Mino (Baibal Cang)

Saam 34:11 Ra uh, mino pawl, i ra ngai hnik uh. Bawipa ṭihzah daan ka lo zirh hai ding.

Saam Hlabu 103:5 Ka nunnak cu thil ṭha in a khahter ih, Muvanlai bangin cak le no in i umter a si.

Saam Hlabu 144:12 Kan fapa pawl cu mino an si lai ihsin, ṭhazet le cakzet ih a ṭhangmi, Thingkung bangtuk si hai seh. Kan fanu pawl cu siangpahrang inn mawi tertu, Inn kilih phunmi lungser bangtuk si hai seh.

Saam Hlabu 110:3 Na ral pawl na do ni in, Na milai an tho ciamco ding. Zing thlapit ih daitla bangin, Tlang thianghlim ah na mino pawl Na hnenah an ra ding.

Thufim 20:29 Mino pawl ih sunlawinak cu an thazaang a si; Putar pawl ih mawinak cu an sampar hi a si.

Thusimtu 11:9 Maw mino, na no laiah hin lungawi in um aw; Na no lai caan hi hmang òha aw. Na thinlung duhnak le, Na mit ih a lo hruainak ah thlun aw. Asinain hi thil hmuahhmuah ruangah hin Pathian in na thu a lo ṭhen ding, ti kha thei aw.

Thusimtu 12:1 Na nolai ah a lo Seemsuahtu thei aw, Harsatnak in a lo man hlan le, Kum le tikcu a ra her ih, “Thin nomnak zianghman ka nei nawn lo,” na ti hlanah hin.

Isaiah 3:5 Mi hmuahhmuah in anmah ih miatnak hrangah cun mihmaisong an neilo ding. Mino pawl in an upa pawl an upat lo dingih mi nauta pawl in an tlunih bawi pawl an hmaisong lo ding.

Jeremiah 1:7 Asinain Bawipa in ka hnen ah, “Ka no tuk lai ti hlah; ka lo thlahnak misenpi hnenah feh sawn awla sim dingih thu ka lo pek vekin an hnenah sim aw.

Joel 2:28 “Leh hnuah cun mi hmuahhmuah parah ka thlarau ka burh ding; Nan fapa le nan fanu pawl in, profet bangin ka thu an phuang ding. Nan patar pawl in mang an man ding; Nan mino pawl in langnak an hmu ding.

Marka 14:51 Mino pakhat, puan paate lawng a sinmi pa in Jesuh cu a thlun. Amah khal cu a kaih an tum ve;

1 Timote 4:12 Mino na si ruangah zohman in lo nautat hlah hai seh. Sikhalsehla na hmurka na ṭong daan, na umtlan na ziaza, duhdawtnak le zumnak le thianhlimnak khalah zumtu dang pawl ih zohṭhim dingin nung aw.

2 Timote 2:22 No lai taksa hiarnak cu tlansan awla thinlung thiangin Bawipa ih bomnak a diltu pawl thawn hmun khatah dingnak, zumnak, duhdawtnak le daihnak ngah dingah napi in zuam aw.

Isaiah 40:30 Mino pawl hman an baang dingih Tlangval khal an tha cem in an sawn ding.

Job 20:11 A nonal ih a cakvakmi a ruang cu, Rei lote-ah leivut ah a cang ding.

Ṭahhla 3:27 Cuih thinsaunak zir cu No lai caan ah a ṭha bik.

Saam Hlabu 119:9 Ziangtin so mino in ziaza thiang a neih thei ding? Na thupekmi thlun lawngin a nei thei ding.

Saam Hlabu 71:17 Maw Pathian, ka nauhak lai ihsin nangmah in i zirh zo; Atu tiang na thil tuahmi mangbangza cu ka sim a si.

Ezekiel 4:14 Sikhalsehla kei in, “Asilo, Cungnungbik Bawipa! Thil borhhlawh ka dai dah lo. Ka sentet lai ihsin mahte thimi sa siseh, sahrang ih dehmi sa siseh ka ei dah lo. A thiang lomi rawl ka ei dah lo a si,” tiah ka ti.

1 Timote 5:1 Upa pawl kha va kawk hlah; na pa vekah ruat in neemte in forh hai aw. Mino deuh kha na unau-ah ruat aw.

1 Piter 5:5 Cubangtuk thothoin nannih mino deuh pawl in kum upa deuh pawl ih thu kha nan ngai pei. Nan zatein tangdornak thawn thuam aw uhla pakhat le pakhat bawm aw uh. Ziangahtile Ca Thianghlim in, “Mi hngal pawl cu Pathian in a dodal ih tangdormi cu mithmai ṭha a pek a si,” tiah a ti.