Jesuh hin thusuhnak tamzet a dawng ih
tui ṭum ahcun Marka bung 11 leh bung 12 ih thu harsa an suhmi 4 kha kan tarlen
duhmi a si. Hi thusuhnak pa 4 pawl hi Jesuh a thihnak caan a nai thlang ih an
suhmi pawl an si ih an tumtah bikmi cu sual puh in an kaih theinak ding hi a si
bik. A hleice in Hruaitu pawl in thu an suh tikah luatnak ding um lo, khat lam
khat lam ih thang kam ṭeng ṭeng in thu an sut. Asinan voikhat hman an
thangkammi in Jesuh a awk dah lo; an mahsawn awloksong in an um ṭheu. Cu pawl cu
vun tarlang sehla.
1. Thuneihnak Thu: Mk. 11:27-33
Thusuttu : Puithiam upa, Daanthiam pawl leh upa dang
pawl
Thu
suhmi : Ziangvek
thuneih theinak in so hi bangtuk thil hi na tuah? Zo in
so hi thuneihnak hi a lo pek?
Thusuh
san :
Jesuh sual puh ih kaih duh ah a si.
Jesuh
in Jerusalem Biakinn ih thilzuartu pawl a dawi, an cabuai leh laileng zuarnak
pawl a linglet ṭheh ih Biakinn tual ih thil phur vak sukso khal a kham ṭheh.
Biakinn ah hin puithiam pawl hi thu nei tu bik an si ih an thu lo in Biakinn
kiangkap ah thil a zuar theih lo ih an thu tel lo in zianghman a siatsuah a thiang
lo. Jesuh in cuang pawl a siatsuah tikah
puithiam pawl ih siannak ih tuahmi a si lo.
An
thang : An
thusuhnak hmangin hailing an duhmi cu “Jesuh in Biakinn ih thil siatsuah
theinak a nei lo ih thuneitu Puithiam pawl ih siannak khal a la lo” tihi a si.
Cuticun Jesuh kha sual puh ding remcang tak thawn kan kai thei ding tihi an
ruahmi a si.
1) Cun
thil um theimi cu Pathian thu in ka tuah a ti le Pathian ah a ruat aw ti inmipi
hmai ah sual an puh ding.
2) Milai
thu in ka tuah asile cu vek tuah theinak a nei lo, ti in sual an phuh thotho
ding.
Thulehnak : Johan in Baptisma a pek theinak thu hi zo ih
hnenin so a ngah? Pathian hnenin maw milai hnenin so?
Jesuh in an thu suhmi lehnak
ah thusuhnak a hmang ve hai ih a thusuhmi cu an let thei lo. Ziangah tile Johan
in Baptisma a pek kha Pathian thu in an ti asile “ Ziangah a thu nan lung lo” a
ti dingih milai thuin an ti a si le mipi in profet a sizia an thei theih fawn.
Curuangah “ Kan thei lo” tiin an let.
An
thangkam mi ihsin Jesuh a luat.
2. Ngunkhuai (tex) Thu: Mk.12:13-17
Thusuttu : Farasi hrekkhat leh Herod minung hrekkhat
Thusuhmi : Rom siangpahrang hnenih ngunkhuai(tex) pek
hi kan daan in a thlah maw? Kan pe ding maw pe lo ding.
Thusuh
san :
Jesuh kaih duh ah an suhmi a si.
Farasi pawl leh Judah mi pawl
hrangih pumpe aw zettu Zealot pawl in Rom siangpahrang hnenih ngunkhuai pek cu
an hua lawlaw ih milem biak tluk ih an ruahmi a si. Cun khatlamah Rom cozah
aiawh ih Judah ram a uktu Herod leh a minung pawl cun Judah mi in Rom
siangpahrang hnenih ngunkhuai pek cu a ṭulmi a si an ti ve. Hi te phuaih hnih
hi an thu fehpi mi a bang aw lo lellel, asinan Jesuh kaih theinak dingah an ṭang
tlang.
