Ka Pa in i thlah vekin nannih khal ka lo thlah ve a si,”
tiah a ti.Johan 20:21
1.
Thlahtu ih Duhnak tuah
Jesuh cu Amai duhnak tuah dingih
thlahmi a si lo,a thlah tu ih duhnak sawn tuah dingih thlah a si (Johan 4:34;
5:30; 6:38). Jesuh cun Pa in a thlah dan le a thlah san hi a thei fiang tuk
ruangah “ Keimah ih duhmi tuah dingah ka rung lo, I thlahtu ih duhmi tuah
dingah ka rung a si” a ti. Jesuh in Amai duhmi, duh dan, duh zawng in ziang
thil hman a tuah lo ih a thlahtu ih duh dan sawn a tuah. Amai duhnak hnakin a
thlahtu ih duhnak sawn thupi ah a ret. Thla a cam tik khalah “Keimai duh bang
silo in nangmai duh bangin si sawn seh” a ti.
Pa in a thlah vekin Jesuh in in thlah
tikah kan mai duhnak, duh zawng , duh dan siloin in thlahtu Jesuh ih duhnak
sawn tuah ding kan si. Voi tampi cu kan mai duhnak hi thupi sawn ah kan ret ṭheu
tikah in thlahtu duhnak hnakin kan duhnak kha number pakhatnak ah kan ret ṭheu.
Jesuh in “ Ka rawl cu I thlahtu ih duhnak tuah le i fialmi ṭuan ṭheh hi a si” a
ti ah cun kan ni cun “ ka rawl cu I thlahtu Jesuh duhnak tuah le I fialmi ṭuan
hi a si” ti ding kan si. Kan duhnak si lo in in thlahtu Khrih ih duhnak kha kan tuah dingmi a si.
2.
Thlahtu ih lungawi zawng tuah
Jesuh in “…Amah ih lungawi zawng thil
pawl ka tuah ringring” tiah a ti (Johan 8:29). Jesuh cun Amah ih lungawi zawng
a hawl lo ih thlahtu ih lungawinak a ret thupi. Zumtu pawl khalin kan mai
lungawinak siloin in thlahtu ih lungawinak sawn hawl ding kan si. Pual in zumtu
pawl hnenah Pathian lungawinak sawn hawl dingah in forh (2 Kor.5:9-11;
Efs.5:10). Amah Pual khalin amai thuhla a nganmi kan hmuh theimi cu “ Milai
lungawi ter tu men ka si ahcun Khrih ih sal ka si lo ding” a ti (Gal.1:10).
Paul in a phan zetmi cu Jesuh lungawi tertu ka si lo pang kei ti hi a si.
Pathian hna kan ṭuan tikah kan theih ringring ṭulmi cu Pathian lungawi zawngin
maw keimai lungawi zawngin ka ṭuan? Ka hna ṭuan hi minung lungawinak men maw a
si Pathian lungawinak timi hi a si.
3.
Thlahtu ih sunlawinak hawl
Jesuh in Judah mi pawl hnenah “ Mai’
palung suak thu a reltu cun amai sunlawinak a hawl a si: asinain a thlahtu’i sunlawinak
a hawltu cu mi dik a si….” a ti (Johan 7:18). Jesuh amah rori ih a ṭongmi kan
hmuh mi cu:
# Keimah ih hrangah hmin thannak ka
hawl lo (Joh.8:50)
# Minung hnen ihsin thangṭhatnak ngah ding ka hawl lo (Joh.5:41)
Jesuh
in miin amah an sunloihnak dingah ziang thil hman a tuah dah lo ih Pai’ sunlawinak ding sawn a hawl. Zumtu khal kan
mai sunlawinak ding si loin in thlahtu Jesuh sawn in sunlawinak co sawn seh. Mi
in kan nih in thangṭhat dinghi a thupi lo in miin Pathian an thangṭhat ding kha
a thupi. Kan mah kan sunlawi lo ding phah hlah, Pathian a sunlawi lo ding phang
sawn aw.
