Mithi Vuinak Hrang

Semtinak 3:19 Leidip in tuahmi na si ih, Leilung ih na can sal tiang, Na nunnak hrangah na thlanhriput in hna na ṭuan ding. Leidip in tuahmi na si ih, Leidip ah na cang sal ding,” ti ah a ti.

Job 14:5 A nun ding kum zat cu khiah cia a si ih, A thla zat tla ruah cia in a um. Na lairel ciami an si ih thleng theih an si nawn lo.

Job 14:14 Milai a thih cun a nung sal thei ding maw? Asinain tikcu ṭha ka hngak ding, Atu-ih harsatnak caan a liam tiang ka hngak ding.

Saam 116:15 Amah ih minung pakhat khat an thih tikah, Bawipa ih hrangah ziangtluk in so a man a khun?

Saam 23:4 A thimmi thihnak horkuam sung zawh hman ningla, Maw Bawipa, ka ṭih lo ding; Ziangah tile nang cu ka hnenah na um, Na talhtum le na kianghrol in ka hna in ngamter.

Saam 30:5 A thinhengnak cu mitṭhep fang a rei; Asinain a ṭhatnak cun sansung a daih. Zan ah ṭahnak um hmansehla, Zinglam ah lungawinak a thleng a si.

Saam 146:4 An thi ih leivut ah an cang; Cuih ni ah an tumtahmi hmuahhmuah a cem ṭheh a si.

Thusimtu 3:1-4 Ziang hmuahhmuah in caan an nei ih Leilung tlun thil tinkim hrangah tikcu remcaang a um. Suah caan a um ih thih caan a um, Phun caan a um ih phawi caan a um; Thah caan a um ih damter caan a um, Bal caan a um ih sak caan a um; ṭah caan a um ih hnih caan a um, Riahsiat caan a um ih laam caan a um;

Isaiah 25:8 Cungnungbik Bawipa in thihnak cu kumkhua in a hloral ter ding. Mi hmuahhmuah ih mitthli a hnul dingih leilungtlun khuazakip ah a minung pawlih an tuar mi mualpho ningzahnak cu a lak hlosak ding. Bawipa Amah in a sim zo a si.

Jeremiah 31:13 Fala pawl an lung a awi ding ih an laam ding; Mipa pawl khal, mino mitar ti loin, an lung a nuam ding. Ka hneem hai ding ih an mithi ngainak cu lungawinak ah ka thleng ding. An riahsiatnak cu an aipuannak ah ka tuah ding.

Jeremiah 43:11 Natnak in thi dingih ruahciami pawl cu natnak in an thi ngaingai ding; sal kaih dingih ruahciami pawl cu sal kaihmi an si ngaingai ding; ral kut in thi dingih ruahciami pawl cu ral kut in an thi ngaingai ding.

Hosea 13:14 Himi pawl cu mithi khua Sheol ihsin ka run suak lo ding; thihnak kut sung khal in ka sansuak lo ding. Maw Thihnak, na pulhnat cu run keng hnik aw! Maw Sheol, na mi siatsuah theinak thawn ra aw! Himi pawl parah zaangfahnak zianghman ka nei thei nawn lo.

Mathai 5:4 Ninghang lungsia pawl cu mi thluasuak an si; Ziangahtile Pathian in a hneem hai ding.

Johan 10:28-29 An hnenah kumkhua nunnak ka pek ih ziangtik hmanah an thi nawn lo ding. Zohman in in long thei fawn lo ding. Anmah ka hnenih i petu ka Pa cu ziangzongza hnakin a tum ih amah ih kut sung ihsin zohman in an long thei lo ding.

Johan 11:23-26 Jesuh in, “Na ṭapa cu a nung sal ding,” tiah Martha cu a ti. Martha in, “A si, ni neta bikah cun a tho sal leh ding ti cu ka thei,” tiah a let. Jesuh in a hnenah, “Kei cu thawhsalnak le nunnak ka si. Zokhal keimah i zumtu cu thi hmansehla an nung ding. Zokhal keimah sungah a nungmi le i zumtu cu an thi nawn lo ding. Himi hi na zum maw?” tiah a sut.

Johan 14:18 Ka feh tikah nanmahte lawngin ka lo tanta lo ding; nan hnenah ka ra sal ding.

