1.
Ka tar tikah cun ka suaktuan lai vek ka si nawn lo ding
ruangah theihthiamnak le zawiawi theinak thawn in tuamhlawm hram law..
2.
Borhbah le sawngnawi zet ih ka ei ka in tikah in ten
mai lo in na nauhak na borhbah lai ih thinsau ten na ei in ding a tuah lai kha
thei ringring hram aw.
3.
Ka thurel kel tu le tu ka rel tikah in namnuai sak men
lo in ka thurel cem tiang thinsau ten in ngai sak hram aw.Na nauhak lai,zan ih
zawng ih ka lo sim kel thuanthu ning lo te ih ka lo sim lai kha hngilh hram
hlah.
4.
Kei mah ten bual aw thei lo in bawmtu ka tul tikah taw
zang zet in in bawm hram aw.Na nauhak lai ih lo lawm phah ih ti ka lo bual ter
kha thei ringring hram aw.
5.
Tulai leitlun thil suakthar( thilri ) ka hman thiam lo
le ka theihthiam lo tikah in hnihsan mai lo aw la na nauhak lai ih "Hi cu
ziangsaw?ziangruangah saw?" ti ih thu ih suhmi hmuahhmuah thinsau ten ka
lo sim theh kha hngilh hlah aw.
6.
Thinlung ih duh vek ih ka taksa in a tlin nawn lo tik
le cak lo cingte ih ka lenvah ih hmuh tikah na bang thacak in in kai aw la in
hruai hram aw.Na naunak na feh ciahco lai ih na ban ih ka lo kaih ih feh
ka lo zirh pawl kha hngilh hram hlah.
7.
Ka tarzet thlang tikah ka thinlung hi nauhak thinlung
vek a si ti khal in theihthiampi hram aw.
