(
Luk.2:8-20 )
Jesuh
suahnak thu ah hin Tuukhal pawl hi kan hngilh thei lo mi an si.Ziang ah ti asile
Jesuh a suah thu vancungmi hnen rori ihsin thu dongtu leh va tong hmaisabik tu
an si. An tuanthu ihsin thazang la tlang sehla.
1.
Tuukhal ( Lk.2:8 )
Dinhmun niam:Tuukhal pawl hi
dinhmun niam zetmi an si.Jesuh suahnak thu ah dinhmun niam tuukhal pawl an lang
ve hi a sunglawi. Jesuh khal hi tuukhal David ih tesinfa a si.
Jesuh tuukhal ṭha: Jesuh amah hrimhrim hi tuukhal ṭha a si thu
Joh.10:14,15 ah kan hmu thei. Curuangah Tuukhaltu sinak leh Jesuh hi
pehtlaihawknak a rak nei.
Pathian in mi nauta a thlauthla
lo: Pathian in thuthangṭha cu dinhmun niambik tuukhal pawl hnen ihsin a thok
ter.Amah Jesuh khal dinhmun niam te in a suak ter.
Zumtu hin kannunnak ah dinhmun
niampawl hi kanpal zut pang ding hi a phan um zet. Bible hin farah nauta
thlathla lo ding hi thupi takih in zirh bang tuk in Pathian khalin thuthangṭha
hi mi nauta tuukhal hnen ah a phuang thok a si.
2.
Tuu leh khalhnak hmun ( Lk.2:8,9)
Tuu: Tuu hi raithawinak ih an
hmanmi a si bangtuk in Jesuh Khrih khal kan hrang raithawinak hrang raitluan
tuufa no a si thu kanhmu thei.Rannung hmangih raithawinak cem ter in a mai raithawoinak cu kan kumkhaw
hrang ah a tuah a si.
Bethlehem ram :Cu tawk ram
sungah a ti tikah Bethlehem ram a relnak a si. David khal hi hmun leh ram ih
tuukhal a si. Cun Biakinn ( Temple ) hrang tuu pawl khal hi hi hmun ah hin an khal ṭheu ti a si. Cui hmun rori ah
Van Bawi fa Jesuh, tuu fa no khal a suak ve.
3.
Tleunak ( Lk.2:9)
Vancungmi pakhat cu an hnenah
runglang in Bawipa in sunlawinak an parah a rung tleu tikan hmu. Hi zawn ih
tleu a hmanmi ṭongfang leh Damascus khaw hnar ih Saul sunthlutu tleu kha a bang
aw cekci ih Thukam thar ah hi hmun hneh te lawng ah a lang( Bob Utley’s
Commentary ). Curuangah hi tleunak hi a sunglawi zetmi tleunak a si ih Jesuh lam
ih mi hruaitu tleunaka si. Saul khalin Jesuh a zum phah ih tuukhal pawl khal
Jseuh an hmuh phah ve. Pathian cun a sunlawinak hi mi nauta bik hnenih lang ter dingah a ui lo. Minung cun mi harsa kan bom ding hman ah kan bom dingmi pawl ih mil tawk thil kan pe ṭheu. Pathian cun a sunlawinak hi mi nauta bik pawl hnenh lang ter ding hi a ui lo a si. Haleluiah!
4.
Tihnak leh lungawinak ( Luk.2:9-10 )
Vancungmi pawl tuukhal pawl hnen
ih a rung lang tikah an ṭih ngaingai ti a si. Ṭih menmen an si lo ih an ṭih
ngaingai ( great fear ). Asinan an ṭihzetmi in an hnenih a run kenmi cu
thuthangṭha a si ih mi hmuahhmuah hrang lungawinak ngaingai ( great Joy ) a si. Ṭih ngaingai tu hnenah lungawinak ngaingai a thleng.
5.
Vanmi leh leimi ( Lk.2:9,13,16)
Jesuh Khrih a suah tikah ziang a
cang? Vanmi pawl cu hi lei ah thu than dingin Pathian in a run thlah ih van
miburpi in Pathian an thangṭhat thu kan hmu thei.Leimi, tuu khal ve thung cu Jesuh
lam ah an ve.Curuangah a tawi zawngin kan sim asile van in lei a pan in lei
in Jesuh a pan.
Kan ni Jesuh zumtu pawl hi
vanlammi sinak co hmaisatu kan si bangtukin khawvelmipawl Khrih hnen an thlen
theinak dingih simtu ding kan si.
6.
An theihi thu an sim. (Lk.2:18,19 )
Tuukhal pawl cun vancungmi pawl
hnen ihsin an theihmi thu cu dai te’n um pi men lo in Jesuh an va ton tikah khai
thu an simih Mari hrangah ziangtluk a sunglawi ce ti kan hmu thei. Khai thu ih
ruangah a thazang a tlung zet ding. Ziangah ti le a hlan ih thil umdan pawl thawn
a mil aw ṭheh.