Johan 16:22 Cubangtuk in nannih tla nan si ve ding: atu-ah cun nan riah a sia, sikhalsehla ka lo hmu sal ding ih nan thinlung cu lungawinak in a khat ding; cuih lungawinak cu zohman in an lo long thei nawn lo ding.

Rom 6:23 Ziangah tile sualnak ih hlawhman cu thihnak a si; sikhalsehla Pathian ih laksawng cu kan Bawipa Khrih Jesuh thawn kan pehzom awknak thawngin kumkhua nunnak a si.

Rom 8:28 Ziangtinkim ahhin Pathian cun amah a duhdawtu le amah ih tumtahmi vekih a kawhmi hrangah cun an ṭhatnak ah hna a ṭuan a si, ti kan thei.


Rom 14:8 Kan nun a sile Bawipa ih hrangah kan nung; kan thih khalle Bawipa ih hrangah kan thi. Kan thih ah siseh, kan nun ah siseh Bawipa ih ta kan si.

1 Korin 15:20-23 Sikhalsehla thudik cu hiti in a si: Khrih cu thihnak ihsin thawhtersal a si zo ih a thi ciami pawl thawhter an si ve ding ti theihnak ah rah hmaisa bik aamahkhan a si. Mi pakhat ruangah thihnak a um bangtuk in mi pakhat thawngin thawhsalnak a thleng ve. Adam thawn an pehzom awknak ruangah mi hmuahhmuah thihnak an ton bangtuk in Khrih thawn an pehzom awknak thawngin mi hmuahhmuah nunnak ah thawhter an si ve ding. Sikhalsehla a sangsang tein thawhter an si ding: a hmaisa bik ah Khrih, cule a ratsal tikah Amah ih minung pawl an si ding.

1 Korin 15:54-57 Cubangtuk in a thi theimi cu a thi thei nawn lo ih thleng an si tikah cun Ca Thianghlim in: “Thihnak cu siatralter ṭheh a si, Nehnak cu a famkim zo a si,” a timi cu a kim ding.“Maw thihnak, na mi nehnak khuiah so a si? Maw thlaankhur, na tur cu khuiah so a si?” Thihnak ih tur cu sualnak a si ih sualnak ih huham cu Daan hi a si. Sikhalsehla kan Bawipa Jesuh Khrih hmangin nehnak in petu Pathian cu thangṭhat si ko seh.

2 Korin 5:6-8 Curuangah thinlung hngetkhoh in kan um ringring. Leilung taksa thawn hnangam ih kan um sungah cun Bawipa ih inn thawn kan hla aw a si, ti kan thei. Kannih cu rinnak in kan nung ih hmuhnak in kan nung lo. Ralṭhatnak in kan khat; cule mah ih duh vekin cang thei sehla hi kan leilung taksa hi taanta in Bawipa ih inn ih um kan hriil sawn ding. 

2 Korin 6:10 Kan riah in siatter ṭheu nain kan lung a awi ringring. Kan farahzet nain mi tampi milian kan siter. Zianghman nei lo kan si nain ziang hmuahhmuah neitu kan si.

2 Korin 7:10 Pathian in riahsiatnak cu thinlung thlengnak ah a hmang ih rundamnak a suahter. Curuangah cuih riahsiatnak ruangah sir awknak zianghman a um lo. Sikhalsehla milai riahsiatnak meenmeen a si ahcun thihnak a suahter.

Filipi 1:21 Nun timi hi ziangso a si? Kei ka hrangah cun nun cu Khrih a si. Curuangah thih khal le a hlawk sinsin.

Filipi 3:20 Sikhalsehla kannih cu vancung ram minung kan si ih, kanmah Runtu Bawipa Jesuh Khrih vancung ihsin a rat ding kha kan hngak.

1 Thesalon 5:10-11 Kan Bawipa cu a ratsal tikah kan rak nunah siseh, kan rak thih zo khalah siseh, amah thawn umtlang dingah kan ai-ah a thi a si. Curuangah atuih nan tuah rero zo bangin pakhat le pakhat thazaang pe aw-in bawm aw uh.

Hebru 9:27 Minung cu zokhal voikhat thih keel a si; cuih hnuah Pathian in thu a ṭhen ding.

Thusimtu 7:2 Puai tuahnak hmunih feh hnakin mithi inn feh a ṭha sawn. Ziangah tile minung cu kan zate in thihnak in in hngak a si ti cu theih ringring ding a si.