Zumnak

1 Johan 1:4 ziangah tile Pathian fa a si mi poh in khawvel kha an neh thei. Cule kan zumnak thawngin kannih cu khawvel nehtu kan si.

1 Johan 1:13 Pathian Fapa a zumtu in kumkhua nunnak kan nei ti nan theihnak dingah hi cakuat hi nan hnenah ka ngan.

1 Timote 4:12 Mino na si ruangah zohman in lo nautat hlah haiseh. Sikhalsehla na hmurka na ṭong daan, na umtlan na ziaza, duhdawtnak le zumnak le thianhlimnak khalah zumtu dang pawlih zohṭhim dingin nung aw.

Galati 3:22 Sikhalsehla Ca Thianghlim in, “Leilung pumpuluk hi sualnak huham hnuai ah a um,” a ti. Curuangah Jesuh Khrih rinsannak thawng lawngih tiam ciami Pathian ih kammi laksawng cu a zumtu hnen lawngah pek a si.

Galati 2:20 Curuangah a nungtu cu kei ka si nawn lo; ka sungih a nungtu Khrih sawn a si. Atuih ka nun hi cu i duhdaw ih ka hrangah a nunnak a petu Pathian Fapa rinnak in ka nung a si.

Jeim 1:6 Sikhalsehla cutiin a dil tikah thinlung ṭhukṭhunnak um lo tein a dil pei ih ka ngah rori ding tiin a zum pei. Thinlung ṭhukṭhunnak a neitu cu thli in hmun kipih a semmi tifinriat tisuar bangtuk a si.

Tirhthlah 16:11 Asilo! Kannih hi anmah vek thotho in zumnak kan nei ih Bawipa Jesuh ih zaangfah thinpemnak thawngin rundamnak kan ngah a si,” tiah a ti.

Trihthlah 26:20 An mit na mengter ding ih thimnak sung ihsin tleunak ah, Satan cahnak sung ihsin Pathian hnenah na kirter hai ding. Cuti cun keimah in zumnak thawngin an sualnak tla cu ngaidam an si ding ih Pathian ih thianhlimtermi pawl lakah an tel ve ding,’ tiah i ti.

Rom 1:12 Cuti ka ti tikah ka zumnak in nanmah ih zumnak thazaang a cakter ih nan zumnak khal in ka thazaang a cakter ve ding ka tinak a si.

Rom 1:17 Ziangtiin a si tile, Pathian in Amah le minung karlakah remnak ziang bangtuk in a tuah, ti kha a langter: cumi cu a hramthok ihsin a netnak tiang zumnak thawngin a si. Ca Thianghlim khalin, “Zumnak thawngih thiamcotermi cu an nung ding,” a ti.

Rom 3:22 Jesuh Khrih an zumnak thawngin Pathian in minung thawn remnak a tuah. Khrih a zumtu hmuahhmuah hrangah cuti cun Pathian in a tuah a si; curuangah dan awknak zianghman a um lo;

Rom 4:20 Pathian ih thukammi khal zum loin a um cuang lo; a zumnak in cahnak a pek sawn ih Pathian kha a thangṭhat.

Rom 14:1 Zumnak lamih a derdaimi kha cohlang ko uh; a pumpak zumnak pawl kha eel rero duh hlah uh.

Rom 15:1 Zumnakih thazaang a cakmi kannih in zumnak a derdai pawlih thilrit kha kan phurh bawm ding a si. Kanmah ih nomnak kha ruat sawn ding kan si lo.

Galati 3:6 Abraham ih thu kha ruathnik uh. Ca Thianghlim ah, “Abraham in Pathian a zum ih cutiih a zumnak ruangah Pathian in miding ah a co,” * tiah a um.

Galati 3:14 Cuticun Khrih Jesuh ih zaarah Pathian in Abraham hnenih a tiammi thlawsuah cu Zentail mi in an conak dingah le zumnak thawngin Pathian ih tiam ciami Thlarau kan conak dingah a si.

Galati 5:6 Ziangah tile Khrih Jesuh thawn kan pehzom awk ahcun serhtan siseh tan lo khal siseh a dang nawn lo. A thupi mi cu duhdawtnak thaw-ih hna a ṭuantu zumnak lawng a si.

Efesa 2: 8 Ziangah tile nannih cu Pathian zaangfahnak zaarah zumnak in rundam nan si. Hi rundamnak cu nan ṭuannak ruangih nan ngahmi a si lo, Pathian ih laksawng a si.

Efesa 3:12 Khrih thawn kan pehzom awknak ruangah le Amah kan zumnak thawngin Pathian umnak hmunah ralṭha zet le ngamzet in luh theinak kan nei.

Efesa 6:16 Catbaang loin thirphaw ai-ah zumnak kha keng ringring uh; ziangah tile Satan in meiling bangtuk a si mi thal in a lo kah tikah cuih phaw cun nan mit thei ding.

Filipi 1: 29 Khrih nan zumnak lawngah si loin amah ih hrang nan tuarnak khalah covo zemmi nan si hi mi vannei nan si.

