Semtirnak
1:27-28 Cuticun
Pathian in milai
Semtinak
2:18 Cun Bawipa Pathian in, “Minung hi amah lawngih a um ding cu a rem lo;
amah bawmtu ah rualpi ka tuahsak ding,” a ti.
Semtinak
2:21-22 Curuangah Bawipa Pathian in cu pa cu
ihhmuh thawzetin a itthatter ih a ihthat sungah a hnakruh pakhat a lak ih a
titsa in a phih sal. Mi pa sung ihsin a lakmi
hnakruh cun nunau a tuah ih mi pa hnenah a ratpi.
Semtirnak 2:23 Cuih mi
pa cun, “Atu lawngah maw keimah vek minung, Ka ruh in tuahmi ruh, Ka titsa in
tuahmi titsa ka ton. Mi pa sungin lakmi a si ruangah, Mi nu tiin kawh siseh,”
ti ah a ti.
Semtinak 2:24
Cuti a si ruangah mipa in a nu le a pa a taanta ih a nupi thawn an kom-aw. Cutiin
tisa khatah an cang.
Daanpeksalnak 24:5
“Nupi ṭhi pekte cu ralkap ah fehter ding a si lo; a dang hnaṭuan ding khalah
fehter ding a si lo. Inn ah um in a nupi hnangamter dingah kum khat sung cu olh
ding a si.
Thufim 5:18
Curuangah
na no lai na nupi parah lungawi awla, A parah lungawi nomnak nei aw.
Thufim
12:4
Nupi ṭha
cu a pasal ih sui lukhuh a si; Asinain a pasal tlun ih ningzahnak a thlentertu
nupi cu, a pasal ruh sungih khensar natnak vek a si.
Thusimtu 4:9-10
Mi pahnih cu pakhat hnakin an ṭha deuh, ziangah tile an hnaṭuan man tam deuh an
ngah.
Thusimtu 4: 12
Mi pakhat lawng cu neh a ol-te; a sinan pahnih cu an ṭang thei zet ding; hridai
zangthum hrual cu olte in a cat dah lo.
Isaiah 54:5
A lo
seemsuahtu a hmin Cungnungbik Bawipa a si mi cu na pasal bangtuk a si ding. A
thianghlim mi Pathian, Israel ih Pathian in a lo run ding. Amah cu leilung
pumpi uktu a si.
Malakhi 2:14
Ziangah so in saan lo? tiah nan sut. Ziangah a lo sang lo tile nan no laiih nan
ṭhitmi nan nupi thawn thukamnak nan tuahmi nan balmi kha a thei a si. Nan nupi
cu nan rualpi ṭha bik a si: rintlak pasal ka si ding tiah Pathian hmaiah thukamnak
nan tuah, a sinain cuih nan thukammi rori cu nan bal.
Malakhi 2:15
Nan nupi thawn taksa khat le thinlung khat ah Pathian in a lo tuah a si lo maw?
Hitiih a tuah tikah a tumtahmi ziangso a si? A tumtahmi cu faate nan neih ih
Pathian minung ngaingai ih an cannak dingah a si. Curuangah zokhal siseh, a
nupi hnenih thukamnak a tuah vekin kimter seh; zohman in a thukammi cu bal hlah
seh.
Matthai 19:5-6
Cutawkah Pathian in ‘Cu a si ruangah mipa in a nu le a pa a taanta pei ih a
nupi thawn an kom aw ding; cuti cun annih pahnih cu pakhat ah an cang pei,’ a
ti. Curuangah annih cu pahnih
an si nawn lo, pakhat an si. Pathian ih a kommi cu zohman in ṭhen hlah haiseh,”
tiah a ti.
Efesa 4:2
Thinlung neemnak nei uh; tangdor le thinsau in um uh. Duhdawtnak nan neihmi kha
pakhat le pakhat nan zawi-eet thei awknak in langter uh.
Kolose 3:14
Cule hibangtuk ziaza ṭha nan neihmi tlunah duhdawtnak beetcih uh; ziangah tile
duhdawtnak cu ziangtinkim famkim zetih a finkhawmtu le rem ṭhepṭhep ih a tuahtu
a si.
