Honnasa timi ṭongfang hi Khristian pawlin kan theih lar zetmi le
kan hman uar zetmi, lehhnu khalih kan theih hngilh lo dingmi a si. A hleice in
kumkau nipi Ni ah hi ṭongkam hi kan hmang hleice cuang, a san cu kan Bawipa
Jesuh Khrih, Jerusalem ih a luh lai caanah a rak hmuaktu mipi pawl ih
sunloihnak ih an rak aunak ṭongkam a si ruangah a si.
Honasa timi
hi kan theihlar zetmi sikhal sehla mi ṭhenkhat cun a sullam, Thukam hlun ah
Judah pawl in ziang tin an hmang tile Thukam thar ih a run hman a si dan hi kan
thei lo men thei. Hosana timi hi Pathian thangṭhatnak tongkamlawngah kan ruat
men thei, asinan Thukam hlun san laiah Hebru Baible cun hosanna timi a hmannak
cu bom dilnak, runsuah le siatsuahnak tong lo dingih dilnak lam hoi in a hmang
(Saam. 118:25).
Cun hosanna
timi hi Thukam thar lamah a rung lang peh vivo (Matt.21:9,15; Mk.11:9;
Joh.12:12-19). Thukam thar ih a rung lang dan ahcun upat peknak phun in a rung
lang. Curuangah Hosanna timi cu “rundamtu hnenih upat peknak” a si. Jesuh
Jerusalem ih a luh ah khan mipi pawl in upat peknak ah hosanna tiih an au tikah
sakhua biaknak hruaitu pawl in au lo dingin an dawn. Asinan Jesuh in a sawn hai
ih “Annih pawl dai teih an um asile hi lungto pawl hi an hung u ciamco ding”
tiah a ti, biaknakhruaitu pawl in duh lo khal hai sehla mipi in an
cawimawinakhi Jesuh in a lung akim zet ti a lang. Jesuh Jerusalem a luh laiah
mipi pawlin upat cawimawinak anpeknak a si vekin Khristian pawl hi upat,
cawimawi peknak phunin kan hmang vivo.
Sources : www.crosswalk.com
https://en.wikipedia.org