Kolose 1:4 Ziangah tile Khrih Jesuh nan zumnak le Pathian minung pawl hmuahhmuah hnenah duhdawtnak nan neih kha kan rak theih ruangah a si.

Kolose 1:23 Cuti a si ruangah nan hramṭoh-nak a hngetmi parah khan fekzetin zumnak thawn ding ringring uh. Thuthang ṭha nan theihnak ihsin nan co ngahmi ruahsannak thawn zohman in lo ṭhen hlah hai seh. Hi Thuthang ṭha hrangah keimah Paul hi hnaṭuantu ka si ih, leilung tlun khuazakip mi hmuahhmuah hnenih simmi Thuthang ṭha a si.

1 Thesalon 3:7 Curuangah u le nau pawl, harsatnak le hremnak tong hman nungla nanmah ruangah kan thinlung cu a cakzet a si. Thazaang in petu cu nanmah ih zumnak hi a si.

1 Thesalon 5:8 Sikhalsehla kannih cu sunih mi kan si ih fimvar zetih a um ding kan si. Curuangah zumnak le duhdawtnak cu ṭaangphaw ai-ah hmang in kan ruahsanmi rundamnak cu thirlukhuh ai-ah hmang uhsi.

2 Thesalon 1: 11 Curuangah cat loin nan hrangih thla kan camnak a si. Kan Pathian ih a lo kawhsannak thawn mil-aw in nan nun theinak dingah kan dil ringring. A cahnak huham sungin nan duhmi hmuahhmuah cu ṭhatnak ah kimter in nan zumnak ih hnaṭuannak cu amah in tlamtlingter hramseh.

1 Timote 1:4 Zumnak lawngin Pathian tumtahnak cu theih thei a si.

1 Timote 1:14 Bawipa in a tamzetmi a zaangfahnak thawn i run burh ih zumnak le duhdawtnak i pek. Cuih zumnak le duhdawtnak cu Khrih Jesuh thawn kan pehzom awknak thawngin kan ta an si zo.

1 Timote 1:19 Thinlung thiang nei in na zumnak fekter aw. Mihrek cu an siaṭha thleidan thiamnak thinlung an thlun duh lo ruangah an zumnak an siatter ṭheu.

1 Timote 6:11 Sikhalsehla nang cu Pathian minung na si ruangah himi pawl hi hrial aw. Dingnak, thianhlimnak, zumnak, duhdawtnak, tuartheinak le lungnemnak pawl nei dingah napi in zuam aw.

2 Timote 1:5 Zumnak fel na neihmi kha ka ciing ringring. Cuih zumnak cu na pi Lois le na nu Zunis in an rak neihmi zumnak a si. Atu khalah cuih zumnak cu na nei lai a si, tiin ka zum.

2 Timote 1:13 Khrih Jesuh thawn kan pehzom awknak ruangih kan ta a si mi zumnak le duhdawtnak sungah um ringring aw.

2 Timote 3:15 Ca Thianghlim cu na nauhakte lai ihsin na thei zo ti kha hngilh hlah aw. Cuih Ca Thianghlim cu Khrih Jesuh na zumnak sungin rundamnak ah a lo thlentu, fimnak a lo petu a si.

Hebru 4:14 Curuangah kan zumnak hi khoh zetin kaihnget uh si. Ziangah tile Pathian Fapa Jesuh cu kan Puithiam saang maktak a si ih amah cu Pathian umnak rori ah a thleng zo.

Heb 11:1 Zumnak neih timi cu kan ruahsanmi kan ngah tengteng ding, ti zum le kan mit ih kan hmuh thei lomi a um rori a si, ti zum khi a si.

Heb.11:6 Zumnak locun zohman in Pathian lungawiter a theih lo; ziangah tile Pathian a pantu in Pathian a um, ti le amah a hawltu hnenah hawlman laksawng a pe, ti an zum a ṭul a si.

Heb.11:13 A tlunih kan simmi zumnak neitu pawl cu an thih tikah zumnak thawn an thi. Pathian ih a tiam ciami pawl cu an co ngah lo nain a hlavaang ihsin an hmu ih an lung a awi thotho; leilung tlunah mikhual le mi vakvai an si kha langhngan in an phuang.

Jeim 2:5 Pathian in leilung tlun mifarah pawl hi zumnak lamah milian si dingah le amah a duhdawtu pawl hnenih a kam ciami a Uknak cotu dingah a hriil hai a si lo maw?

Jeim 2:18 Sikhalsehla mi hrekkhat in, “Mi pakhat in zumnak a nei ih a dang pakhat in tuahnak a nei,” an ti ding. Ka thulehnak cu, “Tuahnak um loih zumnak lawng a neimi i hmuh awla kei in ka tuahnak in ka zumnak ka lo hmuh ding,” ti hi a si.

Jeim 2:26 Cuti a si ruangah ruangpum cu thlarau lo cun a thih bangtuk in zumnak khal tuahnak lo cun a thi ve a si.

1 Piter 1:21 Thihnak ihsin a thawhtertu le sunlawinak a petu Pathian kha Amah thawngin nan zum. Cuti cun nan zumnak le nan ruahsannak cu Pathian parih bunmi an si.