Job 5:2
Thinheng ringring ih nun cu Mi aa pawl thattu
a si. Iksiknak cu thinlung mal pawl philtu a si.
Job.76:10 Minung thinhengnak
a um tikah Nangmah thangṭhatnak a tam sinsin. Raldonak ihsin a luattu pawl in
Na puai pawl an run tuah ṭheu ding.
Saam 37:8
Na thinheng hlah! Na ai khal thok hlah! Na don
tla har hlah! Thil ṭha lo a suahter a si.
Thufim 14:29 Thinsau mi cu mifim a si; Asinain na thin a tawi ahcun na
aatnak kha na langter.
Thufim 15:1 Awkaa neem ih thulehnak in
thinhengnak a daiter; Asinain ṭong hrang in thinhengnak a suahter sin.
Thufim 19:12 Siangpahrang thinhengnak cu kiosa
huuk bangtuk a si; Sikhalsehla a zaangfahnak cu hrampi parih tladai bangtuk a
si.
Thufim 25:28 Mah ih thinhengnak a sup thei lotu
cu, Khawkulhnak hauhruang a cim ih a siatmi khua bangtuk a si. Olte in ral an
lut ding.
Thusimtu 7:9
Olte in na thinheng hlah; olte-ih thinheng cu mi aa pawlih daan a si.
Galati 5:19-21
Cule minung tisa ih a tuahmi pawl tla cu a langfiang ko: nupa sualnak, a thiang
lomi ziaza, a mawi lomi thil tuahnak,milem biaknak le dawi le cam tla hi an si. Pakhat le pakhat
ral awknak le sual awknak, iksiiknak le thinhengnak, tawh awknak, hamṭamnak le
rem aw loin ṭhenṭhek awknak; nahsuahnak, zuritnak, zoh mawi loin laam le
awn-aunak le hi bangtuk a dangdang tampi an tuah vivomi pawl hi an si.
Efesa 4:26
Na thin a heng a sile sualnak sungah na thinhengnak in lo luhpi hlah seh; na
thinhengnak kha nitlakpi hlah.
Efesa 4:31
Thinlung sungih mi huatnak le ral awknak, taksa hiarnak le thinhengnak pawl kha
cemter uh. Pakhat le pakhat hauh awknak, zomtaihnak le huatnak thinlung malte
hman nei nawn hlah uh.
Efesa 6:4
Nu le pa pawl, nan faale pawl kha thinheng dingin tuah hlah uh. Cu ai-ah
Khristian nundaan ziaza le zirh awknak thawn cawm uh.
Kolose 3:8
Sikhalsehla atu-ah cun cubangtuk taksa duhnak cu nan hlonfai ṭheh a ṭul:
thinhengnak, aithawhnak le mi mitkemnak pawl cu hnong thlang uh. Mi hmuhsuamnak
ṭong siseh, ṭongsia siseh, nan kaa sungin nan suahter lo pei.
Jeim 1:19-20
Ka duhdawtmi u le nau pawl, hi thu hi cing ringring uh: zokhal thu theih duhnak
lam ahcun a zamrangmi si uhla ṭong ding le thinhennak lam ahcun khulfungmi si
uh. Milai ih thinhennak in Pathian ih tumtahnak a dingmi cu a hlensuah thei lo.
