1.
Pathian ih duhdawtnak le Thiik thu siatnak
Mi
a duhdaw lotu cu Pathian a thei lo, ziangah tile Pathian cu duhdawtnak a si. 1 Johan 4:8
Pathian
cu duhdawtnak a si ih leilung a duhdawt tuk ruangah ruangah a fapa neihsun a
pek. Pathian in in duhdawt kan ti tikah kanmah lamah duhdawt ding awm, felnak, ṭhatnak,
mawinak a um ruangih in duhdawt a si lo. Mi sual kan si cingin in duhdawt sawn
(Rom.5:8). Pathian ih duhdawtnak tluk ih a thukmi duhdawtnak a um lo, mi sual
bik, amah dodaltu pawl khal duhdawttu a si. Ziangruangah Pathian in a lo
duhdawt timi thu suhnak hi ziang inkan let cio ding? Ka ṭhat ruangah, ka mawi
ruangah, ka fel ruangah, ka fim ruangh. Ka len ruangah ti thei kan um pei maw?
kan um ding a zum um lo. Um hman rak siseh la Pathian cun cuvek kan si ruangih
in duhdawt a si lo.
Pathian
cun ka lo duhdawt in ti men lo ih a Fapa neihsun Jesuh Khrih rori in peknak ih
ka faa tiah in ko (1Johan 3:1). Pathian duhdawtnak sungah a tlem lo zohman kan
um lo, mi fim,mi aa, mi lian, mi farah, mi tum, mi te, mi ṭha , mi sual kan
zate’n kan tlem ṭheh. Duhdawt dingih hahio tlak lo pawl duhdawttu a si.
Pathian
hi duhdawtnak a si vekin thiik thu se zetmi a si (Suah.20:2). Thiik thusuatnak
kan timi hi duhdawtnak ihsin a suakmi a si. Kan duhdawt lo mi zo thawn an um ih
ziangvek in an um hmanah kan ziang a poi lem lo nan kan duhdawtmi parah cun
midang thawn an um tlang tikah kan thiik hliahlia ṭheu. Israel pawl khalin Amah
Pathian siloin milem an biak ding a duh lo. Israel pawl in Amah hnakin miphun
dang an tlaihsan ruangah le milem an biak ruangah voi tampi Pathian in a hrem ṭheu.
A duhdawtnak le a thiik thu siatnak hi Hosea cabu sungah fiang zetin kan hmu
thei.
Pathian
hi duhdawtu a sinak lawng kan uar pang asile a hnen in lam pial a awl te.
Curuangah duhdawttu a sinak lawng si loin thiik thusia a sinak hi kan theih tel
lawnglawng ah a hmaika ah nun dank an thiam sinsin ding. Thiiktu Pathian kan
nei ti hi kan nunnak ah a thar in thei sal uh si.
2.
Pathian ih ngaidamnak le Sual huatnak
Pathian
in kan sualmawhnak hmuahhmuah cu in ngaidam zo a si. Kol.2:13
Pathian
cu ngaidamtu Pathian a si ih kan sualnak hmuahhmuah in ngaidamtu a si zia hi
kan sim uar nasa, uar tlak khal a si. Thinglamtah parih Amah khenbettu pawl
hman “ ngaidam hai aw” titu hi kan Pathian a si. Baibal sung kan zoh tikah
Pathian ih in ngaidamnak thu hmuh ding a tam nasa. A ngaidamnak ruangih nung le
a hnen thleng thei kan si. Van ramkan thlen tikah zohman mai felnak ruangih kai
kan hmu lo ding, Pathianih ngaidam cop hlir hi van ah kan hmu aw leh ding.
Jesuh kha leitlun ih a len laiah farasi
pawl ina huatnak le Pathian thangsiatih an punnak cu mi a ngaidamnak hi a si.
Ziang tluk mi vanṭha kan si, kan sual mawhnak hi a a tamzet cingin Pathian cun
in ngai dam.
