Taksa harhdamnak hrangih zir mi cu man a nei ve ko na'n thlarau harhdamnak
hrangih zirmi cu ziangtinkim in man a nei.1 Tim.4:8
Leitlun ah hin zir ding a va tam em,zir in cem ti a nei lo ih kan thih tiang hin zir vivo ding cu a um,zir cawk khal a si lo a si hi.Tlawng ah thil tampi kan zir,tlawng lo khal ah a lengah thil tampi kan zir rero.Na ruah dah maw?Hiang kan zir rero mi pawl hi sersiam mi thuhla pawl an si.leitlun in mithiam,hminthang,a thei lawlaw si, kan ti mi pawl hi
sersiammi thuhla zirtam le thei tam pawl an si.Tlawng ah
*Science thuhla
*Ram thuhla
*leitlun ram thuanthu
*Rannung thu
*Thlai hnah,thlairah thuhla
*lei hnuai thuhla
*Lungto thu hla
*Ni le thla thuhla tvp
kan zir rero mi hi sersiam mi thuhla lawnglawng an si.Zir ding a si,theih ding an si.Asinan a thupi bik cu ziang a si?Sersiammi thuhla hnak in sersiamtu Pathian thuhla zir ngah hi a si.Thil tampi kan zir rero hi a tha lutuk ko nan a sersiamtu thu kan zir ngah lo a si ah cun kan thleh lellel a si.
Unau na nunnak vun cek sal hnik?ziangthu na zir?
Leitlun thu zir lo ding ti a si lo.A tul sawn mi cu sersiam tui thu zir a si.
Sersiammi hnak in sersiamtu hi a thupi sawn ti hngilh hlah.
sersiammi thu zir hnak in Sersiamtui thu zir a thupi sawn ti thei ringring aw.
Sersiammi tlaihsan hnak in sersiamtu tlaihsan sawn aw
Sersiammi hnak in sersiamtu a tha sawn.
Sersiammi hnak in sersiamtu a ropi sawn.
No comments:
Post a Comment