Baibal
hi kan neih men ah hin duh tawk men ding a si lo ih a sung thu kan ziar ding hi
zumtu hrangah lo theih lo ih a ṭulmi
a si. Van kan thlen tikah cun Baibal siar rero hi a ṭul nawn lo ding. Hi lei : harsatnak,
buainak, thlaphannak, harsatnak, kan khual tlawnnak ahhin Baibal hi kan siar
dingih thil ṭul rori a si. Baibal siar ih hlawknak tamzat lakin mal lai hun
tarlang sehla.
1.
Hnangam lungawinak
Bible
hi Pathian thu, Pathian ih ṭongkam a si ih zumtu in harsatnak kan ton tikah
minung aw kaa si lo in Pathian ṭongkam hi ngangamnak leh lungawinak in pe thei
tu a si. Baibal sungah kan hmuh theimi pawl Pathian mi pawl ih harsatnak, thlaphannak,
buainak an ton ṭheu ih cui caan ih Pathian aw an theih tikah an
harsatnak ruangih thlaphannak, ṭihnak, buainak, riahsiatnak a kiang ṭheu. Tu
san ah Pathian hin hna ih theih aw hmangin a lo be kher lo ding. Asinan Pathian
ṭongkam a si Baibal hi siar aw la tu ih na tonmi harsatnak ruangih na
mangbangnak lak ihsin na luat dingih na nun a zangkhai ṭheh ding. Kan
hnangamnak hi Pathian thu ah a um a si.
2.
Na tuah ding leh tuah lo ding an thei ding
Zumtupawl
kan nun lam tlaun hrangih a thupi bikmi cu Baibal a si. Mi pakhat in thlaraumi
zet vekin rel aw khal sehla Baibal a siar dah lo a si ahcun thlaraumi cu a si hrimhrim lo ding. Kan ramah thlarau
mi zet vek ih rel aw si Baibal siar thlahtlam kan tam deuh ruangah hin thil dik
lo thleng a tam ṭheu. Baibal sungah hin kan tuah dingmi leh kan tuah lo dingmi
pawl hi ngan a si ih Baibal a siar dah lo tu cun a tuah dingmi a thei lo dingih
cu lawng hman si lo in a tuah lo ding khal a thei cuang lo ding. Mai tuah lo
dingmi tuah kan tuah hin mi mit kan kem ih tlunah kan tuah lo dingmi khal thei
lo kan si bet ahcun kan nun cu buainak in in kulh mai ding. Baibal hi kumkhawa
nunnak ih in hruaitu lawng si lo in zumtu kan nunnak zalam tluan hrangah kan
tuah dingmi leh tuah lo dingmi hmuahhmuah kimnak a si.
3.
Thlemnak na neh thei ding
Satan hi thuphan hmuahhmuah ih pa a si ko nan Zumtu
pawl in thlem tikah Pathian thu themte hmangin in thlem ṭheu. Zumtu kan si
ahcun thlemnak hi cu kan tong cio ko dingah a zum um. Satan pai thlemnak kan
tong dah lo a si ahcun riatsiat za sawn a si ding, Satan hin thlem tlak/ ṭul lo
ah in retmi kan si ding. Satan hin zumtu thlemnak dingah Pathian thu them a
hman ṭheu ruangah zumtu hin Baibal hi kan siar zasat a ṭul. Satan ih tlemnak cu
Pathian thu ih neh dingmi a si, milai cahnak, fimnak, thiamnak ih neh ding pawl
a si lo. Satan thlemnak a neh theitu pawl cu mifim, mithiam, thluakṭha pawl
silo in Baibal a siartam tu pawl an si ṭheu. Jesuh khalin Satan a nehnak hrampi
bik cu Baibal Pathian thu in a si kha.
4.
Na zumnak a hnget ding
Khristian
pawl ih kan zumnak a ṭhumawknak cu Baibal hi a si. Mi thu phuahmi leh leilam
thilah kan zumnak hi a ṭhum aw ve lo. Mi thusim ring men ih kan nung a si ahcun
mi sim dandan inkan zumnak hi a ṭhawn aw rero ṭheu ding, sim thiam thiam ih thu
thlunmai a awl zet. Kan zumnak khalih kan hnget theinak dingah Baibal hi kan
siar dingmi a si. Lei le van hloral khal sehla a hlo ve lo dingmi Pathian ṭongkam hi kan zumnak hram
phumnak cu a si. Baibal kan siar dah lo a si ahcun zumtu derdai kan si ding.
5.
Pathian pawl tharnak na co ding
Hlan
ahcun Pathian hi a mi pawl hnenah mithmuh tham theih in a lar aw ih a pawl ṭheu.
A tu ahcun a Thu, Baibal hmangin in pawl ṭheu. Baibal hi kan siar tikah Pathian
in ziang thu hmangin si mawm in pawl thar in cahnak thar in pe ṭheu. Baibal hi
siar tam in umzia a nei lo, siar fuh a ṭul ti hi a diknaklai cu a um men ding
nan Baibal siar tam pawl in Baibal siar ih a ṭhathnem lo thu an rel kan thei
dah lo. A siar tam pawl in a man hlat zia an thei deuhdeuh sawn. A tu kan siar
lai rori ih kan hlawk lo hman ah kan rak siar dah mi thu te hmangin Pathian in
pawl ṭheu a si. Pathia pawl tharnak co duhtu kan si ahcun a thu, Baobal hi siar
tam ding kan si.
6.
Na parih thil thleng ah nan un a buai lo ding.
Pathian
thu hi kan theih tam a si ahcun kan parih thila ra thlengmi ah a hmuh zia, ka
pah tlang dan in thiam ter ih mi dang in buainak ih an hmang rero laiah zian
gpoinak nei lo in Pathian thu ruangah hnangam zet in kan um ṭheu. Tahṭhimnak
rel sehla, ṭong hi kan thiam tam a si le khui
khal ah thlen hman nungna kan buai lo, an ṭong kan theih ruangah kan tal
thei. Ṭong dang akn thiam lo a si ahcun in biak tikah buainak kan tong hngal, ṭong
theih klo ruangih lamlam zet thilah buaina tonmi hi rel ding an um ṭheu. Ṭong
thiam pawl ih an buai lo nak ah ṭong dan gthiamlo pawl an buai ṭheu bangin
tonmi thil bang aw ciocio ah Pathian thu ih ruangah mi in hnangam te’n anum
laiah Pathian thu theilo pawl cu anbuai zet ṭheu. Baibal hi siar tam aw la
harsatnak na parah a thleng dah lo ding ti lam si lo in na parih thli thelng mi
sawn ah na buai lo ding.
