1. Nang hi rak sem lo lawlaw tak
ning
Nu le pa pawl hin kan fa le pawl hi
kan duh vekih an um lo can ah ṭong dingih awm lo kan ṭong ṭheu ih “ nang hi rak sem lo lawlaw tak ning”ti
tiang kan vong theu ih a can can ahcun kan ṭong ṭheh tikah kanmah lala khal kan
sir aw sal ṭheu. Kan fate hi ziang vek an va si hman ah kan ni zumtu cun hi vek
ṭongkam cu ṭong ding kan si lo.
Job.10: 10 Ka pa kha keimah hrin theinak
thazaang na pek ih,
ka nu ih pum
sungah i ṭhanter.
Sam.127:3 Faate
cu Bawipa ih laksawng an si;
Amah ih malsawmnak an si.
Kan
fate hi Bawipai’ hnen ihsin kan ngahmi an si ih “nang
hi rak sem lo lawlaw tak ning” kan ti a si ahcun
Pathian duh lo zawng kan ṭong tinak a si.
2. Pang thilthu ih neihmi na si
Fa le parih lungkim lonak neih ruangah
“ Nang hi neih kan lo tum mi khal na si lo, cu vek kha vek ruangih tum lo pi’n
neihmi na si” ti vek kha kan ṭong dingmi a si lo. Tum lo pi’n fa kan nei a si
ahcun Pathian in kan ṭul ti a theih ruangah in pe a si sawn. Nan hi Pathian in
in pekmi liolion na si ti sawn ding kan si. Mi zo khal Pathian ruangih sem kan
si ruangah minung ruah dan in pang thilthu a um nan Pathian hrangah pang
thilthu ih sem kan um lo.
Sam.139:15 Seemsuah dingah ka ruangrai na zing ih,
Ka nu ih pum sungah ka thi le ka sa na pehcih laiah,
A thupte in cutawk ih ka ṭhan
rero laiah khan,
I hmu ṭhehtu nangmah na si.
3. Na ti thei dah lo ding
Fa le in thil an tuah tikah an ti theilo mi parah thazang
petu ding kan si. Thangzang kan pek tikah an mah ah zuamnak tampi a um thei. “
Na ti thei zik lo” timi ṭongkam in zuamnak a hlo ter vivo. Cu hnakin Pathian
thuthawn tha zang pe sawn ding kan si. Khawvel mi pawl in an ti thei lo hmanah
kan ni cu ziangkim tithei Pathian thawngin kan ti thei a si.
Sam.20:4
Na lungthlitum
hmuahhmuah lo pe sehla,
Na tumtahmi ah lo hlawhtlingter
hramseh.
Thuf.20:5 Minung in a thinlung sungih a neih
mi ruahnak cu tikhur thuk
sungih tidai bangtuk a si; Sikhalsehla
mifim pa in
a khaisuak thei ding.
Luk.1:37 “Ziangtin a si tile Pathian ih tuah thei lomi
zianghman a um lo,” tiah a ti.
4. Na san tlai lo
A
can can ahcun ka fa le mi dang fa kan tahṭhim ṭheu ih mi dang fa vek an si lo
tikah leh kan beisei vekih an um thei lo tikah na san tlai lo kan to mai ṭheu.
Kan mah khal mi dang thawn tahṭhim kan duh lo vekin kan fa le khalin an duh ve
lo ti theih a ṭha. Kan fa le hin mi dang an tluk lo nak a um ko ding, cu vekin
mi dang fa in kan fa le tluk lo nak an nei ve a si. Cun an mah lala khalin an
thil tuahmi kha ṭhathnemnak um lo vekih an ruah caan a um thei. Cu vek caan ah
Pathian thu in thazang pe sawn aw.
Isai.
49:4 Kei
in, “Ka ṭuan rero nain a lak hlir ah an cang.
Ka thazaang a cem ṭheh; ka ṭuansuak mi
zianghman a um lo,” ka ti.
Asinain Bawipa cu a ṭha lomi ṭhattertu le
a diklomi dik ko ih a tuah theitu a si
tiah ka ring;
Ka ṭuan mi ruangah amah in laksawng i pe
ding.
5. Ka buai (man lo) tuk
Nu
le pa hi innsang hrang in ṭuantu bik kan si tikah tuah ding, ti ding a tam tik
ah kan buai cio cu a si. Cumi ih theih ṭul betmi cu kan fa le hi kan buaipi
dingmi an si ti hi a si. Kan fa le hrangah caan malte hman nei man lo lawm mam
kan si ahcun kan palh men thei. Kan buai zet laiah kan fa le hin in beisei caan
ah ziang kan tuah ṭheu? Kan fa le hrangah caan ziang tluk kan pe? Kan hna hi a
thupi tuk rual in kan fa hnakin an thupi maw? Kan fa le henlawnglawng ah kan um
ding, khui hman ah kan feh san lo ding ti lam a si lo ih tik cu kan pe ṭheu
ding hi a thupi mi a si.
