Thingkung 3 ih Beiseinak
YouTubeš https://bit.ly/38Ps3j1
Veikhat laiah hramlakah thingkung pathum an rak um ih an saduhthah le lungthlitum pawl an ruah aw rero hai. A pakhatnak thingkung cun a saduhthah a hun rel ih āNi nikhat ahcun hlawnthil į¹ha retnak bawm ka si lai ding. Ka sungah sui, ngun le hlawnthil į¹ha į¹ha an ret ding. Cutin mawi zet ih thuammawi in ka um dingih mitin in ka mawinak an hmu dingā tiah a ti.
A pahnihnak thingkung in a saduhthah a hung rel ve ih āNi nikhat ahcun lawng tumpi ka si lai ding. Ka parah singpahrawng pawl le Siangpahrang bawinu pawl an to dingih leitlun hmun tin ah khual an tlawng ding. Mitin in hi lawng parih to cu a nuam in a him tuk rori tiah an ti dingā tiah a ti ve.
A netnak ah, a pathumnak thing cun a sunmang a hun rel ve ih āKei cu ka į¹hang vivo dingih hramlak thingkung sangbik ka si lai ding. Tlang zimah ka um dingih miin in hmuh tikah kan hngeį¹ek pawl thlir phahin hi thingkung san dan lawm mam cu van le Pathian a dai ban zik ual an ti ding. Thingkung tum le sangbik ka si ringring dingih miih theih ringring mi thingkung ka si dingā tiah a ti.
Cutin an saduhthah le tumtah vek ih thil a thlen theinak dingah kum tawkfang thla an cam hnuah, vei khat cu an umnak ah thinghautu pawl an ra thleng. A pakhatnak thingkung kiangah thinghautu pakhat a ra ih āEe, hi thing cu thingį¹ha phun a sisi, ka hau peiih kutzungthiam (letama) hnenah ka zuar peiā a tiih a hau. Cui thing cun a thinlung teān āKa saduhthat a kim thlang ding a si hi, kutzungthiam hnenah ka thleng thlang dingih robawm mawite ah in tuah thlang dingā tiin a ruatih a lung a awi ngaingai.
Thinghautu cun thingkung pahnihnak a zoh sal ih āHi thing khal hi thing į¹ha phun a si hi, ka hau peiih lawng tuahnak hmunpi ah ka zuar peiā a ti tikah thing kung cu a lung a awi zet ih āTu cun ka saduhthah bangin lawng tumpi tuahnak ah hman ka si thlang ding a si hiā ti ah a lung a hmui zet.
Thingkung pathumnak zawnih thinghautu a ra thlen tikah thingkung cu a thin a phang zet ziangahtile hau a si ve pang ahcun a tumtah a kim thei nawn lo ding ti a thei. Thinghautu lakih pakhat cun a zoh ih āHi thing hi ka į¹ultuk ciamconak a um hran lo, ka hau mai peiā a tiih a hau.
A pakhatnak zanthing cu kutzungthiam hnen a thlen tikah a nihcun rannung rawl peknak khuang ah a rak salh hnuah rawl seekkhawlnak innpi sungah a retih cui kuang sungah fangpaw (cangpawl) a ret. A thlacam vekin thil a thleng lo nasa. Thingkung pahnihnak cu lawng tuahtu in a hun salh thok ve ih, lawngtumpi si a beisei laiah lawng fate, vokkuang lawng fangah a salh. A pathumnak thing cu a salhtu pa in ban ih hman leh awkah tiin a salh ih thim lakah a ret men. Ni le can a liam vivo ih a sunmang pawl cu zanmang vek menah an cang a si bik.
Veikhat ah nupa tuakkhat cu rawl seekkhawmnak inn sungah an rung riakih cu laiah naute an nei ih naute cu rannung rawl peknak kuang sungah an hlum. Cui kuang cu a pakhatnak thingkung ih tuahmi kuang kha a si. Cu tikah cui thing cun ro hmuahhmuah lakih ro sunglawi bik cawi ngah vekin a thei aw. Ziangah tile a sungih an hlumi cu naute danglam zet a si.
Kum can a liam vivo ih veikhat cu mibur khual tlawng pawl in a pahnihnak thingkung ih tuahmi lawng cu khualtlawnnak ah an hmang. An lakih mi pakhat cu a bang tuk ih lang parah cun a rak it that. Culaiah thlisia hrangin tisuar an tho ciamco ih lawng cun cui thli le tisuar lakah a miphurhmi pawl himteān a run thei a zum aw lo. Lawng parih a it that mipa an į¹hang tikah a nih cun tisuar pawl cu a kawk ih ādai teān um uhā a ti veten tisuar le thlisia an dai khupkhi ih anzateān an him į¹heh. Cutikahcun hi lawng ih salh a simi thing cun, āaw siangpahrang hmuahhmuah lakih Siangpahrangā ka phur ngah a si hiā ti a thei aw.
Kum a rung rei vivo ih, veikhat cu thim lakih an retmi an rung thiar ih mi pakhat an put ter ih a putu pa cu mipi in lam tluan an camriam phah vivo. Tlang par an hung thlen tikah cui thing a putu pa rori cu a parah thi dingin an kheng ih mikip hmuh dingah an tun. Nipi ni a hung thlen tikah cui thing cun āaw, saduh ka rak thahmi a kim ngah zo, tlang zim ah dingin Pathian ka tongtham ngah a si hiā ti a thei aw. Ziangahtile a parih an thlaimi cu Rundamtu Jesuh a rak si.
Hi thuanthu ih in zirh duhmi cu, kan suangtuah dan vekin thil hi a thlen lo can a um thei. Asinan Pathian in kan hrangah tumtahnak a nei ti hi kan theih hngilh lo a į¹ul. Hi thing pawl hin an suangtuah vekin an cang lo nan an beiseimi an ngah į¹heh. A pakhatnak thing hi ro bawm mawite ah tuah a si lo nan,a beisei mi ro hmuahhmuah lakih ro sunglawi bik naute Jesuh a cawi ngah. A pahnihnak zanthing khal lawng tumpi ah tuah a si lo nan a beisei vekin siangpahrang hmuahhmuah lakih Siangpahrang Jesuh a phur ngah. A pathumnak thingkung khal tlang parah į¹hang vivo in thingkung sangbik ah a cang lo nan mi kip hmuh ah tlang zim ah dingin rundamtu Pathian Jesuh a tongtham ngah. An suangtuah vek in an cang lo nan an hnenih Jesuh a thlen veten an lung di a riam ih an hna a ngam. Kan beisei vek kan thlen lo khalle Jesuh kan neih ahcun hnangamnak in kan khat ih lung diriamnak kan nei a si.
Bawipa in āKa ruahnak cu nan ruahnak bangtuk a si lo. Ka lamzin le nan
lamzin cu a dang aw a si. Van tla khi leilung hnakih a sang bangtukin Ka
ruahnak le ka lamzin cu nan ruahnak le nan lamzin hnakin a sng sawn a si.
Isai.55:8-9
(Hminsin: A cekci ih letmi si loin a semrem deuh dan ih letmi a si).
Hram: English Stories App
No comments:
Post a Comment