlah uh.

 

Isaiah 25:4

Mifarah le bawmtu nei lo pawl in

an lo pan ih, harsatnak caan khalah

an him a si.Thlisia a hrang tikah beunak na pek hai ih,Nisat tikih colhnak ah daihnem na pek.

Thlatang ih thlisia bangin,Zangfah nei lomi in an do hai.

 

Isaiah 58:10-11

rilrawngmi an pum nan puarter ih mitlasam pawl an ṭulmi nan pek a si ahcun a lo kulhtu khawthimnak hi sun nitleu ah a cang ding. 11 Cule ka lo hruai ringring dingih leilungtlun ih thilṭha in ka lo kimter ding. Ka lo damter dingih ka lo cakter ding. Tidai a tam zetmi hmuan bangtuk nan si ding; a kang dah lomi ticawm bangtuk nan si ding.

 

Matthai 10:8

Mina damter uh, mithi thotersal uh, phaarnat a neimi pawl damter uhla khawvang pawl dawihlo uh. Man lo in nan ngahmi kha man lo in va pe uh.

 

Thufim 19:17

Mifarah parih zangfahnak neih cu Bawipa ih hnenah thil pek bangtuk a si; Bawipa amah in a lo pesal leh ding.

 

Thufim 22:9

Tirhsiang awla na rawl kha farah

pawl hlawm aw;

Thluasuah na ngah ding.

Matthai 25:44-45

Cule annih in ‘Bawipa, ziangtikah so na ril a rawn, na ti a haal, mikhual na si, hnipuan nei lo in na um, na nat ih thawng na tlak kan lo hmuh ih kan lo bom duh lo?’ tiah an ti ding. 45 Siangpahrang in, ‘Thungai in ka lo sim: Minauta bik pakhat nan bom duh lo kha, keimah in bawm duh lo a si,’ a ti ding.

 

Marka 10:21

Jesuh in cupa cu duhdawtnak thawn a zoh hliah ih, “Thil pakhat na sam lai. Va feh awla na neihmi hmuahhmuah zuar in tangka na ngahmi kha mifarah va pe awla vancung ah hlawnthil tampi na nei ding. Cuih hnuah i ra thlun aw,” tiah a ti.

 

Luka 3:10-11

Cutikah mipi in, “Cuti asile ziangtinso kan um ding?” tiah an sut.

11 Anih in, “Angki zun hnih a neitu in zun khat cu a nei lotu hnenah ṭhen seh; rawl a neitu in a nei lotu kha hlawm seh,” tiah a ti.

 

Luka 6:30-36

Na thilri pakhatkhat a lo diltu an um ahcun va pe aw; cule mi pakhatkhat in na thil an lak le va dilsal nawn hlah. 31 Na hrangah tuah hai sehla ti na duhmi kha midang hrangah va tuah aw.

32 “Nangmah a lo duhdawtu lawng na duhdawt a si ahcun ziangahso thluasuah malsawm ngah ding cu na zum? Misual pawl khalin anmah a duhdawtu cu an duhdawt ve a sisi! 33 Nangmah parah ṭhatnak a tuahtu hrang lawngah ṭhatnak na tuah ve ahcun ziangahso thluasuah malsawm ngah ding cu na zum? Misual pawl hman in cuvek cu an tuah ve a sisi! 34 Ka ngahsal ding tiih na zummi hnen lawng ih na coih ahcun ziangahso thluasuah malsawmnak ngah ding cu na beisei? Misual pawl hman in an ngahsal ding ahcun misual dang pawl hnenah an coih ve a sisi! 35 Cutiin a si lo! Nan ral pawl duhdaw uhla an parah ṭhatnak tuah uh. Coih uhla ngahsal ding ruat duh hlah uh. Cuticun ṭhatman tampi nan ngah dingih Cungnungbik Pathian ih fa nan si ding. Ziangahtile amah cu miṭha lo le lungawi hna hman a thiam lomi par khalah a ṭha a si. 36 Nan Pa cu mi zangfah thiam a si vekin nannih khal mi zangfah thiam va si ve uh,” tiah Jesuh in a ti.

Luka 11:33-34

Nan neihmi thilri pawl zuar ṭheh uhla nan ngahmi tangka cu mifarah pawl ṭhen uh. A siat thei lomi tangka bawm nan hrangah ngaihtuah uhla vancung ah nan sumsaw pawl khawl uh. Cutawkah cun fifir in an dai thei lo dingih a tlap thei fawn lo ruangah ziangtik khalah a hloral dah lo ding. 34 Ziangahtile nan sumsaw umnak ah nan thinlung khal a um ve ding,” tiah a ti.

 

Tirhthlah 20:35

Ziang hmuahhmuah ah napi in ṭuan tahrat in santlai lomi pawl kan bawm ding a si, ti kha ka lo hmuh zo; Bawipa Jesuh khalin, ‘Ngah lam hnakin pek lamah lungawinak a tam sawn,’ a timi ṭongkam kha ciing ringring uh,” tiah thu a cah.