6. Na hlen tengteng a ṭul
Hi
tawk ih sim duhmi cu an tuah ding awm ih cu mikha mi na ti thluh a ṭul ti vek
lam si lo in, si ter nak duhmi vekin si ter tengteng kha rel duhmi a si. Kan fa
te parah an hrangah beiseimi kan neih sak ding cu thil dik a si. Asinan kan
palh ṭheumi cu si ding ih kan duhsakmi vekin lo theih lo ih si tengteng ṭul /
tlawlh ngah lo rori phun in kan nor a si le an mai sinak in a tlin lo tikah an
thinlung phur a rit ih ṭwntem in an um ih an si theilo tikah beidong ih mah le
mah thah awk duhnak tiang a thleng thei. Kan mai si ter duhnak lawng si lo in
an mai si duhnak kha nu le pa in kan theih sak a ṭul. Mi no tampi an nun an
siatsuah awknak san hi siter kan phutmi an ban lo ruangah a si thei.
Efs.6:4
Nu le pa
pawl, nan faale pawl kha
thinheng dingin tuah
hlah uh.
Cu ai-ah Khristian
nundaan ziaza le
zirh awknak thawn
cawm uh.
7. Tlan hlo aw, ra kir
nawn hlah
Tu
lai ah kan um lai maw ti cu theih a si lo nan hlan deuh ahcun fate parih
thinheng ruangah mai fate hi “va tlan hlo aw” ti hmang an um ṭheu. Cucu an tlan
ding taktak an duh ruangih an ṭongmi cu a si lo men thei, khui ah va tlan thei
cuang ta hlah ti phunih an ṭongmi a si ko ding tiah ka ruat. Sii bawi pawl in
dam lo hi a nung thei nawn lo ding a si
hmanah an thih tiang tuam hlawn hi an ṭuanvo a si bang tukin kan fanau pawl hi
ziang vek an va si hmanah damsung duhdawtnak thawi finkhawi cu kan ṭuanvo a si.
1
Kor.16:14 Thil nan tuahmi hmuahhmuah kha
duhdawtnak thawn tuah uh.
1
Johan 4:20 Zokhal Pathian ka duhdaw ticing in
a unau a huatu cu
thuphanper a si.
Ziangah tile a mit in a hmuhmi a unau hman
a duhdawt lo a si ahcun
a hmuh lomi Pathian cu a
duhdaw thei
hrimhrim lo ding.
Khrih ih in pekmi
thukham cu hiti in a si:
zokhal Pathian a
duhdawtu cun
a unau khal a
duhdaw ve ding.
8. Hi hi cu zo hman va sim hlah...
Nu
in si maw pa in si maw kan fa kha “ thu ka lo sim ding na nu/pa na sim lo pei”
ti vek in si maw a si lole “cu mi thu ka lo sim dingih zo hman na sim sawng lo
pei” ti vekin kan fa le hnenah ti ding kan si lo. Thuthup hin kan fa le nunnak
hi a ti si sual thei ih an mai nunnak ah thil a thup thiar ih tinak lamzin ka
zawh ter a si.
Luk.8:17
“A thupte ih thuhmi hmuahhmuah cu
langter thluh sal a si dingih
khuhmi thil hmuahhmuah cu khawtleu ah
suahter sal ṭheh an si
ding.
Marka
4:22 A kelkawmih
thuhmi pawl kha
mipi hmuh ah langter
a si ding ih
a thupte ih tuahmi pawl
kha
phuan ṭheh a si ding.
9. Ka lo hua
“ Ka
lo hua” timi ṭongkam hi nu le pa in ka fa te parih ṭong dingah kan hrial ṭulmi
a si. Kan fa le parah lungawi lo nak kan neih a si hmanah ka lo hua ti thei kan
si lo. Kan sung suak fe le hi ziangvek ih an sual hman ah duhdawttu ding kan
si. Kanmah bik ih duhdawt lo a si ahcun leitlun ah duhtu zohman an ei lo tinak
a si. Pathian in a kut suak minung pawl hi kan sual vio nan duhdawtnak ih in
hwl suak bang tukin kan fa le an sual hmanah duhdawtnak thawn tuamhlawmtu ding kan si. An ṭhatnak dingah
nang ṭang aw.
Johan
10:10 Kei cu
nunnak an ngah ih tlamtling zetih
an neihnak dingah ka ra
a si.
1 Johan 4:8 Mi a duhdaw lotu cu Pathian a thei lo,
ziangah tile Pathian cu duhdawtnak a si.
Hminsin: Letmi a si lo.
Ca siarmi >>10 Things Never to Say to Your Adult Children
