Khristian Innsang Hi

       Innsang hi tlawnginn hmaisa bik a si, sihmansehla zirh awknak a ṭhat si lo ahcun innsang cu tlawng ṭha lo tak bang tuk a siih cui innsang ihsin mi pitling ṭha tak a suak thei lo. Innsang cu Kawhhran hram a siih hmansehla Pathian thutak ih dinmi a si lo ahcun Pathian thu vek ih a feh lomi Kawhhran vek a si, a kek kuai leh ṭheu. Innsang cu siizung nai bik a siih hmansehla cui innsang cu ti dam tu Jesuh ih a luah si lo ahcun a sungin ceng pawl in damnak an hmu dah lo. Innsang cu cozah fate bik a siih hmansehla cui innsang in amah sersiamtu, a dintu, a neitu a theih lo ahcun Pathian thei lo cozah vekin a tlu siat leh sal ṭheu. Innsang ih thupi bik cu Pathian a si.