Pathian
hi kan sual mawhnak ngaidamtu a si timi kan theih ngah tluk ih man hla hi a
tamlo ding. Kan mawh caan ih ngaidamnak thu kan theih tikah kan thaw a suak
huaiho ṭheu a si khal. Amahlawngte ngaidamnak thu theihnak ah kan duh tawk ding
a si lo. A sual lai fang an kaihmi nu kha Jesuh in “kei khal in mawh ka lo
phuah lo, vat lung aw la va sual nawn hlah” tiih thu a cah bang buk in Pathian
in kan sualnak hmuahhmuah in ngaidam ṭheh ih sualnak lamzin ih kan feh vivo
ding cu a duh lo (Gal.5:26).
Zumtu
in Pathian ih in ngaidamnak lawng hi na
tuk in kan fehpi lam pial a awl te. Pathian cu ngaidam tu a si pam ti tahratin
sualnak lamzin zawh khal poi tiknak nei lo kan si ding hi a phan um zasa.
Pathian cun kan sualnak hmuahhmuah in ngaithiam ih sual peh vivo ih nung lo dingah
thu in cah ta.
Na sualnak cu ngaidam a si zo
Sual tuah sal lo dingih thu cahmi
na si.
3.
Pathian ih cawisannak le hngal huatnak
“Leivut
lak ihsin ka lo cawisaang ih ka minung Israel mi pawlih siangpahrang ah ka lo
tuah.1 Siang. 16:2
Pathian cu a mi le fa pawl cawisang ṭheutu a si. Josef
cu a unau pawl lak ihsin siseh Izip mi pawl lakah uktu ah a cawi sang. Sual cu
santlai lo bik innsang ihsin Pathian in siangpahrangah a cawisang. David cu
tuukhal tu dinhmun in siangpahrangah a cawi sang. Solomon cu leiltun ih fim bik
le lian biakah a cawisang. Daniel le a rualpi cu Babilon ramah dinhmun ṭha a
din ter. Nga kaitu cu dungthluntu ah
cawisan a si. Bawipa cu in cawisang tu a si.
Pathian in mi a cawisan zia dinhmun ṭha ih mi a ret zia kan
hmuh rualin dinhmun sang ihsin mi a man
thlak zia khal kan hmu thei. Pathian in a maimai in mi a nam thla lo ih zo pawl
a nam thla ṭheu kan ti asile mi hngal, duh aw pawl a nam thla ṭheu. Amaziah cu
Edom a neh ruangah a hngal zet cui a hngalnak ruangah siatnak a tong (2 Siang
14:10-12), Uzziah khal a cahnak ruangah a hngal ih a siangpa hranga hna a ṭuan
thei nawn lo ( 2 San.26:16-21), Tiar siangpahrang cu a hngalnak ruangah
hlonthlak a si (Ezk.28:17), Nebuchadnezzer cu a hngal/ duhawknak ruangah ramsa
bangin Pathian in a um ter (Dani. 4:30-31), Herod in Pathian upatnak a pek lo
ruangah rulkhuk in a sunglam an ei thluh ih a thi.
Minung hi dinhmun dangih kan
din tikah hngal, duh awk a awl ngaingai ih a tu ih kan dinhmun ṭha hin tui hlan
kan dinhmun siat lai in hngilh ter ih hngal le paur in kan um ṭheu. Jerusalen
thuhla kan zoh khal asile Pathian in zianghmanlo dinhmun ihsin dinhmun sangah a
cawi sang (Ezk.16:1-14). Asinan cui a
dinhmun ṭhatnak cu zumawknak ah a hmangih Pathian in “na sentet lai ih taklawng
ih thisen lakih na tal rero lai hi na
vun ruat dah maw?” tiaha ti. Hlan ih kan dinhmun te khi kan theih hngilh a si
le mi nauta pawl hmuhsuama awl te. Pathian in a zoh men thei lo mi cu hngalnak
hi a si. Dinhmun sangih in ret ruangah kan thinlung te’n hngalnak, duh awknak,
zumawknak kan nei a si ahcun tlak hram kan pan tinak a si. “ kei khal ka si ve”
timi thinlung hin kan ṭongkam a por ter ṭheu. Hngaknak sungih kan tlak lonak
dingah ralrin a ṭul nasa. Hezakiah khal a hngaknak ih ruangah Pathian a thin a
heng lawk nan an lung a nem sal ih ruangah Pathian in a hrem sal lo (2 San.
32:25-26).
Pathian ih cawisanmi kan si ti thei a thu pi
Kan hngalni cu kan tlak ni a si ding.
