Zechariah
Tei’ Innsang ihsin Zirnak ( Luk.1:1-25 )
Baptist tu Johan tei’ innsang thuhla
hi Jesui’ suahnak thuthawn a peh awk tikah Jesui’ suahnak thu rel a si le rel
cih mi ah a tel ve duh zetmi a si. Cun Pathian in hleice zet ih a phuanawknak
innsang an si tikah sim ding tla a tam zet dingih tuitum ah a tawi zawng te’n
mallai tarlang sehla.
1.
Baptist tu Johan
ih nu leh pa ( Cang 5 )
Zechariah
ticu Pathian ih cinkenmi tinak a si ih amah hi Abijah puithiam phun ih a tel
vemi puithiam a
si. Zechariah ih nupi cu
Elizabeth a si ih a nih khal puithiam phun thotho a si ih pasal a neih tiang ah
hin fala him a si tiah kan ti thei.A san cu Puit.21:14 ah Puithiam ih nupi ding
cu fala him a si pei tiah a um.
2.
Pathian hmaiah
mi dingfel nupa an si. ( Cang 6 )
An
pahnih in Pathian mithmuh ah nun can ṭha in an nung ti hi a va sunglawi em.
Nupa kopkim ih ṭhat tlan hi thil harzet a si ve. Inn sang nu cu a ṭha zet nan
innsang pa cu ṭha lo, innsang pa cu a ṭha zet nan innsang nu cu mi rel a hmang
tuk aw ti vek hi thil um thei zet a si. Cu lai hi hi te nupa cu an pahnih in mi
nuncan ṭha an si. Pathian ih dan le thupek pawl kim te’n an thlun theh. Curuangah
an nunnak ihsin kan hmuh theimi cu Pathian hmaiah an nuncan a ṭha zet lawng si
lo in Pathian hrangah a hmang aw zetmi an a si. Mi famkim cu an si lo ding nan
mawhthluk ding cu anmah ah a um tluklem lo ding. Curuangah hite nupa hi zohṭhim
an va tlak lawmmam ve.
3.
Harsatnak a
neimi nupa an si. ( Cang 7 )
Pathian
hmai ih nuncan ṭha le hi tluk pe aw nupa cun harsatnak hi nei lo sehla thil awm
zet a sinan kan ṭhat vio ruangah harsatnak cun in pehhel cuang lo ti a fiang.
An harsatnak cu ziang a si ti le fate an nei thei lo ih an mah le an tar
thlang. Pathian mi pawl hi harsatnak ton lo sehla thil awm zet tin kan ruat ṭheu ko nan Pathian in harsatnak nei lo dingin in hruai lemlo ih harsatnak hi a
kutcak kan hmuhnak dingah a hmang ṭheu sawn a si. Hi te nupa kan zoh a si le
cuvek in fa nei thei lo dinhmun ih an din ruangah Pathian an vuivai ti kan hmu
cuang lo. Pathian vuivai hi a vuivai tu an sung ṭheu ih a vuivai lo in thlawsuah an dong ṭheu sawn a si.
4.
Pathian ngaihsak
nupa an si. ( Cang.8-10,13 )
Zechariah
cu Pathian in ṭuanvo a pek bang tuk in Biakinn sungah a tikcu a hmang ṭheu.
Thlacam in Pathian an be ṭheu ih midang khal Pathian hnenih thlacam ding ah an
hruai ti hi fiang zet in kan hmu thei. Mai innsang lawng Pathian biak, thlacam,
thangṭhat hi thil ṭhat zet cu a si ko nan mah innsang lawng duh tawk lo in
midang pawl khal Pathian kehram ih hruaitu hi a sunglawi sinsin.
5.
Pathian
duhsaknak/thlawsuah cotu nupa an si. v.11-17
Pathian cun Amah ṭihzahtu, ngaihsaktu, thlacamtu,
midang a hnen ih hruaitu hi a thlam ve lo ih an nupa nunnak ah thlawsuah
sunglawizet a pek. Ziangti vek in a thlawsuah kan ti a si le:
1.
An ṭulsam mi a
theih sak.
2.
An thlacamnak a
theihsak ( Sam.91:15 )
3.
An fapa ( Johan
) cu mi ropi a si ter.
Johan ti cu Pathian ih zangfahnak tinak a si ih a suah
vete’n Thlarau thianghlim ih khat a si.
4.
Johan cu mitampi
Bawipai’ hnen hruaikir tu a si.
5.
Johan cu Jesuh
lam zin sialsaktu a si.
Fa
nei thei lo kha Pathian in fa a pek men lawng si lo in mi thupi, mi ṭangkai, mi
sunglawi, mi pakhat, Jesuh in nunau hrinah Anih hnakih ropi an um lo timi
dinhmun tiang dingtu a si.
6.
Pathian nun
zirhnak cotu innsang an si. ( Cang 18-22 )
Zechariah
hnenah vancungmi in fa nei dingih an sim tikah lun harsa a ti ih cui Pathian
thilti theinak a lun lo ruangah fa an neih hlan sung ṭong thei lo in a um.
zumtu in Pathian thilti theinak lunglo ih kan um ding hi Pathian duhmi a si lo.
Minung hrangih a cang thei lo kan timi hi Pathian hrangah cun a cang thei ṭheh.
A caan ah Pathian thilti theinak hi ringhlel in kan um ṭheu maw. Cucu Pathian
ih duhlo mi a si.
Cabu siar. The Preacher's outline & sermon Bible
Cabu siar. The Preacher's outline & sermon Bible
