Phunzainak
Leh A Rah
Israel pawl thuanthu kan siar tikah
ziang tluk in phunzai an hmang ti cu kan thei cio ko ding. Pathian in a kut cak
mangbangza thawn lam a hruai rero ih a thatnak tampi a hmuh ter ih cu cing in
an phun an ciar rero theu. Cu vekih an phunzai tikah Pathian in an parah
ziangvek in a kut a tlak ih cui an thil tonmi pawl ihsin kan ni in zir ding leh
ralrin ding tampi kan nei a si. Kan thupi ah Phunzainak leh a rah ti asinan
dokalhnak thu tla kan tarlang phah ding.
A.Israel pawl hnunzainak Pathian ih
tuahsakmi
1.Tipi
sen an thlenah nasa nawn in an phunzai ih Pathian in tipi sen a cat ter.
Suah. 14:11
2.
Ti dai khaa an tonmi parah an phunzai ih Moses hmangin in tha ah a can ter.
Suah.15:22-24
3.
An rilrawngin an phunzai ih Pathian in Mana leh vanim sa a pek. Suah.16:1-4
4.
Ti hal in an phunzai ih Pathian in Lungpi sungin ti a suak ter
Voi
4 phunzainak hnuah
B. Israel pawl phunzainak leh
Pathian ih kut thlaknak
1.
Mip.11:1 : Harsatnak ruangah an phunzai
Mip.11:1 :
Pathian in an lakah mei alh a thlak.
Zir
ding : Harsatnak ruangah Pathian parah
phunzai rero ding kan si lo. Kan
Parih a thatnak tampi kan comi sawn siar in
lungawi thu sim ding
kan si.
2.
Mip.11:6,10 : Mana ning in an phunzai.
Mip.11:33 : Pathian in pulhnat a tlen terih mi
tampi an thi.
Zir ding :
Pathian in ei ding ti le rawl in pekmi ah ka ning, a thaw lo
Ti vek ih phunzai rero lo ding. Ei ding in
pekmi parah lung
awi thu sim ding kan si. Ei ding nei lo mi
tampi an um.
3.Mip.12:1 :Miriam leh Aaron in Moses an thangsiat.
Mip.12:10 : Miriam parah phaarnat a thleng.
Zir ding :
Pathian mi pawl an tlinlonak a uma va si hman ah thangsiattu
ding kan si lo. An hrangah thlacam saktu ding
sawn kan si.Pathian
hnatuantu pawl ih sambaunak mi lakih rel
rero, thangsiat rerotu si
hi Pathian duhzawng cu a si lo hrim hrim.
4.Mip.14:1,2,10,36
: Mipi an phunzai. Thlingthlatu 12 lakih 10 in mipi hnenih thusia
an forh ruangah a si.
Mip.14:37 : An
lak ah Pathian in natsia a thlen terih an 10 in an thi.
Zir ding : Pathian ih in hruainak ah midang pawl
dungsip tertu ding kan si
lo. Joshua leh Kaleb bangih thazang pektu
ding sawn kan si.Kan
paih lo, kan tlinlo a si hmanah mi
dang dung sip tertu kan si lo
ding kha a thupi tuk.
5.Mip.16:1,2,11
: Korah cu fim aw ter ih Dathan leh Abiram pawl thawn Aaron
Parah an phun zai ih
Puithiam si an cuh tlunah Moses an do
dal. Thluntu tampi an nei.
Mip.16:30,32 : An pathum in an innsang thawn lei kak in a
dolh ih Dathan
Thluntu mi 250 cu mei alh in a kang
that theh.
Zir ding : Pathian ih in ret tawk ah lungkim lo ih
sinak cuh hi tih a nung.
Pathian hrilmi pawl hi kan hnak in an
fim in an thiam sawn lo
Thei, asinan Pathian in a tan emem ti
theih a tha.
6.
Mip.16:41 : Moses leh Aaron parah mipi
an phun zai ih mi thattu ah an puh.
Mip.16:45-49:
Pathian in an lakah pulhnat a thlen terih mi 14700 an thi.
Zir ding : Pathian mi pawl sual puh hi thil tihnung
tawpkhawk a si. An
Tlin lo nak ih kan thangsiat hmanPathian
in a duh lo a si ahcun
Sual puh sinsin cu tih a nung tuk lawm
mam a si.
7.Mip.21:4-5 : Tidai a um lo, rawl sia kan ei tiah an
phunzai.
Mip.21:6 : Pathian in rul tur nei a thlah ih mi tampi
an cuk that.
Zir ding : Kan tonmi harnak parah phunzai lo te’n
Pathian hnenah kan
Beiseinak thlensawn ding kan si.
A tlun ih kan tarlangmi pawl hi kan
tuah ve dingmi an si lo ih ralrinnak ah hmangin Pathian ih in hruainak vekin
kekar sawn ding kan si. Phunzai hi
Kanmah
minung lala khal in kan rem lo. Phun ciar paih luktuk hnenah zo hman an ngam
thei lo. A hlei ce in Pathian ih in hruainak parih phunzai cu a duh lo mi a si.
Pathian parih phunzai lo cun minung par khalah an phunzai tuk lemlo. Mai minung
pi hnenih phunzai tuk pawl hi Pathian par khalah a phunzai hmangmi an si theu.
No comments:
Post a Comment