1. Abraham leh Paampi ( Sem.26:10-20)
Izipt
ramah a feh : Abraham
san ih paam pi hi Baibal sungih paampi a lang hmaisa biknak le Izip a
lang hmaisa biknak a si. Izipt in a khih hmuh mi cu leitlun lennak, fimnak,
hminthannak pawl an si. Paampi a tlun tikah Abraham cu Izipt lam pan in a feh
ih buainak a ton thu kan hmu.
Zumtu
in harsatnak kan ton tikah Pathian ron hmai sa lo in leitlun fimnak, lennak,
thilti theinak kan rinsan tikah buainak in in cim buai ṭheu. Pathian cun zum lo
ti pawl hmang khalin kan cawm, in bawm thei tuk ko, Baibal sung khal ah hnam dang mi pawl hamngin Pathian in a mi pawl a bom thu hmuh ding a um
hnuaihni. Zumtu in kan theih dingmi cu Pathian cun kan hrangah zo poh kha a
hmang thei ko nan kanmah sawn in zo dang, ziang dang hnakin Pathian ron hmaisa
ding kan si. Pathian si lo in leitlun thil sawn kan rinsan sawn asile buainak
in in cim ṭheu.
Thuphan
a per : Abraham cu Izipt ramih a feh tikah amai
nupi rori hi ka farnu tiah a ti. Ka farnu a ti hi a sual lellel cu a si lo nan
a far nu a sinak hnakin tum sawn aw nupi a sinak kha a thup. Cu tin thuphan a
per ruangah a nupi cu laksak a si ih sapbai ah nasa zet ih kawk a tong ih Izipt
ram ihsin dawi suah an si. A nupi an laksak ih ruangah rilva ziang maw zat cu
ngah khal sehla a nunnak ah mual phonak a thleng. Culawng si lo in amai fapa
Isaak khal in amah vekin a nupi kha ka farnu tiah a run ti ve bet (Sem.26:7).
Pathian cun a sual vekin thungrul siang loin a lamih a ṭan ruangah a nupi cu a
ngah sal.
Pathian
hithuphan per dah lo a si ih Amah ah thuphan hrimhrima um lo ruangah thuphah
hua tu a si. Zumtu le thuphan hi a mil aw lo zetmi a si. Thukam thar sungah
Ananias le Safira in thuphan anper ih ruangah an thih phah. Leitlun thilnak ih
a sual ti ngam ding sisi lo, hmansehla thil dik lo sisi hi zumtu’I hrangah cunt
i ci a si cuanglo. Pathian hmai ah thuh theih a si cuanglo. Thuphan kan per
tikah mualphonak le ningzahnak in in thlun cih ding timi hi Abraham nun ram
ihsin thazang kan lak theimi a si.
Thuphan in nunnak caan tawite a
nei;
Asinain thudik cu kumkhua in
a nung. Thuf.12:19
2. Isaak le paampi (Sem.26:1-33)
Thlawsuah
dong Isaak : Isaak cu a umnak ramih paampi a tlun
tikah Gerar ah a feh ih Pathianin um dingih a tinak hmunah a um. A pa bangin a nupi
kha ka fanu a ti ko nan zohman ih an ṭhitsak hlanah Siangpahrang in a thei ih
zohman ih ti buai lo dingin a sim than. A tuahmi le a ṭuanmi kip hi an hmui
ngil ih a ṭuannak parih Pathian tlawsuah tampi thawn a suak sal. Thil le ri ih
thlawsuah a don men lawng si lo ih Gerar siangpahrang rori in rualpi ṭha ah a tuah.
Khuitawk
hmun le ram kan thlen khalah Pathian kan hnenih a um ahcun hmuntin hi kan
hrangah thlawsuah kan donnak a si thei. Mi khua le ram khal hi pathian cun kan
thawsuah donnak ramah a canter thei. Midang
pi ih kan ruahmi khal Pathian in kan rualpi ṭha zet ah a can ter thei.
Pathian thawn cun ziangkim ah hmuingilnak a si.
Cutawkah na kut in i hruai ding
ih,
Keimah bawm dingah na rak um
thotho ding. Sam.139:10
3. Josef le paampi (Sem:41-47)
Mi dang hrang ṭhatnak : Josef cu uktu Izipt ramih uktu a ṭuan
laiah hmun kip ah paampi a thleng ih a unau pawl umnak khal a luat lo. Cutikah
Izipt ah rawl lei dingin an ra ih an naupa Josef hmaiah an ra kum. Josef hin
phu la duh sehla caan remcang a ngah nasa nan an parah ziang thil ṭha lo hman a
tuah lo. Rawl khal man la lo in a tlun ter hai lawng siloin an hnenah a phuang
suak aw ih an hrangah umnak ding ramṭha a
ngaihtuah sak. Amah tuah setu a u le pawl parah ṭhat suah in an nunnak a run.
