CA ᚏHEN KHAT

Saturday, August 25, 2018

Khristian Tuarnak (1 Piter. 4:12-16)


  
        Baibal sungah Khristian pawl tuarnak thu hi hmuhding tampi a um. Thusimtu tampi in an sim áš­heu bang tukin Zumtu pawlih lamzin cu lamzin nuam a si lo. Jesuh khalin lei parih a um laiah a dungthluntu pawl hnenah a dungthluntu an si ruangih harsatnak an ton ding thu pawl a sim cia (Matt.5:11). 1 Piter 4:12-19 tiang kan siar asile Khristian tuarnak thu kan hmu thei. Khristian pawlih in harsatnak kan tuarmi phun hnih kan hmu thei. Cucu Khrih ruangih harsat tuarnak le mai nikhua lonak ruangih tuarnak a si. Harsat tuarnak thu kanhmuh thei mi pawl ihsin thaang la tlang sehla.


1. Mangbang in um hlah uh (cang 12)

          ‘A harsazet hniksaknak nan tuar ruangah mangbangin um hlah uh’ a ti tik ah kan parih a thlengmi harsatnak ah ziang ruangah a si tiih mangbang lam kha a relmi a si lo. Hi tawk ih mangbang timi hi, kan parih thleng dingih kan ruahlo mi thil kha a thleng lole mi dang parih tleng dah lo ka parah a thleng ti ruahnak kan neih lo ding kha a sawh duhmi a si. Kan parih harsatnak a thlen tikah danglam emem, kan ton lo ding kan tong tiah kan ruah aw áš­heu pang maw? Midang parih thleng dah lo kan parah thleng tiin van duai cuangin teh kan ruat aw dah maw? A Baibal lala in fiang zetih in simmi cu “zohman ih ton dah lomi kan parah a thleng ce tiin ruat aw hlah uh” tiah a ti.

          Harsatnak cu hniksaknak : Ziang ruangah harsatnak kan ton tikah mangbang (surprised) ih um ding kan si lo nak san kan ti asile mi dang par khal ah a thleng ve mi thil a si ih hniksak áš­ul hrimhrim kan si ruangah a si. Jesuh in tuarnak thu ah a simmi cu “nan hlanih Profet pawl khal cu bangtuk in hremnak an tuar zo” tiah a ti (Matt.5:12). Hniksaknak timi hi Pathianmi pawl hnenah thleng áš­heumi thil a si ih hniksaknak hmanrua lawngte a phunphun a si thei. Sui le ngun cu meisa ih hniksak an si áš­heu bangin Bawipa in a mi pawl hi in hniksak áš­heu (Thuf.17:3; 1 Pit.1:7). Curuangah harsatnak hi kan parih a thlen tikah mangbang ding kan si lo. A thlen lo dingmi ka parah a thleng ti ding khal kan si lo, a theng ding mi thil kan parah a thleng ih mi dang par khalih thleng ve mi a si.

2. Nan lungawi sawn uh (Cang 13-14)

          Pathian thlawsuah don ruangih lungawi hi cu  fial áš­ullo in zumtu tampi kan thiammi a si. Asinan harsatnak tonih lungawi hi cu a har ngaingai. Tirhthlah pawl cu Jesuh ruangih hrem an tuarnak ah an lung a awi ngaingai ti kan hmu thei (Tirh.5:41). Harsat ton ri ngot ruangih lungawi ding hrimhrim hi a sim duhmi siloin kan lungawinak ding san a um sawn ruangah lungawi uh in tinak sawn a si.

          Khrih tuarnak hlawm aw mi kan si: Kumkhaw nun kan neih theinak dingah Khrih cun kan hrangah harsatnak a phunphun le thihnak tiang a tuar. Cui a tuarnak áš­awmpitu kan si.

          Kan lungawi ti tamtu ding: A  tu ih kan tuarmi hi har zet khal sehla a har in a net lo ding, Khrih a rat sal tikah kan lungawinak titam tu ding a si.A um zia cu a tu  ih kan tuarnak hin rah duh um tak a suah lai ding tinak a si. 1 Pit.1:7 ahcun kan tuarnak ih ruangah thangáš­hatnak, sunlawinak le upatnak kan co ding thu a ngan.

          Kan parah Pathian thlarau a um: Khrih ruangih harsatnak kan tuarmi in a feng termi cu Pathian thlarau, Thlarau sunglawi kan parah a um timi hi a si. Pathian ih Thlarau hi mikip ih comi a si lo ih Amah zumtu pawl lawngin kan comi a si. Harsatnak kan tuar tikah cui Thlarau cotu kan si zia a fiang.