Kolose 3: 18
Nupi pawl, nan pasal thu ngai uh; ziangah tile Khristian nan si vekin cumicu
nan tuah dingmi a si.
Efesa 5:25
Pasal pawl, Khrih in Kawhhran cu a duhdawt ih a hrangah a nunnak tiang a pek
vekin nan nupi pawl cu nan duhdawt pei.
Efesa 5:31
Ca Thianghlim in, “Hi thu ruangah mipa in a nu le a pa a taanta ding ih a nupi
a kom ding ih annih cu pumkhat an si ding,” a ti.
Efesa 5:33
Pasal hmuahhmuah in an nupi cu anmah ih takpum an duhdawt vekin an duhdawt pei
ih nupi hmuahhmuah khal in an pasal cu an upat pei.
Marka 10:9
Pathian ih a kommi cu zohman in ṭhen hlah haiseh,” tiah a ti.
Rom 12:10
Khristian unau nan si ruangah pakhat le pakhat sunsak awzet tein duhdaw aw ton
uh. Pakhat le pakhat hmaizah awknak thiam uh.
Rom 13:8
Zohnen hmanah baakmi nei hlah uh. Nan baakmi cu pakhat le pakhat duhdawt awknak
lawng kha siseh. Duhdawtnak a neitu cu Daan thluntu a si.
1 Korin 7:3
Mipa in pasal a sinak ṭuanvo cu kimter sehla nunau khal in nupi a sinak ṭuanvo
cu kimter ve seh; an pahnih in an ṭulnak fingfingah diriamter ton-aw haiseh.
1 Korin 7:10-11
Nupi pasal a neitu pawl hnenah keimah ih thupekmi si loin Bawipa ih thukham ka
lo pek hai: nupi in a pasal kha a taan lo pei. A taan a sile amah
lawngin hmei seh; cutiin a si lole a pasal thawn rem-aw sal seh. Cule pasal in
a nupi maak hlah seh.
I Korin 13:4-5
Duhdawtnak cu a thin a sau ih mi zaangfah a thiam; duhdawtnak cu mi a iksiik
lo, tluang a khawng lo ih a puarthau fawn lo. Duhdawtnak cu nun
hel-hlong in a nung lo, amah ih zawn lawng a ruat lo, a thin a tawi lo, cule
tisual mi parah thinciin a nei lo.
1 Korin 16:14
Thil nan tuahmi hmuahhmuah kha duhdawtnak thawn tuah uh.
Efesa 4:32
Cupawl ai ah pakhat le pakhat zaangfah thinnemnak nei aw ton uhla, Khrih sungin
Pathian in a lo ngaidam bangin pakhat le pakhat ngaidam aw uh.
Efesa 5:2
Khrih nan upatnak ruangah pakhat le pakhat duhnak thlun aw uh.
Efesa 5:22
Nupi pawl, Bawipa ih duhnak nan thlun bangin nan pasal duhnak thlun uh.
Hebru 13:4
Ṭhitawknak cu zokhal in upat hmaizah ding a si. Nupi le pasal cu zumtlak in um
veve haiseh.
1 Piter 3:1
Cubangtuk thothoin nupi pawl, nan pasal ih thu cu ngai uh; cutiin nan tuah a
sile Pathian thu a zum lotu nan pasal pakhat khat an um a si ahcun nan ziaza ṭhatnak
in zumtuah a canter ding. Kam khat hman nannih nan ṭong a ṭul lo ding,
1 Piter 4:8
Ziang hmuahhmuah hnakin pakhat le pakhat nan thinlung taktein duhdaw aw uh,
ziangah tile duhdawtnak in sualnak tampi a khuh thei a si.
1 Johan 4:12
Zohman in Pathian cu an mit in an hmu dah lo, sikhalsehla pakhat le pakhat kan
duhdaw aw a si ahcun Pathian cu kan sungah a nung ih a duhdawtnak cu kan sungah
a famkim a si.
