Fala nute pakhat cu a nu thawn nasa takih ttongkam
an elawk ruangah an inn ihsin a tlansuak. Ziangtik hmanih tlung nawn lo
dingin a thinlung cu a tthencat. Sunvu lengah a vak, a tawi. A ril a
rawn tuk ruangah a pum cu an awn rero. Asinan paisai a nei lo, inn tlun
ding le a ngam nawn si lo. Zaanlam a siim thlangih rawldawr pakhat ahcun
a va thleng. Rawlrim a theih tikah a cil a volh kuahko. Rinlopin
rawldawr neitu cun "nute rawl na ei zik maw?" tiin a rak sut. Ningzak
cingten "aw ..asinan paisa zianghman ka nei lo" tiin a sawn. Rawldawr
neitu cun "poilo tuini cu ka lo do ah ruat men aw" a ti. Zamrang zetin
cabuai ahcun a to lohli. Dawr neitu hnenah cun "ka pu nang cu na ttha tuk, veikhat hman kan hmu aw dah lo nan ka parah na ttha tuk, ka nu thawn nan bangaw lo. Ka nu cu ziangmi ka duh ,ziangvek ka ruat ti hman i theihthiampi dah lo, ka thinheng thei tuk" a ti. Cutikah dawr neitu cun hniphahin " nute, keiin rawl khengkhat ka lo do mi ruangah hitluk na lungawi asiahcun, na nu cun kum 20 lenglo rawl a lo suansak, na nui hnenah na lungawi sawn lo ding maw ?" a rak ti.
cabuai ahcun a to lohli. Dawr neitu hnenah cun "ka pu nang cu na ttha tuk, veikhat hman kan hmu aw dah lo nan ka parah na ttha tuk, ka nu thawn nan bangaw lo. Ka nu cu ziangmi ka duh ,ziangvek ka ruat ti hman i theihthiampi dah lo, ka thinheng thei tuk" a ti. Cutikah dawr neitu cun hniphahin " nute, keiin rawl khengkhat ka lo do mi ruangah hitluk na lungawi asiahcun, na nu cun kum 20 lenglo rawl a lo suansak, na nui hnenah na lungawi sawn lo ding maw ?" a rak ti.
Dawr neitu ih a sim mi cu , fala nute cun mangnei lai harh puppi
vekin a harh puppi. A mitthli cu a biangah an rung luang ih a rawlkheng
sungih rawl hman ei thluh loin an inn lamah a tlan cih. An inn hmai
lamzin a thlen tikah a nu cu mangbang zet le vaivuan zetih a hawi kual
rero cu a hei hmu. A thinlung sungah a thawng tampiin ngaithiam dil
duhnak ttongkam an suak ciamco. Asinan ttongnak can hman a nei man lo, a
nu cun sunvu ten khuiah na hlo, ka lung na ti phang ttheh, zamrangten
na kutkholh awla rawl ei lohli aw , a rak ti. Nui duhdawtnak thukzet cu a
theihngah ruangah a mitthli cu an luangsuak.
* Kan parih tthatnak a tuah ringring tupawl cu zianghman ah
kan siar lo ih, kan theihdah lomi midang pakhat khatin kan parih
tthatnak veikhat te an tuah tikah, mittha ah kan ruat ttheu. Kan parih
tthatnak a tuah ringringtu pawl cu a dan ah kan ruahsak ih, an tuah
dingmi hrimhrim ah kan ruat ttheu. Curuangah malte in ngaihsak lo deuh
le an parah kan lungawi thei nawn lo. A taktak ahcun in ngaihsak nawn lo
si-loin , kan beiseinak a rak sangtuk sawn ruangah a si. Ngahtu, dongtu
kan si ringring ruangah lungawi ding kan hngilh ttheu.
Credit> မူရင္းေရးသားသူ