A
caan caan ahcun in rak tuah setu pawl in kan bomnak beisei in kan hnenih an rat
caan hi a um ṭheu. Cui caan ah ziang kan tuah ṭheu. Tui hlan ih kan parih ṭhat
lo nak an tuahmi pawl ruangah neh sawh takin kan rak thungrul ṭheu maw? Josef
nunram te hmangin thazang la uh si la cu vek thil kan parih a thlen tikah
thungrul tu si lo in ṭhatnak sawn in rak tuamhlawmtu ding kan si.
Ṭhat lonak in lo neh hlah seh;
ṭhat lonak kha ṭhatnak in
neh sawn aw. Rom.12:21
4. Naomi
le Paampi (Ruth 1-4)
Tuarnak
phenih thlawsuah : Israel ramih paam a tlun tikah Judah mipa pakhat cu a
nupi Naomi le a fapa 2 hruai in Moab ramah an feh. A fa le pahnih cun Moab mi
nupi an an ṭhit. Vanduai thlak takin an pa fa thum in an thi ṭheh ih nunau rual
lawng an tang. An san laiah nunau ziang ih an siar lo thawn nunau rual lawng um
khawm cu an hmailam thu an ruah tikah an khawruah a pit duh zet dingah zum a
um. Judah ram Pathian in a thlawsuah sal ti kha Naomi in a theih tikah kir zai
a rel ih a mo 2 lak ihsin pakhat cun a thlunlo ih Ruth lawngin a thlun. An mai
ramte an thlensal tikah Naomi in Ruth cu pasal ding a ngaihtuahpi ih cuti cun
Boaz thawn an ṭhi aw. Cu ti cun Jesuh suahkehnak hram pakhat ah Ruth cu a rung
tel (Matt.1:5). Hi thil cang hi Noami cun a beisei ban lem lo ding. Asinan a
mangbangnak sung ihsin Pathian in lam a hruai ih Jesuh suahkehnak cazin pi ih
an sunghmin a lang.
Vanduaianak
kan ton tikah thinpit vansan inkan um ṭheu ding.Asinan Pathian in vanduainak
sung ihsin thlawsuah sunglawi tak in pe ṭheu. Vanduainak ih kan ruahmi hi vanṭhatnak
an rak si sawn ṭheu. Pathian cun kan parah a na men in harsatnak a thlenter lo
ih cui harsatnak hnakih sunglawi sawn hmuh ter in duh ruangah harnak lamzin in
zawh ter ṭheu a rak si sawn. Kanmah lawng hmang kan ti lai khal ah kan hnenah a
um ringring.
Bawipa
cun harnak le tuarnak sungah
a
lo thlenter hai ding,
a
sinan nan tuarnak hmunah cun
a
um ve dingih a lo zirhtu a si ding;
cuticun
amah nan
hawl
rero a ṭul lo ding. Isai.30:20
5. David le Paampi
(2 Sam.21:1-14)
Pathian
hminih thukamnak : David
san lai ah kum thum sung rori paampi a tlung. Ziangruangah hi paampi a tlung
timi kha David in Pathian a suh tikah
Sual in Gibeon pawl a thah ruangah a si. Gibeon pawl hi tui hlan kum
400, Joshua san laiah that lo dingih Pathian hmaiih thukamnak an rak tuah zo mi
a si. Thah lo ding timi kha Saulin a that ruangah Pathian a thin a heng ih cumi
ruangih paampi tlung a si. Paampi a reh theinak dingah David cun Gibeon mi
pawl a tong ih an nih in Sual ih tesinfa pasarih, Pathian hmai ih thah dingmi
in pe aw tiah an dil. An dilnak vekin David in a pek hai ih cumi hnu lawngah an
ram hrangih an thlacamnak Pathian in a sang (2 Sam.21:14)
Hi thu ihsin kan zir theimi cu Pathian
hmai ih thukamnak kan tuahmi hi ziang tluk in a thupi. Thukamnak an rak tuahnak
cu kum reipi a liam zo nan Pathian cun a
rak thei ringring thotho. Pathian hmin ih thukamnak kan tuah tikah kan
thukamnak vekih hlen tengteng a ṭul. Pathian
hi a thukam parih rinum Pathian a si vekin thukam parih mi rinum lo pawl a hua.
