Thursday, October 1, 2015

Thih hnu Nunnak

Matthai 10:28 Taksapum a that thei na’n thlarau a that thei lotu pawl cu va ṭih hlah uh. Takpum le thlarau a pahnih in hell sungih a that theitu Pathian kha va ṭih sawn uh.

Matthai 25:46 Cuih hnuah cupawl cu kumkhua hrem hmun ah an feh ding ih mi ding pawl cu kumkhua nunnak ah an feh ding,” tiah a ti.

 Luka 16:22 Mifarah pa cu a thi ih vancungih rawl ei-nak puai ah Abraham kiangih to dingah vancungmi pawl in an fehpi. Milian pa cu a thi ve ih an phum;


Luka 23:43 Jesuh in cu pa ih hnenah cun, “Thu ka lo kam a si: tuihsun ah keimah thawn Paradis ah na um ding,” tiah a ti.

 Johan 5:24 Thungaite in ka lo sim: zokhal ka simmi a thei ih i thlahtu a zum ahcun kumkhua nunnak a nei. Thuṭhennak a tong lo ding; cutiin thihnak ihsin nunnak ah a lut zo.

Johan 5:29 An thlaan sung ihsin an suahnak tikcu a ra thleng ding: thil ṭha a tuahtu pawl cu nung dingah an tho sal ding; cule thil ṭha lo a tuahtu pawl cu hnon dingah an tho sal ve ding,” tiah a ti.

 Johan 11:25 Jesuh in a hnenah, “Kei cu thawhsalnak le nunnak ka si. Zokhal keimah i zumtu cu thi hmansehla an nung ding.

Johan 14:3 Cule ka feh ih nan umnak ka rem ngah hnuah ka ra sal ding ih ka hnenah ka lo hruai ding; cuticun ka umnak ah nan um ve ding.

Filipi 1:23 Ka thinlung kaa hnih ah a feh. Hi nunnak hi tlansan ih Khrih thawn um cu ka duhzet; cumicu a ṭha deuh ngaingai.

 Filipi 3:20 Sikhalsehla kannih cu vancung ram minung kan si ih, kanmah Runtu Bawipa Jesuh Khrih vancung ihsin a rat ding kha kan hngak.

 1 Thesalon 4:16 Van ihsin  Bawipa ih thupeknak aw a thang ding, van ih vanmi upa bik aunak aw a si ding, Pathian ih tawtawrawt aw-thawng a thang dingih  Bawipa cu vancung ihsin a rung ṭum ding. Khrih a zumtu a thi cia mi pawl an tho hmaisa ding;

Hebru 9:27 Minung cu zokhal voikhat thih keel a si; cuih hnuah Pathian in thu a ṭhen ding.

Thuphuan 1:18 A nungmi khal ka si. Ka rak thi na’n atu-ah kumkhua hrangin ka nung sal zo. Thihnak le mithi khua tlunah thuneitu ka si.

Thuphuan 21:4
 An mitthli hmuahhmuah a hnul sak ding. Thih a um nawn lo ding; ninghang riahsiat, aihram ṭahnak le natnak a um nawn lo ding. Ziangahtile thil hlun pawl cu an hlo ṭheh zo,” tiah a ti.