1
Thesalon 5:11 Curuangah atuih nan tuah rero zo bangin
pakhat le pakhat thazaang pe aw-in bawm aw uh.
Isaiah
40:31 Sikhalsehla Bawipa a rinsan tu cu An tha a tlung
saal ding. Muvanlai vekin thlapharh in an zam ding. An tlan khal le an tha a
baang lo ding; An feh rero khal le thacem in an sawn dah lo ding.
Isaiah 43:2 A thukmi
tidai sungih na feh khal le na hnenah ka um ding. Na ton mi harsatnak pawl hin
a lo neh lo ding. Meisa sungih na feh khal le na kaanglo ding. Hremnak harsa
khal in a lo na ter lo ding.
Joshua
1:9 Cakzet le ralṭhazet in um aw ti ih thu
ka lo pekmi cu ziangtik hman ah hngilh hlah. Ṭih hlah, na thin nau hlah;
ziangahtile Bawipa na
Pathian keimah in na fehnak kipah ka lo umpi ding a si,” tiah a ti.
Thufim
18:10 Bawipa cu a hngetmi beunak inn donhleisang a si; Miding
pawl cu cutawkah an feh ih an him.
Saam
31:24 Bawipa ah ruahsannak a neitu pawl cu cak le ral ṭha in um uh.
Thufim
3:5-6 Bawipa cu na thinlung zate in rinsan aw. Nangmah ih ruahnak le theihnak
kha rinsan aw hlah. Na tuah mi kipah Pathian cu thei ringring awla, Amah in
lamzin dik a lo hmuh ding a si.
2 Korin
1:3-4 Kan
Bawipa Jesuh Khrih ih Pa le a Pathian, mi zaangfahtu kan Pa, ziangtinkim ah
bomnak in petu Pathian cu lawm uhsi! Harsatnak a phunphun lakah in bawmtu cu
Amah a si; cutiin Pathian hnen ihsin kan comi bomnak cu hmang tahratin harsat
mangbangnak a phunphun a tongtu pawl kha kan bawm thei ve a si.
Isaiah
41:10 Zianghman ṭih hlah, na hnenah ka um a si. Keimah cu
na Pathian ka si, zianghman in lo phangter hlah seh. Ka lo bawm dingih ka lo
cakter ding; Ka lo hum dingih ka lo run ding.
Johan
14:27 Nan
hnenah hnangamnak ka lo tanta. Keimah ih hnangamnak ka lo pek a si. Leilung mi
ih pek vekin ka lo pe a si lo. Donhar le vansaang in um hlah uh; nan thin khal
phang hlah uh.
Johan
16:33 Keimah thawn nan pehzom awknak thawngin hnangamnak
nan ngah theinak dingah hi thu hi ka lo sim. Leilung in harsat tuarnak a lo pe
ding. Sikhalsehla nan ral ṭha uh; Leilung cu ka neh zo!” tiah a ti.
Saam
46:1-3 Pathian cu kan beunak le kan thazaang a si; Harsat
caan ah cat loih in bawmtu a si. Curuangah zianghman kan ṭih lo ding; Leilung
pi a hnin ṭheh ih, Tipithuanthum thuuk sungah tlangsaang pawl an cim ṭheh ih, Tifinriat
pawl tilet tho in a huuk ih tlang pawl an hnin an cim hman ah kan ṭih lo ding.
2 Timote
1:7 Ziangah
tile Pathian ih in pekmi Thlarau in ṭihhrutmi ah in tuah lo; cahnak huham,
duhdawtnak le mah le mah uk-awk theinak in in khatter sawn a si.
Saam
16:8
Ka hnenih
Bawipa a um cu ka thei ringring; Ka vorhlam ih a um ruangah, Zianghman in i
hnin thei lo ding.
Saam
55:22 Nan thilrit cu Bawipa hnenah ṭhum uhla, Nan tha a lo damter ding. Miding
cu ziangtik hmanah a riilsawnter dah lo ding.
1 Piter
5:7 Nan
donharnak hmuahhmuah cu Amah ih hnenah ṭhum uh, ziangah tile Amah cu nan zawn a
lo ruattu a si.
Isaiah
26:3
Maw
Bawipa, daihnak famkim cu nangmah in na pe, An tumtah mi ah a hnget mi le Nangmah
a lo ringtu hnenah cun!
Saam
118:14-15 Bawipa in huham neizet le cakzet ah i tuah; Amah cu i runtu a si. Bawipa
ih minung pawl an puanthlam ihsin nehnak lungawi ih an au ciamco cu ngaihnik
uh; “Bawipa ih baan thacak in a neh zo.
Saam
119:71 I hremnak cu ka hrangah a ṭha; Ziangahtile na thupekmi i zirter a si.
Saam
120:1 Mangbang vansaang ih ka um laiah Bawipa ka ko; Cule amah in i let.
