1. Thuphan a per thei lo.
“Danglam thei lo cui thil pahnih ah cun, Pathian cu thuphan per thei a si lo
ruangah kannih himnak hmu zotu pawl hin tha peknak nasa zet nei in, kan hmai ih
retmi ruahsannak cu kan kaihhnget theinak dingah himi hi Pathian in a tuah a
si” ( Heb.6:18 KJV). Bible cang dang
[Mip. 23:19; 1 Samuel 15:29; Rom. 3:4;
Tutus 1:2; 1 John 1:10;
and 1 John 5:10.]
Thupahan per dah lo Pathian kan nei hi ziang tluk lungawi za a si tin a ruat
dah maw? Leitlun ih kan mi rinsan cun thuphan an per thei, Pathian cu ziang tik
hmanah na hnenah thuphan a per dah lo ding.
2.
A Thleng aw thei (Dah) lo.
“Bawipa in, “Keimah hi Bawipa cu ka si ih a thleng-aw dah
lomi ka si” [ Mal.3:6].Bible cang dang Sam. 90:2,4; 102:27; Heb. 13:8; James 1:17;
Thup. 1:8].
Hlan ih
thiltitheinak humham thawn a khatmi Pathian kha tui sun ni khalah a sinak ziang
kim a kel ṭheh lai. A va
sunglawi em!
3. A thutiam a pahbal thei
lo.
Amah
thawn ka thukam cu ka bal lo ding ih, A hnenih ka tiam ciami thukamnak pakhatte
hman ka la kir lo ding [ Sam. 89:34]. Pathian cu minung vek a silo ih a thutiam
ah a rinum, a pahbal dah lo. A thutiam hi a ti famkim ih a kim ter vivolai
ding.
4. In duhdawt loin a um thei lo.
lam hlapi ihsin an
hnenah ka lang. Maw Israel mipawl, ka duhdawt ciami nan si ih nan parah
duhdawtnak cu cat loin ka nei ding[ Jer.31:3]. Leitlun ah duhdawttu kan
nei lo hmanah leh iin duhdawttu in kan tlansan hmanah Pathian cun in duhdawt
ringring.
5. A lo tansan/tlansan theilo.
Na hnenah ka um ding; na fehnak kipah
ka lo humhim ding ih hi ramah ka lo kirter sal ding. Ka lo tiammi hmuahhmuah hi
ka kimter thluh hlan lo ka lo tanta hrimhrim lo ding, ti cu ciing ringring aw,”
tiah a ti[ Sem.28:15.
Ziangah tile Pathian in, “Ka lo
tlansan lo ding ih ka lo hnong lo ding,” in ti [Heb.13:5].
6. A it that thei lo.
Israel mi humtu cu a itthat dah
lo; A sing khal a sing dah lo[Sam.121:4].
7. A lo hngilh thei lo.
Curuangah Bawipa in,“Nunau in a
sungsuak fa a hngilh thei ding maw? A hrin mi a fa cu duhloin a um thei ding
maw? A nu in a fa cu hngilh hmansehla, Kei cun ka lo hngilh dah lo ding
[Isai.49:15].
8. Amah leh amah a el aw thei lo.
Rintlak lo kan si hmanah, anih cu
rintlak a si ringring; Ziangah tile amah le amah a el aw thei lo.”[ 2 Tim.2:13]