4.
Thlahtu ai awh
Minung in Pathian kan hmu thei lo,
asinan Jesuh hmutu cun pa an hmu. Jesuh thu an suh ṭheumi cu zo in thuneihnak a
lo pe, zo in an lo fial ti hi a si. A thlahtu hi zo a si tiah an buai ṭheu, ziangah
tile a thlahtu anhmuh dahlo ruangah a si. Sihmansehla Jesuh in keimah i hmu tu
cu i thlahtu khal a hmu tiah a ti (Johan 12:44-45).Cun Filip henah “Keimah I ka
pa sungah ka um ih ka pa khal a sungah a um” tiah a ti. Jesuh in a thlahtu ai a
awh bang tukin kan ni khal in thlahtu Jesuh ai awktu kan si. Aiawh kan ti tikah
a ti vek kan ti thei ti lam siloin a ai ah a dingmi kan si. In thlahtu Jesuh cu
a thlahmi, zumtu sungah a um ihkan nih khal Khrih sungah kan um ve (Gal.2:20;
Kol.3:3).Jesuh ai ih ding kan sinak cu Jesuh in hitin a sim:
#
“Nanmah tlun-inn a lo ontu cu keimah tlun-inn ontu a si ve” (Matt.10:40).
#
Ka unau parih nan tuahmi hi ka parah nan tuah a si” ( Matt.25:40).
5.
Thlahtu loin zianghman tuah thei lo.
Jesuh in “Fapa in amah tein ziaghman a
tuah thei lo, A Pa ih tuahmi a hmuhmi lawng kha a tuah a si” (Johan 5:19,30) tiah a ti. Jesuh
cu a thlahtu Pa ah a ṭhum awe pumhlum ti a fiang. Cuvek in kan ni khal in
thlahtu Jesuh loin ziang hman kan tuah thei lo ih Jesuh ah ṭhum aw pumhlunmi
kan si ti kan thei hngilh lo a ṭha (Johan 15:5). In thlahtu Jesuh lawng hi
ziangkim kan ti theinak hrampi a si.
6.
Thlahtu cu thlahmi hnenah a um
Jesuh cu amah lawng a um lo ih a
thlahtu cu a hnenah a um, a thlahtu in amah lawngin a tan lo ih a thlahmi
hnenah a um (Johan 8:16:29).
Zumtu
pawl khal in thlahtu in thu in tiamta mi cu “San a cemhlan tiang nan hnenah a
um ringring ding” in ti. Pa in a thlahmi a Fa a umpi bangin zumtu pawl khal in
thlahtu Jesuh in ziang tik hmanah in tansan dah lo kan hnenah a um ringring.
Kanmah lawngih ṭuan dingah in thlah lo ih a thahmi pawl hnenah in thlahtu Jesuh
a um ringring.
7.
Thlahtu hnenah kir sal
Jesuh cu thlahmi a si vekin a thlahtu
ih hna cu cat lak loin a ṭuan rero (Johan 9:4). A thlahtu ih fialmi a ṭuan ṭheh
tikah a thlahtu hnenah a kir sal (Johan 16:5). Cu vek in Zumtupawl khal Pathian
hna cu teima tak ih ṭuan ding kan si ih hi hnaṭuan kan ṭheih tikah in thlahtu
Jesuh thawn kan um tlang leh ding, a hnenah kan um leh ding.
Pa
in Fapa a thlah bangtukin Fapa in kan ni in thlah ve hi ziang tlukin a sung
lawi. Hi hna ṭuan hi lei hnaṭuan vekin kan rel a si le a tlak ti zawng cun zo
hman a tlak kan um lo. Pathian cun mi ziangvek te kan si khalle kan mah le tawk
zawnih a hnaṭuan dingah in fial, hna ṭuan caan a cem tikah a hnenah kan um kumkhua
ding.
Source : So Send I You
Source : So Send I You
