Puithiam Hnaṭuannak 27:30 Nan lo ihsin a suakmi rawl le thingrah sungin ṭhen hra ṭhen khat cu Bawipa ih ta a si. Bawipa ih hrangah a thianghlimmi a si.
Puithiam Hnaṭuannak 27:32 Ṭilva khal pahra sungah pakhat cu Bawipa ih ta a si. Ṭilva nan siar tikah a pahratnak cu Bawipa ih ta a si.
Mipum Siarnak 18:21 Bawipa in, “Israel mi pawl in ka hnenih ṭhenhra ṭhenkhat an pekmi hmuahhmuah cu Levi mi pawl hnenah ka pek zo. Himi cu ka umnak Puanthlam an kilkhawi ih a sungih hna an ṭuan ruangah pekmi a si.
Mipum Siarnak 18:26 Levi mi pawl hiti ih sim dingah thu a pek, “ Bawipa hnenih an pekmi ṭhenhra ṭhenkhat Israel mi hnen ihsin nan ngah tikah, cuih nan ngahmi sungin ṭhenhra ih ṭhenkhat cu a hleice ih pekmi laksawng a si ih Bawipa hnenah nan hlan pei.
Mipum Siarnak 18:28 Cubangtuk in Israel mi hnen ihsin nan ngahmi ṭhenhra ṭhenkhat hmuahhmuah sung ihsin Bawipa hnenah ṭhen hra ṭhen khat nan pek pei. Nan ngahmi hmuahhmuah sung in Bawipa hnenih nan pek dingmi cu puithiam Aaron hnenah nan pek pei.
Daan Peksalnak 12:6 Cutawkah nan thawinak hmuahhmuah - meiur thawinak, raithawinak, ṭhenhra ṭhenkhat le nan pekmi dangdang, Bawipa pek dingih nan tiammi laksawng pawl, lungthote ih pekmi thawinak le nan caw le nan tuu pawl ih fatir pawl cu nan pek pei.
Daan Peksalnak 14:22 “Kumtinte nan lo le nan hmuan in a suakmi rawl sungin ṭhenhra ih ṭhenkhat cu a dangte in nan ret pei.
Daan Peksalnak 14:23 Cule Bawipa nan Pathian in a hril dingmi biaknak hmunah nan feh pei ih ṭhenhra ṭhenkhat ih nan pekmi rawl, sabitti, olif siti le nan caw le nan tuu-ih fatir nan pekmi pawl cu Bawipa ih hmaika ah nan ei pei. Cuticun a kumkhua in Bawipa nan Pathian ṭihzah nan thiam pei.
Daan Peksalnak 14:24 Bawipa ih thlawsuahnak thawngin nan neihmi rawl le a dangdang pawl ṭhenhra ṭhenkhat ih nan pekmi cu biaknak hmunih fehpi dingah a hlat tuk a si ahcun hiti in nan tuah pei:
Daan Peksalnak 14:28 “Kum thumnak ih ṭhenhra ṭhenkhat nan pekmi rawl pawl cu nan khawsungah nan khawl pei.
1 Samuel 8:15 Nan khawmmi rawl le sabit sung ihsin ṭhenhra ṭhenkhat a lak pei ih a zung hnaṭuan bawi pawl le a bawi dang pawl a ṭhen thluh ding.
2 Sansiarnak 31:5 Siangpahrang thupekmi an theih vete in Israel mi pawl in laksawng an rak kengih an neihmi lakih a ṭha bik sangphut, sabitti, olif hriak, khuaitizu le an lo ihsin a suak mi dangdang an pek; cule an neihmi hmuahhmuah sungin ṭhen hra ṭhen khat tla an pek.
2 Sansiarnak 31:12 a thupek vekin an tuah ih misenpi ih pekmi thawhlawm, laksawng le ṭhen hra ṭhen khat pawl cu cutawkah felzet in an ret. Levi mi Konaniah cu a kiltu ah an ret ih a unau Shimei cu a sangtu ah an ret.
Nehemiah 10:37 Pathian Biakinn ah le Biakinn ih hnaṭuantu puithiam pawl hnenah, kumtinte kan lak hmaisa bik fang ih tuahmi sangphut le sabitti, olif hriak, le a dang kan neihmi thingrah a phunphun kan pek pei. Lo kan thlawhnak kan lo ihsin, thawhlawm a khawmtu Levi mi pawl hnenah, kan khua kan ram sungin a suakmi rawl ṭhenhra ih ṭhenkhat cu kan pek pei.
