Van ramah khat le khat kan thei aw pei maw?

Vanram ah kan u le nau, sungkhat, nu le pa, rual le pi pawl thawn kan thei aw pei maw?

Ti danglam ihkan um tikah theih awknak a hlo pei maw?

Thuletnak    : Vanramah khat le khat kan thei aw ding.

Baibal ih kan hmuh theimi pawl :

1. Pa le fa thiehawknak a umlai ding thu David nunnak ih kan hmu thei.

“Nikhat khat cu a hnenah ka feh ve leh ding, a sinain anih cu ka hnenah a ra thei nawn lo ding,” (2 Sam.12:23)

2. Thukan hlun lamih kan theih larzetmi Abraham, Isaak le Jacob khal anmah an si zia thieh an si ding.

Fiangtein ka lo sim: nisuahnak le nitlaknak ihsin mi tampi an ra ding ih vancung Uknak rawl einak puai ah Abraham le Isaak le Jakob thawn an to tlang ding. (Matt. 8:11)

3. Hmel danglamnak tlang ih Moses le Elijah an runglang tikah anmah an si kha dungthlun pawlin an thei thei. Matt.17:3

4. Jesuh hi thihnak ihsin a thawhsal tikah a dungthlun pawl in Jesuh a si kha fiang takin an thei. Johan 20:20

5. Jesuh vanih a kailai an hmuh vek cekci in a ra kir sal dingih a mah a si ti kan thei ding. (Tirh.1:11)

6. Lazaras le milian pa thu ah milian pa in hell ihsin Abraham le Lazaras kha fel tak in a thei thei. Luk.16:23

7. Jesuh a rat sal tikah a tho hmaisa pawl le nungih a thleng awmipawl in Jesuh kan hmuak ding. Hi thu ah zumtu pawl khat le khat kan thei aw ding. 1 Thess.4:17