Pa
Dinhmun :
Palestine ram le a sehvel
ahcun innsang hi uknak fate vekin an ruat ih pa cu hotu bik le lal bik a si.
Pawlkom awknak le um khawmnak ih hotu cu “pa” ti ah an ko mai ṭheu ih thil hmuh
suaktu le tuahtu khal “pa” tiah an ko (Sem.4:20,21; 45:8)
Pa
dinhmun cu innsangah a sang bik, hotu lu bik a si ih a nupi, a fate, a tu le a
siahhlawh hmuahhmuah tlunah thu neitu a si. Abraham, Isak le Jacob san laiah
cun singpahrang an nei ve lo ih innsang pa bik cu lu bik, hotu le laireltu a
si. Moses dan khalah pa ih thuneihnak hi an ngai thupi zet. Moses hnenih
thulham pahra pekmi khalah nu le pa upat le cawimawi dingih zirhnak thu a tel
(Suah.20:12). Innsang thubuai remtu sang
bik khal pa a si.
Thu
neihnak hlan sawng awk dan:
Pa ih
thu neihnak cu fapa upa bik hnenah hlan sawng a si bik ih pa a thih vete’n
thuneihnak a la cih hngal. Ziang maw caan ahcun fapa upa bik hnen lo khalah thu
neihnak hlan awk khal a um thei (Sem.27).
Fa
le pawlin Pa an zah dan :
Fa le
pawl in nu le pa hi an ṭihzah zetih pa cu an ṭihzah hlei ce.Zing thawh vete’n
nauhak pawl in pa cibai bukin an kut a fawh sak ih cumu hnuah pa ih thupek
hngak in an dingih pa pawl in an fate cu an cawn parah an cawi ṭheu.Moses dan
cun nu le pa ṭinzah ding a zirh ih nu le pa thu ngai lo cu thieh tiang hrem
theihnak daan a um (Daan.21:18-21). Tirhthlah Paul khal in nu le pa ṭinzah ding
cu a zirh sawng vivo (Efs.6:1; Kol.3:20)
Nui’ Dinhmun :
Nu cu
Pai’ thuneihnak hnuai ih um a si ih nunau cu mipa tluk aw in an ruat dah lo. Mipa
pawl lak khalah rawl an ei dah lo ih mipa pawl khawh thluh hnuah an ei ṭheu
fang. Lam lak ih an feh tik khalah nupa khal an feh tlang dah lo ih mipa dung
deuh innunau in a thlun ṭheu. Leng ih an suahvah tikah nunau cu an taksa pum in
an khuh aw ṭheu. Jacob in a nupi pawl hruai ih khual a tlawn tikah a nupi pawl
in umnak dang te’n an nei ṭheu (Sem.32). Fapa tlan hlo a ra kir sal ih puai an
tuah tikah a nupi rel langnak a um lo (Luk.15:11-32).
Nunau
cu cu vek dinhmun ah ding khal sehla an pasal ih siahhlawh vekih ruan an si dah
lo ih pasal par ah thu naswa zet an nei thei ve. Pasal cin nupi a zah thiam ih Abraham
khallin Sarah cu bawi nu vekin a zoh. Thufim ngantu khalin nupi cu nasa zet ih
a cawimawi ( Thuf.31:11,26,28)
Nauhak
pawl in pa vek thotho in nu khal an ret thupi ih thuneihnak thuhloa ahcun nu le
pa cu Pathian ai awh tluk in an ruat. An pitlin hnu tiang khalah fale in nu hi
an ṭihzah zet (1 Siang.2:19; 2 Siang. 11:1; 24:12).Pathian nung be lo tu pawl
lakih nu pawl hnakin Judah mi nunau cu nasa zetin an dinhmun a sang sawn.
Ref. Bible ram mite khawsak dan