3. Nan ning zak hlah uh (Cang 16)

          Khristian sinak ruangih tuarnak ah zingzah ding a si lo thu kan hmu thei. Sualnak ruangih tuar hi cu ningzah za a si ko nan Khrih ruangih tuarnak ahcun zianghman ningzah ding a um lo, ziangah ti le tuarnak dik a si. Khrih in kan hrang a tuar tikah lawngfang kheh tiang a tuar, cu tlukih kan hrang a tuarnak ruah tikah a ruangih tuarnak ah ningzak ding ci a si lo. Khristian timi a ra suah kehnak zoh tikah hmaihngal pi dingmi a si lo, hmuhsuamnak hmin a rak si. Khristian nan si maw ti thusuhnak an ton tikah “ka si” ti hi a harnak a um, ka si ti tikah thihnak tiang tuar theih dinhmun a si. Curuangah Khrih ruangih a tuarmi pawl hnenah thazang pe in Khristian nan si ruangih nan tuarnnak ah nan ning zak hlah uh tiah a ti.

4. Hrial dingmi tuarnak (Cang15)

          Piter in Khristian sinak ruangih tuarnak ah zingzah ding a si lo zia a sim rualin diklo nak ruangih harsatnak tuar lo ding kha thupi takin a ngan lang. Lai thahnak ruangah, fifir ruangah, daan buartu si ruangah le tokhroktu si ruangih tuartu kan si lo dingah ralrinnak in pe. Hi ruangih tuar hi cu Khrih ruangih tuarnak a silo ih áš­hathnemnak a um lo. Kan tuar ding awm kan tuar mai a si sawn. Pathian duhnak tuah ruangih kan tuarnak ahcun thlawsuah a um nan sualnak ruangih kan tuarnak ahcun zianghman áš­hathnemnak a um lo (1 Pit. 2:19-20). Thukam hlun khalah Pathian ih duhnak tuah ruangah Daniel tei rual vah thum le Josef pawl in harsatnak an rak tong ko nan thlawsuah in a thlun. Asinan sualnak tuah ruangih tuartupawl hnen ihsin thlawsuah dongtu an um thu hmuh ding a um lo. Zumtu kan nunnak kan zoh a si le a caancaan ahcun kanmai thiam lo ruangih tuarnak khal Khrih ruangih tuar ah kan ruat aw sual áš­heu. Khakha cu mah le mah zangafah awk men a si ih Pathian zangfahnak a um lo.

5. Thiláš­ha tuah peh le hlanawknak (Cang 19)

          Pathian duhnak vekih a tuartu pawl cun thiláš­ha tuah vivo in an nunnak cu Sersiamtu rinum hnenah ap hai seh (NKJV). Pathian duhnak vekih a tuartu pawl inan tur ih ruangah an thiláš­ha tuah hi colh san dingin  a ti loih tuah peh vivo ding in a forh. Kan parah harsatnak thlen áš­heu khal sehla Pathian ruangih thiláš­ha kan tuahmi hi bansan ding kan silo. Paul ih nunnak kan zoh tikah harsatnak an ton ih ruangah Pathian thangáš­hat a áš­hulh lo, thlacam a áš­hulh lo, zumtu thazang pek a áš­hulh lo, midang hrangih nun hman a áš­hulh cuang lo. Cun Pathian hnenih ap/hlan aw ding in a ti. Harsatnak kan parih a thlen ruangah Pathian hlattu le dungtuntu siloin Pathian hnenah hlan aw sinsin, tuk lut aw sinsin ding kan si.

          Harsatnak hi zumtu pwlih kan nunnak thawn a áš­hen aw thei lomi lakah a tel ve mi a si. Zumtu diktak kannunnak cio suh aw sehla ziang mw zwn talah cun harsatnak kan tong ko ding. Jesuh a rat sal hlan tiang hi harsatnak hi kan ton vivo lai dingmi khal a si. Asinan a fehliam zo zumtu pawl ih nunnak kan zoh tikah Khrih ruangih an tuarnak ah dung sip an um lo ih raláš­ha takin Khrih hrangah an hmang sinsin. Tuarnak hi zumtu pawl ih thazang sawn ah a cang riangri áš­heu.


Cabu siar :       Hrekio Commentary Series
                        The preacher outlines & Sermon Bible

SufferingAccording to God's Will 


 â€œDon’t Be Surprised When You Suffer forChrist, But Rejoice!”