Nehemiah 10:38 Aaron tesinfa puithiam pawl cu thawhlawm khawm tikah Levi mi pawl hnenah an tel ve pei ih, Levi mi pawl in an khawm ciami thawhlawm hmuahhmuah sungin ṭhenhra ih ṭhenkhat cu Biakinn hnaṭuannak hrangah Biakinn rawlretnak khaan ah an ret pei.
Nehemiah 12:44 Culai ahcun an rawl hmaisa bik a cu mi le an thingrah kumtinte a rah hmaisa bik pawl le thawhlawm, ṭhenhra ṭhenkhat le a dangdang Biakinn hrangih an pekmi pawl retnak inn pawl kiltu dingah mi an ret. Hi an retmi pawl cun thilri retnak inn an kil ih tlunah, Daan sungih a um vekin puithiam pawl le Levi mi pawl hrangih an pek mi pawl cu khawpi kiangih a ummi lo ihsin an va khawm. Judah mi hmuahhmuah cu puithiam le Levi mi pawl parah an lung a awi ngaingai.
Amos 4:4 Bawipa in, “Maw Israel mi pawl, Bethel ih hmunthiang ah va feh uhla nan duh ahcun va sual uh! Gilgal tla ah va feh uhla nan sual thei tawkin va sual uh. Nan raithawinak ṭilva pawl cu zingkhat hnu zingkhat hei keng uhla nan thawhlawm khal ni thumnak tinte hei keng ringring uh.
Malakhi 3:8 Kei khal in ka lo sut ve hnik pei: Mi pakhat in Pathian ta fir hi a dik nan ti maw? A dik lo ti cu zapi theih a si, asinain nannih cun nan fir thotho. ‘Ziangtin so kan lo fir?’ tiah nan sut hrih. ṭhenhra ṭhenkhat le thawhlawm nan pek lo tikah nan fir a si.
Malakhi 3:10 Biakinn ah nan ṭhenhra ṭhenkhat cu kimtein rak keng uhla rawl tampi a um ding. I hniksak hnik uh, vancung sangka pawl ka ong ding ih nan hrangah thil ṭha a phunphun ka run burh ding.
Matthai 23:23 “Daanthiam pawl le Farasi pawl, nan hmakhua a va pit so! Nannih mi depde pawl! Hmeh ih rawimi puòinan, remhmui le aithing pawl kha Pathian hnenah ṭhenhra ṭhenkhat nan pek; asinain Daan sungih a thupi zetmi dingnak, zaangfahnak le rintlaknak pawl cu nan thlun lo ih zianghman ah nan siar fawn lo. ṭhenhra ṭhenkhat cu nan pek ding hrimhrim a si. Asinain Daan sungih a ummi a dang pawl khal nan daithlan lo pei.
Luka 11:42 Farasi pawl, nan hmakhua a va pit so! Hanghnah hangrah sungin puṭinan le remhmui le aithing le a dangdang tla cu ṭhenhra ṭhenkhat nan pek ko na’n dingnak le Pathian duhdawt ding cu nan daithlan. A dang khal daithlang cuang loin hi pawl cu nan tuah dingmi an si.
Hebru 7:2 Cule Abraham in ral hnenih a lonmi thil ṭhenhra ṭhenkhat cu Melkhizedek a pek. (Melkhizedek hminih tican pakhatnak cu “Dingnak Siangpahrang,” ti a si; cule amah cu Salem khua siangpahrang a si ruangah a hminih tican cu “Daihnak Siangpahrang,” ti khal a si.)
Hebru 7:4 Curuangah ziangtlukin mi tum a si, ti cu nan thei. Mi hminthang le kan phun cithlahtu Abraham in ral hnenih a lonmi thil hmuahhmuah ih ṭhenhra ṭhenkhat a pek.
Hebru 7:5 Cule Levi miphun ih tesinfa puithiam a òuantu pawl cu Israel mipi hnen ihsin ṭhenhra ṭhenkhat lak dingin an Daan in a ti. Cuih Israel misenpi pawl cu Levi mi pawl vekin Abraham tesinfa an si ko na’n ṭhenhra ṭhenkhat an pe thotho.
Hebru 7:9 Cule Abraham in òhenhra òhenkhat a pek tikah (Levi tesinfa pawl khal ṭhenhra ṭhenkhat a petu an si ih) Levi khal in a pek ve ti theih a si.
