Puithiam Hnaṭuannak 25:36 Tangka nan coih asile a ṭhang lak hlah uh; Pathian ṭihzah uhla mifarah pa cu nan kiangah um veseh.
Daan Peksalnak 23:19 “Paisa le rawl le thil dangdang, nan unau Israel mi hnenih nan coih tikah a ṭhang va la hlah.
2 Siangpahrang 5:23 Naaman in, “Ngun tangka thawngruk in la aw,” a ti. Ngun tangka cu dip pahnih sungah a thun sak ih la dingin a hneek. Cumi le thleng awknak hnipuan zuun hnih cu a hnen-um pahnih a phurh terih Naaman ih thupeknak bangin Gehazi ih hmaiah cun an feh.
Esther 3:9 Na lung a kim a si ahcun himi pawl hi thah òheh dingah thu pe aw. Cutiih na tuah asile na ram uknak hrangih hman dingah na tangka inn sungah ngun tangka cuai thawng zahnih le thawng sawmli keimah hrimhrim in ka pek thei ding, tiah ka lo kam a si,” tiah a ti.
Job 15:34 Pathian thei lo pawl cun tesinfa an nei lo ding, Nawhthuh tangka in an sak mi inn cu meisa in a kang ṭheh ding.
Saam Hlabu 15:5 Tangka ṭhang thawn midang a coih lotu le Mawh nei lo mawhphurter dingah nawhthuh a la lotu pawl an si ding. Hi bangtuk a tuahtu pawl cu an tlu dah lo ding.
Saam Hlabu 37:16 Mi ṭha lo pawl ih neihmi thil tampi liangluang hnakin, Mi tha pawl ih neihmi thil malte man a nei sawn.
Saam Hlabu 119:14 Sumsaw tampi neih hnakin Na thupekmi thlun ah ka lung a nuam sawn.
Thufim 3:9 Bawipa cu na sumsaw le na thlairah hmaisa bik in thangòhat aw.
Thufim 13:11 Ol-ai deuh ih na ngahmi lennak cu, A rei hlanah a hlo vivo ding; Harsazet ih na hlawhmi cu rei a daih ding.
Thufim 17:16 Mi aa fim zirhnak hrangih tangka tampi cem hi ziangso a ṭhahnem? Ziangahtile a fim cuang lo ding; Fim theinak thinlung a nei lo.
Thufim 18:11 Milian pawl in an sumsaw kha himnak ah an ruat; A saang ih a fek zetmi khawpi kulhnak hauhruang ah an ruat.
Thufim 20:21 Olte ih na ngahmi sumsaw cu na hrangah ṭhathnemnak a mal ve ding.
Thufim 28:8 Midang hnen ihsin tangka ṭhang le a miat in milian na si ahcun, Na lennak cu mifarah pawl a zaang- fahtu hnen a thleng leh ding.
Thusimtu 5:10 Tangka duhtu cu saduhthah in tangka a nei dah lo ding; tangka lawnglawng a ruattu cun ziangzat a miat khalle a mal tuk a ti ringring ding. Cukhal cu zianghmanlo a si!
Thusimtu 10:19 Rawl cu mi hnih tertu a si, sabit cu mi lungawiter tu a si, Asinain tangka lo cun ziang hman ti thei a si lo.
Thusimtu 11:1 Na tangka sumtuahnak ah hmang aw, Nikhat khat a miat na ngah ding.
Isaiah 10:14 Leilung tlunih ram pawl cu vate bu vek an si ih an lennak le an sumsaw pawl cu vate ti kan laak vekin olte in ka laak a si. Keimah dawi dingah, thla khawng ngamtu zohman an um lo. Ka aang ngamtu khal an um lo,” tiah tluang a khawng ciamco.
Isaiah 45:3 A thimnak le a thupnak hmunih sumsaw pawl ka lo pe ding; Cuticun keimah hi Bawipa ka si cu na thei dingih, Israel ih Pathian in a lo hril a si, tihi na thei ding.
Ezekiel 22:12 Nanmah lakih mihrek in tangka duh ah mi nan phil. Mihrek in an unau Israel mi hnenah tangka cawih tahratin tangka òhang an lak ih a miat hawl in an lian. Kei cu in thei nawn lo,” a ti. Cungnungbik Bawipa in a sim zo.
Mikah 6:10 Mi ṭha lo pawl ih inn ahcun ṭhat lonak thawn an ngahmi sumsaw tampi a um. A dik lomi tahnak an hmang, ka huatmi thil a si.
Zekhariah 11:13 Bawipa in ka hnenah, “Hi tangka cu Biakinn tangka ah re aw,” i ti. Curuangah ngun tangka sawmthum, ka man ih an ruahmi tangka sunglawizet cu, ka lak ih Biakinn tangka retnak ah ka ret.
Matthai 6:21 Ziangahtile nan sumsaw umnak ah nan thinlung khal a um ve ding.
Matthai 6:24 “Zokhal in bawi pahnih a rian thei lo. Pakhat a duh ding ih pakhat a hua ding. Pakhat hnenah rintlak zetin a um ding ih pakhat cu a hmuhsuam ding. Pathian le tangka nan rian tlang thei lo ding.
Matthai 10:9 Nan kordip ah sui tangka siseh, ngun tangka le dar tangka siseh, pai hlah uh.
Matthai 13:22 Hlingbur lakih a tlami thlaici pawl cu vancung Uknak thu a thei na’n hi leilung tlun nunnak thuhla ah donhar ih a ummi pawl an si. Sum le saw an duhnak in cuih thu cu a tuam ih rah an nei thei lo.
