________________________________________
(April 15, 2015) India Times- A hnuai ih mi 12 pawl hi leitlunhuap ih 'hlawhtlinak' hminpupawl an si. Minung an si vete ih hminnei hngal le hlawhtling hngal an silo. An tangdornak le zuamnak ruangih hlawhtlinak tlangsang ih hi vek dinhmun le hmin an neih nak asi. An nun ihsi an ttongsuakmi awkam na theihthiam thluh lo hmanah thu pakhat tal cu a lo sim hrim hrim ding.
1. Sachin Tendulkar (Cricket khawvel ih milar).
" khuiah ka feh ding ti ka ruat dah lo ih ka nun ah hmuitin fek fek mi thil hrim hrim ka ret dah lo."
" ka hmalam caan saupi in ka ruat dah lo, ka tuah duhmi cu ka tuah lohli."
2. Steve Jobs ( Apple Company dintu).
" Na caan a tawi tuk, mi nun cawng vek men in ti riral hlah.
Mi ih suahmi thupom le ruahnak thlun in na caan khawhral siang hlah. Kiangkap ih ruahnak awkaa men in na awmsung ih thu nung cu nun sim hrim hrim hlah seh. A thupi bik ah, Na thinlung sungih luang rero laimi na khawruahnak le tum thlun thei ding in thazang la aw. Ziangah tile, na thinlung le na khawruahnak in na si duhmi an thei cia. Thil dang hmuah hmuah cu a pahnihnak."....
3. Narendra Modi (India PM).
" Thil pakhat tuahsuak ding ih thuthluknak kan neih lawngah hmalam hlapi ah kan feh thei.
" Na khawruahnak silo in na khawruahnak ih lungput sawn kha a sual ttheu."
4. Bill Gate (leitlunhuap Software Company tumbik neitu, Microsoft Co-founder, Computer programmer le inventor, leitlun milianbik(March 2, 2015-BBC report).
" Hlawhtlinnak timi hi zangfahza le quality neilo zirhtu asi. Mifimpawl hnenah, an khawruahmi le tummi pawl a kim thei tak tak lo ding thu a zirh ih a thlemthlu ttheu."
" Na dawr ih thil ra leitu lak ih lungawi lo bik customer pawl kha na fimzirnak ding hrampi le ttha bik asi."
5. Messi (football khawvel ih mi lar).
"Tuan te in ka thok ih tlaipi ah ka cawl, ni khat hnu ni khat, kum khat hnu kum khat, hi tiih mi cungcuang le hminthang si ding in kum 17 le ni 144 sung ka thitha le caan ka seng.
" Keimah le keimah ttha sin sin ih ser aw ding in kum tampi ka nei ti hi ka lungput asi a ttul. Tthansohnak zianghman tuahsuak lo ding ih na ruah awk ni cu zangfahza le a farah zet mi lektu na si ni asi."
6. Rahul Dravid (Cricket khawvel ih hminthang).
" Kan nu thawn inn thar kan sak ih kan hmuan ah cun rua kung kan phun. Chinese pawlih rua kung thu ka rak siar dah ruangah rua kung hin a sannak vawrtawp, feet 80 thleng ding ah kum 5 le thla 3 sung hngah a ttul ti khal ka rak thei. Asinan kum 5 sungah rua kung ah a hnah no cerh lawng hmuh ding a um, a tthantawp thleng dingah a dang ni 90 hngah bet a ttul. Thla 60 an si sung ah an mah le mah support aw thei ding in leisung ah nasatak in hram an khuar. Hi mah le mah tuamhlawmawknak san ah thingkung tawite lawng lawng phun kan duh, thinsaunak in laksawng a nei ti hi kan theih a poimawh. A hram na thawhnak ih kum tampi sung caan na rak sensohnak in hlawhtlinnak ah a lo hruai ding ih a netabik ah cun mi ih "Mi hlawhtling le cungcuang zet asi hi" tiih lom le fak don ding lawng a tang. Hi Chinese rua kung thu an theih lawngah."
"Na nun hmaisa ah cun a phenthlam lawng na hmu nan, a nehhnu ah cun na duh khalah duh lo khalah 'hlawhtling nu/pa' tiin na nun a sunglawi ding."
7. A.P.J Abdul Kalam (11th India President, Scientist and Administrator).
"Van khi hun cuan aw. Kanmah lawng kan silo. Tumtahnak neiih a ttuantupawl thil ttha lawng pe thup dingah van boruak kaupi in mithmai pan ten in thlir."
"Na Mang manmi a tak ih a can theinak ding cun mang na man ta a ttul."
8. Mahatma Gandhi (India Independence Cangvaihnak Hruaitu).
"Leilungtlun ih na thleng duhmi kha nangmah ah na thlengawk hmaisat a ttul."
"Thaisun ih thi ding vek in nung aw. Kumkhua ih nung ding vek in zir aw."
9. Confucius ( Chinese Philosopher, Politician, Teacher le Editor [BC 551-491]).
"Ziang vek ih na feh cak lo khallah a poilo, na colh lo phawt cun."
10. Albert Einstein (German Physicist, Relativity Theory Hmusuaktu).
"Kan harsatnakpawl ih laifang ah caanremcang timi a um."
"A liamciami Mani ihsiin zir aw, tui'ni hrangah nung aw, thaisun hrangah beisei aw. A thupi bik cu, ziangtik hmanah thusuh cawl hlah."
11. Walt Disney (American Interpreneur, Cartoonist, Voice actor le Video producer).
"Nehnak le sunnak timi parah lunghmui(lungsi) ti a umlo."
"Ngah ding rori ih kan dawi ah cun kan suunmang manmi hmuah hmuah a tak in an famkim thei."
12. Jawaharlal Nehru
"Kan damsung nun timi cu phe(cards) lek thawn a bangaw. Na hmanmi na kut in na thutluknak vek in a cangvai ding, asinan na thutluknak cu a zalen zetmi na khawruahnak ih hnuaiah a um."
"Kan diklonak bik cu, ttuantu silo in ttongtu kan si ring ring ttheu."
