Daniel 12:2 A
thi zomi minung tampi an nungsal ding; mi ṭhenkhat cu kumkhua
nunnak an co ding ih ṭhenkhat cu kumkhua
ningzahnak an tuar ding.
Matthai 27:52 thlaan
pawl an ong aw ih a rak thi ciami Pathian mithiang pawl an tho sal.
Luka 20:35 Sikhalsehla
thihnak ihsin thawhter sal dingah siseh, a ra lai dingmi sanih nung dingah
siseh, a tlakmi pawl cu cuih caanah cun an ṭhi aw nawn lo ding.
Johan 5:28-29 Hiti
a si ruangah nan mangbang hlah uh; mithi hmuahhmuah in a aw an theih ih,an thlaan sung ihsin an suahnak tikcu a ra thleng ding: thil ṭha
ha a tuahtu pawl cu nung dingah an tho sal ding; cule thil ṭha
lo a tuahtu pawl cu hnon dingah an tho sal ve ding,” tiah a ti.
Johan 6:39 Cule
i thlahtu ih duhmi cu hihi a si: I pekmi hmuahhmuah kha pakhat hman hloter
loin, ni neta bik ni-ah an zate ih ka thawhter sal ṭheh
ding kha a si.
Johan 11:25-26 Jesuh
in a hnenah, “Kei cu thawhsalnak le nunnak ka si. Zokhal keimah i zumtu cu thi
hmansehla an nung ding.
Tirhthlah 23:6 Paul
in a rami pawl lakah a hrek cu Sadusi an si ih a hrek cu Farasi an si, ti kha a
hmuh tikah Khonsil upa hmaiah cun a au ih, “Ka phunpi Israel mi pawl, kei hi
Farasi ka si, Farasi pawlih fapa ka si. A thimi pawl an nung sal ding, tiih
ruahsannak ka neih ruangah atu hitawk ah hin tazacuainak ka tong,” tiah a ti.
Tirhthlah 24:15 Anmah
vek thothoin keimah khal Pathian hnenah ruahsannak ka nei ve. Cuih ruahsannak
cu, mi hmuahhmuah in, miṭha khal misia khal,
thihnak ihsin an tho sal ding, timi a si.
Tirhthlah 26:23 Cutiih
an simmi cu ziang a si tile: tleunak rundamnak thu cu Judah mi le Zentail mi
pawl hnenih than dingah Messiah in tuarnak a tong ding ih, cuih hnuah thihnak
ihsin a nungsaaltu hmaisa bik a si ding, ti a si,” tiah a ti.
Rom 6:5 A
thihnak ah khan amah thawn a thi tlang mi kan si ruangah thihnak ihsin thawhter
a sinakah khan kannih khal kan tel ve ding.
1Korin 15:20-23 Sikhalsehla
thudik cu hiti in a si: Khrih cu thihnak ihsin thawhtersal a si zo ih a thi
ciami pawl thawhter an si ve ding ti theihnak ah rah hmaisa bik aamahkhan a si. Mi pakhat ruangah thihnak a um bangtuk
in mi pakhat thawngin thawhsalnak a thleng ve. Adam thawn an pehzom awknak
ruangah mi hmuahhmuah thihnak an ton bangtuk in Khrih thawn an pehzom awknak
thawngin mi hmuahhmuah nunnak ah thawhter an si ve ding. Sikhalsehla a
sangsang tein thawhter an si ding: a hmaisa bik ah Khrih, cule a ratsal tikah
Amah ih minung pawl an si ding.
1 Korin 15:51-52 A
dikmi thuthup hi ngaihnik uh: kan zatein kan thi ṭheh
lo ding, sikhalsehla neta bik tawtawrawt an tum tikah mitṭhep
karah kan thleng aw ṭheh ding. Ziangtin tile
tawtawrawt awthawng a than tikah mithi pawl thawhter an si ding ih annih cu an
thi nawn lo ding; cule kannih pawl cu thleng ṭheh
kan si ding.
2 Korin 4:14 Bawipa
Jesuh kha thihnak ihsin nunnak ah a thotertu Pathian cun kannih khal Jesuh
thawn in thoter ve ding ih nanmah thawn hmun khatah amah ih umnak ah in la ding
a si, ti kha kan thei.
1 Thesalon 4:14 Jesuh
cu a thi ih a thosal ti kan zum; curuangah Jesuh zum ih a thimi cu amah thawn
hmun khatah Pathian in a thoter ding ti kan zum.
1 Thesalon 4:16 Van
ihsin Bawipa ih thupeknak aw a thang ding, van ih vanmi upabik au-nak aw a si
ding, Pathian ih tawtawrawt aw-thawng a thang ding ih Bawipa cu vancung ihsin a
rung ṭum ding. Khrih a zumtu a thi ciami pawl an tho hmaisa
ding;
Hebru 11:35 Zumnak
thawngin nunau pawlih sungkhat pawl thihnak ihsin nunter saal an si.