An
thang :Thang hi
kap hnih in an kam sal lala.
1) Rom
siangpahrang hnenih ngun khuai pek a ṭul a ti asilen Rom uknak hua lellel Judah
mi tampi hmaiah sual an puh ding.
2) Pek
a ṭul lo a ti asile Rom cozah hnenah an zuar
ding.
Thulehnak : Jesuh in “Siangpahrang ta a simi cu
siangpahrang hnenah pe uh la Pathian ta a si mi cu Pathian hnenah pe uh” a ti
tikah anmang a bang ṭheh.
An
thangkammi in Jesuh a awk lo.
3. Tawhhsalnak Thu: Mk.12:18-27
Thusuttu : Sadusi
Thusuhmi : Fate nei lo in pasal 7 a neitu nu kha thawhsalnak
ah zo ih nupi a si ding?
Thusuh
san :
Thawhsalnak a um lo ti langter duhnak.
Sadusi pawl hi thawhsaknak a
um lo ti a fehpitu pawl an si ih Moses dan leh thwhsalnak thu ah thu harsa a um
theimi ih an ruahmi kha an sut. Nunau ih pasal a nei dingih fa nei lo in a
pasal a thih ahcun a pasal ih naupa khan a nei ding, cucu Moses ih dan a si.
Thu an suhmi cu nunau pakhat in fa nei lo ih thihnak ruangah unau 7 pasal ah a
nei ih thawhsaknak a um asi ahcun cu nu cu zo bik ih pasal a si ding ti a si.
An suh duhsan tak kha zo ih nupi a si ding ti lam hnakin kha ti vek kha thil
ummi a si tikah thawhsaknak hi a um thei lo a si lo sawm ti sawn a si.
Thulehnak : Thawhsalnak ah nupi pasal a um nawnlo;
vancungmi vek kan si thlang ding. Pathian cu Abraham, Isak, Jakob ih Pathian a
si, a nungmi ih Pathian a si. (Thawhsal
nak a um lo a si ahcun Pathian cu a nungmi in Pathian si lo in a thimi ih
Pathian ah a cang ding.)
Jesuh
n an mh sawn kha a fehpi mi a palh zia a sim.
4. A Thupi Bik Thukham Thu:
Mk.12:28-34
Thusuttu : Daanthiam pakhat
Thusuhmi : Khuimi thukham so a tum bik?
Thusuh
san : Thu
a thei ngai maw ngai lo hniksaknak
A tlunih thwhsalnak thu
an suhmi kha Jesuh in a lehdanah thiam zet in a thei ih ruangah hi daanthiam pa
hin thu a sut ve. A suh duhsan ih lang cu Jesuh in Thukham tampi lakih a thupi
bik hi a thei ngai pei maw tia si ko. A theih hnai lo ahcun hi a thusuhmi a sim
theilonak ruangah mipi hmaiah Jesuh kha a mualpho ve thei.
Thulehnak : 1) Bawipa kan Pathian lawng hi Bawipa a si.
Bawipa nan Pathian cu nan thinlung zate, nan nunnak zate, nan ruahnak zate leh
nan thazang zate thawn nan duhdaw pei.
2) Na innhnen kha nang mah na
duh awk vekin na duhdaw pei.
Daan thiam pa cun Jesuh
in a thusuhmi a let thei hnai lo ding ti thinlung thawn a sut a si men thei;
Asinan a theih zwng tak a rak si.
Hi
thusuhnak 4 pawl hi Jesuh in fuh cutco ih a let ṭheh hai tikah hi ṭum ah zo
hmanin thu an sut ngam nawnlo. Ziang bang tuk thusuhnak har khal hi Jesuh
hrangah cun san har mi pakhat hman a um lo.
Casiarmi : Hrekio Commentary Series
: Chanchintha Marka Ziak, By. Rev.Dr. Vanlalchhawna Khiangte
