Na
Thu Hla Tawi Ziang A Si Ve Ding?
Bible sungih kan theih larmi pawl hi
an hmin kan sal vete’n kan mit thlam ah a cuangmi a um. Kan ni ten mi in kan
hmin sal an theih ve ten an mit thlam ah ziang vek a cuang ve ding? Asilole
Pathian in kan thuhla tawi sim bang sehla ziang ti’n a sim pei? Bible sungih mi
thenkhat tar lang sehla.
1.Moses : Mi tangdor, Bawipa ih siah hlawh. Mip.12:3;
Daan.34:5,10
2.Abraham : Pathian ih rual. James 2:23
3.
Daniel : Pathian ih duh zetmi.
Dan.9:23
4.
David : Ka thinlung pu
Tirht.13:22 ( NKJV )
5.
Job : Mi tha, thil tha lo
hrialtu. Job.1:1,8
6.
Ral Bawi : Hi pa ih zumnak bang tuk ka
hmu hrih lo. Matt.8:10
7.
Karnelias : Pathian be ringringtu, mi
tha. Tirh.10:1,2,22
8.
Timote : Paul vek ih Pathian
hnatuantu. 1 Kor.16:10
9.
Stefanas : Pathian minung pawl
hrangah thinlung leh thazang zate’n petu. 1 Kor.16:15
10.
Taikhikas : Pathian hnatuannak ah rinsantlak.
Efs.6:21
11.
Onesimas : Pathian hnatuan pawl ih
duhdawtmi leh rinsanmi. Kol.4:9
12.
Justus : Pathian hnatuan pawl bawmtu.
Kol.4:11
13.
Epafras : Thinlung takte ih midang
hrang thlacam ringringtu. Kol.4:12
14.
Marka : Pathian hnatuannak ah tha
hnem zet ih bawmtu. 2 Tim.4:11
15.
Luka : amah lawng ka hnenah a um.
2 Tim.4:11
16.
Onesiforas : Pathian hnatuan pawl bawm tu
leh zahpi lo tu. 2 Tim.1:16-18
17.
Paul : Pathian ih bel ruat.
Tirh.9:15 ( NKJV )
18. Jesuh Khrih: Pathian ih duhnak lawng tuahtu.
Johan 8:29
19.
Enok : Pathian thawn a leng
tlangmi. Sem.5:24
20.
Esau : Thlarau lam zianghman iha
siar lo tu. Heb. 12:16
21.
Demas : Lei khawvel duhsawn ih
tlansantu. 2 Tim.4:10
22. Mangmah :........................................................?