 

Galati 6:9-10

Curuangah thil ṭha tuah hi ning hlah uh si; ning lo teih kan ṭuan ahcun a caan a kim tikah rawl kan khawm ding a si. 10 Curuangah a remcaan tik poh ah zo hnen khalah thil ṭha cu tuah uh si. A hleice in zumnak lamih kan sungte hnenah tuah uh si.

 

Filipi 4:28

Ruk a ru ṭheutu cun ru nawn hlah seh; amah nunnak hrangah felfainak thawn pumcawmtu si dingah le mifarah a cawmtu si dingah a kut rori in hnaṭuan seh.

 

1 Korin 10:24

Zohman in mah ih ṭhathnemnak lawng ruah ding a si lo; midang ṭhathnemnak ruah ding a si sawn.

 

Rom 15:1-2

Zumnak ih thazang a cakmi kannih in zumnak a derdai pawl ih thilrit kha kan phurh bawm ding a si. Kanmah ih nomnak kha ruat sawn ding kan si lo. 2 Cuhnakin kan unau pawl zumnak ih ṭhansoter ding kha thil ṭha a si ruangah an lung kan awiter sawn pei.

 

Jeim 2:8

Ca Thianghlim sungih a ummi, “Na innhnen cu nangmah na duhdawt awk bangtuk in na duhdaw pei,” timi Pathian Uknak ih daan hi na thlun thei ahcun a dikmi na tuah a si.

 

1 Korin 10:33

Ka tuah vekin tuah ciar uh. Keimah ih hrangah ṭhathnemnak ruat lo in mizapi ṭhathnemnak kha ka ruat ih rundamnak an ngah theinak dingah mi hmuahhmuah lungawinak tuah kha ka zuam a si.

 

Johan 13:34-35

Cule nan hnenah thukham thar ka lo pe: Pakhat le pakhat duhdaw aw uh! Keimah ih ka lo duhdawt vekin pakhat le pakhat nan duhdaw aw ve pei. 35 Pakhat le pakhat tlunah duhdawtnak nan neih ahcun zokhal in keimah ih dungthluntu nan si kha an lo thei ding a si,” tiah a ti.

 

2 Korin 2:3-4

Kan Bawipa Jesuh Khrih ih Pa le a Pathian, mi zangfahtu kan Pa, ziangtinkim ah bomnak in petu Pathian cu lawm uh si! 4 Harsatnak a phunphun lakah in bawmtu cu Amah a si; cutiin Pathian hnen ihsin kan comi bomnak cu hmang tahrat in harsat mangbangnak a phunphun a tongtu pawl kha kan bawm thei ve a si.

 

1 Piter 5:5

Nan zate in tangdornak thawn thuam aw uhla pakhat le pakhat bawm aw uh. Ziangahtile Ca Thianghlim in, “Mi hngal pawl cu Pathian in a dodal ih tangdormi cu mithmai ṭha a pek a si,” tiah a ti.

Hebru 10:24

Pakhat le pakhat zawnruahnak nei uh si; pakhat le pakhat bawm aw in duhdawtnak le ṭhatnak khal langter ton uh si.

Galati 5:13-14

Asinan ka u le ka nau tla, nannih cu miluat si dingah kawhmi nan si. Sikhalsehla cuih luatnak cu nan taksa diriamternak ah canter hlah uh. Cuhnakin duhdawtnak thawn pakhat le pakhat rian aw in bawm aw ton uh. 14 Ziangahtile Daan hmuahhmuah cu, “Nangmah na duhdawt awk vekin na innhnen na duhdaw pei,” timi thukham pakhat sungah hin a kim ṭheh a si.

 

Hebru 3:13

Cuhnakin sualnak ih bummi nan si lonak dingah le mi lungruh nan si lonak dingah Ca Thianghlim in “Tuih sun,” a timi ṭongfang hi kan hrangah sullam neimi a si sungah cun, nitin tein pakhat le pakhat bawm aw sawn uh.

 

1 Thesalon 5:14-15

U le nau tla, zaangzel pawl kha ralrinnak pe uh, thinnau mi pawl an ral ṭhatter uh, a derdaimi pawl bawm uhla mikip parah thinsau in um uh, tiah kan lo forh. 15 Zohman in ṭhat lonak cu ṭhatlonak in lehrulh ding a si lo; sikhalsehla pakhat le pakhat parah siseh, mi hmuahhmuah parah siseh, ṭhatnak tuah tum ringring uh.

 

2 Korin 8:13-15

Midang bomnak pek duh ruangah nan parih thilrit suan ka tum lo. Asinan tulaifang ahcun neinungin nan um ruangah a farahmi pawl nan bom ding cu a mawi paam lo maw? Cule nannih nan farah pang ih annih an lian asile an lo bawm leh ve thung ding. Cutiin bangran ih cohlanmi nan si ding. 15 Ca Thianghlim sung khalah, “Tampi a khawmtu in tam tuk a nei lem lo; malte a khawmtu in maltuk a nei cuang lo,” tiah a um.