Job
thuanthu kan theih cio bangin dinhmun sia ih a din tikah tuarpi dingah hmun
dang ihsin a rualpi pawl an ra. Cui a rualpi pawl cu Elifas, Bildad, Zofar le
Elihu an si. Hi mi pali lakah Elihu hi nauta bik a si. Job cabu sungih kan hmuh
theimi pawl ihsin thil danglam deuh tete a um mi tarlang hmaisa sehla.
# Mi pathum pawl cu an ṭong rero. Bible ih a ṭhen dan
vekin biak sawn awknak ṭum thum rori an nei. Bung 4-29 tiang hi an elawknak
pawl an si.
-
Elihu cu a ṭong
rero ve lo ih an ṭongmi a
rak ngai. Ṭum thum
an elawknak hnu lawngah sau pi’n a ṭong.
Bung 32-37, bung 6 rori hi a mai ṭongmi a
si.
# Mi pathum pawl cun an ruahnak, zum hmangin Job an
el.
-
Elihu
cun Ṭumthum an elawknak pawl a ngai thluh ta ih cumi ih a hmuh suahmi pawl
hmangin thu a rel.
# Mi pathum ih ṭongmi
pawl cu Job in a let ṭheh.
-
Elihu
ih ṭongmi cu Job in a let ve lo. Job dai te’n a um. Elihu in ṭong a fial hmanah
ṭong ding a thei lo (Job.33:32-33).
# Mi pathum pawl cun Job a tuar hlanah tuah sual nei
ah an puh.
-
Elihu
cun an elawknak ihsin Job ih sualnak a hai lang (Job.33:8-11; 33:13; 34:5-6;
35:2-3; 36:23).
# Job rualpi pathum parah Pathian a thin a heng.
-
Elihu
parah cun Pathian a thin a heng ve lo.
Elihu cu an lakah nauta bik
asinan hmualnei bik ih ṭongtu a si. A nunnak ihsin thazang la tlang sehla.
1. Tangdormi a si.
Job le
a rualpi pawl an el awk tikah cun thei sawn, fim sawn, u sawn si an cuh aw
(Job.11:3-4; 12:3; 13:1-2;18:1-3). Curuangah an thu elawknak khal a sang vivo ih thu lung
aw tu khal an um cuang lo. Elihu cun Fim sawn, thei sawn si a cuh ve lo ih ‘Pathian
hmaiah kan bang rep aw’ tiah a ti men (Job.33:6) ih Pathian khal in anih cu a
mawh thluk ve lo. Tidai cu a sannak ihsin a niamnakih a luan bang tukin Pathian
ih zangfahnak khal duhsaknak khal mi tangdor pawl hnenah a luang ṭheu. Pathian
in mi tangdor pawl a khai sangih mi puarthau pawl a nam thla.Pathian ih hmai ka
lawng ah si loin a rualpi pawl hmai khalah nauhak a sinak zawn thei in tangdor
te’n a um (Job.32:6)
Ziangah tile Ca Thianghlim in,
“Mi hngal pawl cu Pathian in a dodal ih
2. Ṭongtu silo in ngaithlatu a si.
Hruaitu ihsin
thokinmi zo cio khalin kan ṭulmi cu ngaitu (listener) si ding hi a si. a ṭongtu
si hi kan cuh aw ṭheu hi Baibal ih zirh dan a si lem lo. Mi tampi cun ziang si
maw thiamnak, hleicetnak kan neih tikah uang thuang tahrat ih mi dang ziang ih
rel lo kan hmang ṭheu. Elihu cun a rualpi pawl ṭongmi pawl kha thinsau te’n a
rak ngai, ṭongtu hnakin ngaitu si hi tlin har zet a si ṭheu.
Zokhal thu theih duhnak lam ahcun
a zamrangmi si uhla ṭong ding le
thinhennak lam ahcun khulfungmi si uh. Jeim 1:19
3.
Mah hnakih Up upat thiam
Elihu in theinak le thiamnak pawl tla
a nei ve ko ding, asinan a hnakih upa pawl kha a ṭong ter hmai. Ziangah tile
hmuhtonmi tam deuh neutu an sinak zawnte kha upatnak a nei. Minung hi ziang
tlukin kan zir sang a va si hmanah hmuhtonmi tami a nei zo tu hnen ihsin zir
ding kan nei ringring. Thiamnak bang aw ciocio khal hi hmuhtinmi nei tam le nei
mal hi an bang aw thei lo. Kan thiamnak ih ruangah kanmah hnakih upa pawl hmaiah uang thuang aw ding kan si lo,
an hnen ihsin zir ding kannei ti thei ih mah hnakih upa upat thiam hi Baibal
khalih in zirhmi a si.
Cubangtuk thothoin nannih mino deuh pawl in
kum upa deuh pawlih thu kha nan ngai pei.
Nan zatein tangdornak thawn thuam aw uhla
pakhat le pakhat bawm aw uh. 1Pit.5:5
4. A no laiah Pathian theihnak a nei.
Elihu
ih rualpi pathum pawl cun Job n el tikah an theihmi pupa pawl ih fimnak pawl hmangin
an el. Elihu cu a ṭong ding tikah amai lam ih rinsan awknak ruangah si lo in
Fimnak cu Pathian hnen ihsin rami a si ruang sawn ah a si (Job.32:8). Fimnak,
theihthiamnak hi Pathian hnenih a um mi a si ti a thei. Tui’ san mino nunnak ah
fimnak, thiamknak hi Pathian hnenah a um timi a theitu fiangtu ziang zat tak um
kei maw? kan zirnak rinsan in le kan neihnak hmangin thiamnak hi a lei ih lei
theih phun ih ruat kan tam zet ding ti a zum um nasa. Zirnak lam ih hlawhtlinnak
khal Pathian hnenah a um ti theih feng hi mino pawl nunah a ṭul nasa.
Elihu
hi nauhak bik sikhal sehla Job cabu kan siar asile Job lung kuai ngahtu bik le
ti fuh bik a si. Pathian in mino kan si ruangah in hning dah lo. Pathian zarah
min o khalin thil ropi taktak kan tuah thei ve tihi Elihu nunnak ihsin kan hmuh
theimi a si.
Laknak hram : Christ le new generation youth
