Siatsuahtu Satan, Destroyer

Siatsuahtu Satan ( Johan 10:10 )

Johan 10:10 Rukru cu ru ding, that ding le siatsuah ding lawnglawngah a ra.

            Satan ih hnatuan hi a phunphun a um ih Bible sungah ahmin khal phun dangdang ih a tarlangmi pawl kan hmu thei. A hnatuanmi tampi lakah siatsuahtu a sinak hi kan tarlang ding. Satan hi kan mai lam tang leh kan hrang thatnak tuahtu ding vek tla in a cangvai theu. Leitlun hlawn thil khal mi a pe thei ve ko, asinan a netnak ih a tumtahmi tcu siatralnak thotho a si. Siatsuahtu a si zia Bible sung ihsin kan hmu theimi then khat cu:

1.Eden Hmuan ah ( Sem.3:1-24 )

            Minung hmaisa bik umnak Eden human ah Eve hnenah a rung lang tikah ziangvek in a rung lang aw ter kan ti asile anmai lam tang vekin a si. Eve in rulpi hnenah human laifang ih a sia leh a tha theihnak thingrah cu Pathian in ei a

kham thu a sim tikah rulpi ih simmi cu “ Nan  thi hrimhrim lo ding, ..nan mit a vang dingih amah Pathian vekin a sia le tha theihthiamnak nan nei ding, ti kha Pathian in a theih ruangah a lo khamnak a si” tiah a ti. A tongkam kan zoh a si le Pathian sawn hi an that ding duh lo tu ah le amah Satan sawn kha an lam tang vek in a tuah aw. Cuticun Eve cun thingrah mawizia leh thawt awm zia a hmun in a lo ih a ei ih a pasal khal a pe ih a nih khal ina ei ve ti kan hmu thei. Cu tikah a netnak ih a covo, dinhmun cu ziangvek a si? Pathian camsiat an tuar ih Eden hmuan ihsin dawi suah an si.

( Pathian ih camsiat tuar in  Eden human ihsin dawisuah an si ) Siatralnak

2.David Nun ah ( 1 San. 21:1-13 )

            Satan in Israel pawl parah siatnak thlenter a duh ruangah David kha thu sia a forh ih ih mipum siar duhnak thinlung a neih ter. Cu tikah david cun Joab a fial ih, Joab cun a lungkim pi lo cing ten mipum cu an siar. Mi pum siar ding hi Pathian in a fial lawngah an rak siar theu Suah.30:12. Pathian in mipum siar a rak fial kha Amah hi anmah neitu a sinak a lang ter (http://biblehub.com/commentaries/guzik/commentaries/1024.htm ). Hlansan lai ah anmai nieh mi pawl lawng siar theinak an nei timi ruahnak an nei. Israel pawl hi Pathian ih minung, Pathian ta an si ih Pathian fialnak um lo in a siar thei lo. David in Israel pawl kha mipum a siar tikah a mai ta an si tinak tluk a si. Mipum an siar tikah Pathian a thin heng ih David kha hril dingmi thil pathum a pek.

            1.Kum thum sung pam

            2.Thla thum sung ral ih hual

            3.Ni thum sung nat sia thlen ti pawl an si.

Davi d cun nithum sung natsia thlen ding cu a hril ih Israel mi 70000 an thi.

( Israel mi tampi in thihnak an tuar ) Siatralnak

3.Judah Iskariot Nun ah ( Johan.13:2 )

            Jesuh leh a dungthlun pawl zan riah an hil tlang lai ah Satan in Judah Iskariot thinlung sungah Jesuh zuar duhnak a neih ter. Cu vek taktak in Jesuh zuartu an a rung cang ngaingai. A thuanthu kan zoh vivo a si le thi tha in a thi lo ih amah le amah that aw in a thi ti thu Matt.27:5 ah kan hmu thei.

( Amah le amah a that aw ) Siatralnak

5.Ananias Tei’ Nupa Nun ah ( Tirh.5:3-10 )

           

            Ananias leh a nupi Safira cun an an lo an zuar ih a man a hrek khat sup in Piter hnenah kan lo man zate’n a si tiah an bum. Cucu Piter in Ananias hnenah “ Ziangruangah Thlarau thianghlim bum dingah Satan in na thinlung a lo luahkhat..? ( NKJV)” tiah a ti. Thuphan per duhnak thinlung nei tertu kha Satan a si. Cuticun an nupa in ni khat thil thu an an pahnih in an thi ti kan hmu thei.

( An nupa in an thi ) Siatralnak

            Kan ralpa Satan pa cu siatsuah ding ih ra a si bang tukin kan nunnak ah thiltha in in lem, kan duhzawng in in thlem, lam zin a phunphun hmangin zumtu in thlem theu. Kan hmaika ah kan thatnak ding pawl in hmuh ter, kan that duh ngaingai tu a si dah lo. A netnak ih kan thlennak ding cu siatralnak thotho a si theu.

( Satan cun Thiltha hmangin in Siatsuah Theu )