Rinsan Tlak Bik le Tih Um Bik

Bawipa na dodal a si ahcun milai ih fimnak,thiamnak le theihfiangnak pawl in a lo bawm thei lo ding.Thuf.21:30 

Thupi tarlangmi bangin rinsan tlak bik  le tih um bik cu zo a si kan ti a si len Pathian a si.Pathian pakhat kan dodal a si len mi hmuahhmuah dodal hnak in a tih um sawn ih Pathian pakhat kan lam ih a tan a si len mi hmuahhmuah kan lam ih an tan hnak in a hnangam thlak sawn.


Pathian kan dodal tik ah Pathian cun a minung pawl hrem dingah, do dingah zumlotu pawl tla a hmang mai ti cu Israel pawl thuanthu ah tam zet kan hmu thei.Cuvek can ahcun mah lam ih tan lak in um zia a nei lo lawng si lo in bawmtheitu ding ih kan ruah,kan rinsan mi khal um zia an nei lo.Pathian pakhat kan parih a lungawi lo cun leitlun minung hmuahhmuah hi kan lam ah tang khal hai sehla a sawt cuang lo.Isai.30:1-5 ah Judah pawl in Izipt cu anah bawmtu ding ih an rinsam thuhla ah Pathian cun hitin a ti."Bomnak an tul zet lai fang ih a bawm thei lo tu ram,....an rinsan pang cu Judah mi pawl an siir aw zet dal ding"a ti.

Pathian pakhat kan lam ih a tan ahcun zianghman phan ding a um ve lo thung ih a hnangam thlak nasa.Elisha le a hnenum cu Syria ralkap a tor le seng ih a kulh thluh nan an do thei cuang lo.Pathian Amah pakhat lawng kan lam a tan ahcun hai a daih a si.

Curuangah  hi thu tawite hi kan thei ringring kei uh.

1.Pathian pakhat kan dodal pang ahcun leitlun fimnak,thiamnak pawl hin in bawm thei lo ding ih Pathian pakhat kan lam a tan ah cun zianghman lo te kan si khal le leitlun fimnak,thiamnak in in do thei ve lo ding.

2,Pathian pakhat dodal hi mi hmuahhmuah dodal hnak in a tih nung ih Pathian pakhat kan lam a tan hi mi hmuahmuah kan lam ih an tah hnak in a hnget khoh sawn ih rinsantlak bik a si.