America President ih bul hman dingih an tuahmi Air Force One hi vanzam hmuahhmuah lakah a picang bik dingah zum a um. Hi vanzam ah bedroom, bual inn, TV room, Committee room, office thawl nuam tak, Oval office vekin a hnaṭuanpi mi thupi pawl thawn pawlkom awk theinak pindan pawl an um. Sibawi duty an um ringring ih ṭul thut a um tikih hman theih operation room le hmanrua pawl a um kim ṭheh. Emergency ih hman dingah President thisen thawn a kaih awmi thisen an ret ṭha cia.
Hi Air Force One ah mi 70 lenglo an to theiih nazi pakhat ah km.965 a zam thei. Cokaa pahnih a um ih ṭum khatah mi 100 hrawng hrang ei ding an timlaam thei. Vanzam sungah telephone 85 a um ih a ṭulah cun leiih ṭum ṭul loin van boruak ah a ti an thun khat sal dingih cat loin a zam rero thei.
Thawk le khat ah doawknak suak bang ta sehla tlunvan ih zam cingin President in command centre hmangin thupek a suah thei. Ram pum huap ih thusim a ṭul khal asile video teleconference system hmangin TV fehtlangin thu a sim thei. President hrangih hman ding phone le biakawknak lam hmuahhmuah cu midang ih theih/kaih theih lo dingih him zetih tuah a si. Ral pawlin missile hmangin kah thlak tum sehla electronic jammer hmangin cuvek rak do ih bum kual theitu le kilhim awknak cet cangkang tak ret a si ih tu laiih an ṭih zetmi electromagnetic effect lak khalah him dingih ruah a si.
America mipi pawl in an President cu amah el caan ih thil qhabik hmangih thuam an duh. Cucu America ropitnak langtertu pakhat a si ce.
Laknak hram : Dr.P.C
Biaksiama ih nganmi TRUMP-A AMERICA
No comments:
Post a Comment