Saam
30:11
Ka riahsiatnak cu lungawi ih
laamnak ah i thleng sak zo. Ka riahsiatnak khumdip puan cu i hliit sak ih,
Lungawinak hnipuan i hrukter zo.
Saam 73:24-25 Na remruahnak in i hruai ih, A netnak ahcun upat hmin
thannak thawn nangmah in i pom ding. Vancung ah nangmah siar lo ziangso ka
neih? Nangmah ka lo neih hnu ahcun Leilung tlunah ziangso ka hai?
Saam 86:7-8 Harsatnak ka ton tikah nangmah ka lo ko; Ziangahtile ka
aunak na thei ṭheu a si. Maw Bawipa, nangmah a lo bangtu pathian dang an um lo.
Na tuah theimi tuah theitu zohman an um lo.
Isaiah
43:2
A thukmi tidai sungih na feh khal le na hnenah
ka um ding. Na ton mi harsatnak pawl hin a lo neh lo ding. Meisa sungih na feh
khal le na kaanglo ding. Hremnak harsa khal in a lo na ter lo ding.
Isaiah 43:18-19 Sikhalsehla Bawipa in, “Dunglam thil lawnglawng ngaihtuah
hlah uh; Hlanlai thuhla lawng ruat hlah uh; Thilthar ka tuah dingmi ṭhatein
thlir uh. Atu khalah an um rero thlang-nan hmu thei ding. Hramlak ramṭhingah
lamzin ka tuah ding, Cutawkah tidai nan hrangah ka luan ter ding.
Matthai 5:4 Ninghang lungsia pawl cu mi thluasuak an si; Ziangahtile
Pathian in a hneem hai ding.
Hebru 10:32 Hlanih nan um daan vun ruathnik uh.
Culai ah Pathian tleunak nan hnenih a thlen pek ah khan tuarnak le harsatnak a
phunphun nan tong nain cuih harsatnak in a lo neh hai lo.
2 Korin 4:16
Hiti a si ruangah beidong ih kan um dah lonak cu a si. A lenglam kan taksa
ruangpi hi ṭumsuk vivo hmansehla kan sunglam nun cu nitinte tharsuah ringringin
a um a si.
Filipi 4:11-13
In dungtun zo a si hi, tiih ka ruah ruangah ka
simmi a si fawn lo. Thungai ti ahcun ka neih zatte thawn lungkim zetih um ding
ka thiam zo. Tlasam ih nundaan ka thiam ih neinung zetih um khal ka thiam zo.
Cutiih umdaan thupte cu ka zir ngah zo ruangah khuitawk hmun hmanah le ziangtik
caan khalah ka pumpuar in siseh, ka riilrawng in siseh, malte ka neih ah siseh,
tampi ka neih khalah siseh, thinlung nuamte ih um ka thiam zo. Cahnak i petu
Khrih sungin ziangkim ka ti thei.