Amah thawn ka thukam cu ka bal
lo ding ih,
A hnenih ka tiam ciami
thukamnak pakhatte
hman ka la kir lo ding. Saam
89:34
6.
Elijah le Paampi (1Siang.18:2-46, James 5:17)
Tei mak suahih thlacam : Israel ram sungih kum thum sung ruah a sur lo ih
paampi a tlen hi Ahab ih ruangah a si. Baal profet pawl thawn an zuam awknak
pawl tla kan hmu thei. Ṭuiṭum hrangah cun a thlacamnak lam hi zoh sehla. Jeim ca
kuat sungih kan hmuh bangtukin ruah sur lo dingin Elijah in teimak suah in
thla a cam. Cun ruah sur sal ding khalin nasa zetih a thlacamnak kan hmu thei. Ruah
sur sal dingih thla a cam tikah voi hnih khat men a si lo. A hnenum pa kha
tingfinriat ah ziang a cang timi kha voi sarih rori zoh a fial, a fial zat hi
thla a cam tinak a si. Voi thum, li a cam ih ziang thil hman a hmuh lo khalah a
bei a dong lo.
Zumtu
pawl khal kan nunnak ih thupi zetmi cu thlacamnak hi a si. Baibal sungah thlarau
laksawng a um hnuaihni nan ‘thlacam laksawng a pe’ ti hmuh ding a um lo. Ziangvek
kan si khalin thlacam hi cu kan ti dingmi a si zia a fiang. Pathian hnenah beidong mai lo ih dil ding kan si zia
Jesuh in hitin a sim;
1Jesuh in a
dungthlun pawl kha thinnau loih thla an cam ringring a ṭulzia zirh duh ah tahṭhimnak
pakhat a sim. 2An hnenah cun, “Khua pakhat ah Pathian a ṭih
loih milai khal a hmaizah lotu thuṭhentu pakhat a um. 3Cuih khua
thotho ah nuhmei nu pakhat a um ih nuhmei nu cun, ‘I raltu thawn thu kan neihmi
ahhin i bawm hram aw,’ tiah atu le atu a ra dil ringring. 4Thuṭhentu
in cuih thu cu caan reipi relsak duh loin a um; a sinain a neta bikah cun
‘Pathian ka ṭih lo ih mi khal ka hmaizah lo nain, 5hi nuhmei nu in i hnaihnok ringring
ruangah a thu cu ka relsak pei. Ka relsak lo a si ahcun cat bang loin a ra
ringring ding ih a netnak ah cun keimah lehlam thinlung baang in i tuah ding,’
tiah a ruat,” tiah a sim (Luk.18:1-5).
Bawipa
cu nanmah runtu si dingah
a ṭawnṭai
tuk lawmmam lo.
Bomnak
dilih nan aunak theilo tiangin
a
hna a seet lo (Isai.59:1).
7.
Elisha le Paampi (2Siang.4:38-44)
A thu ngaitu pawl a ngaihsak
: Elisha san laiah paampi a rak thleng ih Elisha khal
Gilgal ah a kir. Profet pawl thu a zirh rero ih culai ah a hnenum pa in an
hrangah rawl a rak suang. A rawl suanmi cu ei an tum tikah eingam ding ci a rak
si lo, rawl suanmi ah tur a rak tel. Asinan Elisha in rawlsuanmi sungah
sangphut malte a vun thlakih ei ṭha ah a cang sal.Cun veikhat cu mi pakhat a ra
ih sang zawl kul le fangthar lakmi a vui in Elisha hnenah a rak keng ih Elisah
in profet pawl ei dingah pek a fial. Profet rual ih ei dingah cun malte lawng a
si nan an ei tikah cemti a nei lo ih a hlei hman a um lam.
Pathian
in a thu ngaitu pawl poimawh zettu a si. A thu ngaitu pawl hi an ei ding a
ngaihtuah sak ṭheu. Thukam thar sung khalah Jesuh in a thuzirh ngaitu mi thawng
nga le mi thawng li, ṭum hnih rori ei ding an tlaksam laiah an ril rawn sianglo
in an ei ding a ngaihtuah thu kan hmu. Pathian thu ngai poimawh tu pawl hi ei
ding a um lonak hmun khalah ei ding an an nei ṭheu.
Cuhnakin
Pathian Uknak le
a
felnak hawl hmaisa sawn uhla
thil
dang hmuahhmuah cu
a
lo pebeet ding a si (Matt.6:33).