Matt.13:44 “Vancung Uknak cu lo sungih thuhmi hlawnthil bangtuk a si. Cuih hlawnthil cu mi pakhat khat in a hmuh tikah ṭhatein a khuhta ih lungawi aipuang in innih a neihmi hmuahhmuah kha a zuar ih cuih lo cu a lei,” tiah Jesuh in a sim.
Matthai 17:27 Asinain hi mi pawl thinhengter kan duh lo. Curuangah tili ahva feh awla sio va thlak aw. Na awh hmaisa bikmi nga kaa sungahnang le kei hrangah biakinn ngunkhuai pek ding tawkin tangka nahmu ding. Cumi cu la awla va pe aw,” tiah a ti.
Matthai 19:21 Jesuh in a hnenah, “Mi famkim si na duh ahcun va feh awla na neihmi hmuahhmuah zuar tahratin na ngahmi tangka cu mi farah pawl va ṭhen aw; cuticun vancung ah hlawnthil na nei ding. Cuih hnuah i thlun aw,” tiah a ti.
Matthai 21:12 Jesuh cu Biakinn sungah a lut ih cutawkih thil a zuartu le a leitu pawl kha a dawi ṭheh. Tangka thlengtu pawl ih cabuai pawl le laileng zuartu pawl ih tokham pawl cu a linglet ṭheh.
Matthai 25:25 Cuti a si ruangah ka lo ṭih ih na tangka cu leilung sungah ka phum. Zohhnik! Hinah a um ko,’ tiah a ti.
Matthai 27:6 Puithiam upa pawl in cuih tangka cu an sar ih, “Hi tangka hi thisen tangka a si ruangah biakinn tangka retnak sungih ret ding cu kan Daan in a duh lo,” tiah an ti.
Marka 10:21 Jesuh in cupa cu duhdawtnak thawn a zoh hliah ih, “Thil pakhat na sam lai. Va feh awla na neihmi hmuahhmuah zuar in tangka na ngah mi kha mifarah va pe awla vancung ah hlawnthil tampi na nei ding. Cuih hnuah i ra thlun aw,” tiah a ti.
Luka 3:14 Ralkap ṭhenkhat pawl khal in, “Kannih teh? Ziangtin so kan tuah ding?” tiah an ra sut ve. An hnenah cun, “Zo ih hnen hmanin hranhram in paisa va lak hlah uh; thuphan in zohman sual va puh hlah uh. Nan thlahlawh zatah nan lungkim uh,” tiah a ti.
Luka 12:33 Nan neihmi thilri pawl zuar ṭheh uhla nan ngahmi tangka cu mifarah pawl ṭhen uh. A siat thei lomi tangka bawm nan hrangah ngaihtuah uhla vancung ah nan sumsaw pawl khawl uh. Cutawkah cun fifir in an dai thei lo ding ih a tlap thei fawn lo ruangah ziangtik khalah a hloral dah lo ding.
Luka 14:28 “Nanmah lakah pakhatkhat in inn saangpi sak a tum a si ahcun hmaisabik ah tote ciamciam in a inn sak ṭhehnak dingah tangka kimtein a neih le neih lo kha a tuak ṭhehta a si lo maw?
Luka 16:9 Cule Jesuh in, “Cuti a si ruangah hiti in ka lo sim: leilung tlunih sumsaw hmangin rualpi tuah uh, ziangahtile leilung thilri a cem tikah kumkhua a hmunmi inn ah luhter nan si ding.
Luka 19:24 Cule cutawkih a dingmi pawl hnenah, ‘A sui tangka cu la uhla sui tangka fang hra a neitu hnen-um hnenah pe uh,’ tiah a ti.
Luka 16:14 Cuih thu pawl cu Farasi mi pawl in an theih tikah tangka duh tuk pawl an si ruangah Jesuh kha an hnihsan.
Luka 18:22 Cumi cu Jesuh in a theih tikah a hnenah cun, “Na tuah òulmi pakhat a um lai. Na neihmi hmuahhmuah zuar ṭheh awla na ngahmi tangka kha mifarah pawl va pe aw; cule vancung ah sumsaw na nei ding. Cuih hnuah ra awla i thlun aw,” tiah a ti.
Tirhthlah 2:45 An thilri neihmi le an hlawnthil pawl tla an zuar ih an ngahmi tangka cu an ṭulnak vekin an zem aw.
Tirhthlah 4:34-35 An lakah zohman a tlasam mi an um lo. Lo a neitu le inn a neitu pawl in an lo le an inn pawl cu an zuar ih an ngahmi tangka cu, tirhthlah pawl kutah an rak pek. Cule cuih tangka cu a ṭulnak vekin an zem vivo.
Tirhthlah 5:8 Piter in, “Hi tangka hi nan thil nan zuarmi ihsin nan ngahmi tangka zate a si maw? I sim hnik!” tiah a sut. Sapfira in, “Asi, kan ngahmi zate a si,” tiah a sawn.
Tirhthlah 8:20 Sikhalsehla Piter in, “Pathian ih pekmi laksawng hi tangka thawn lei thei dingih na ruah ruangah nangmah cu na tangka thawn va hloral uh!
1 Timote 6:10 Ziangahtile paisa duhtuk cu sualnak phunkip thoktu hram a si. Mihrek cun paisa neih an duhtuk ruangah kan zumnak an tlansan ih riahsiatnak in voi tampi an thinlung a kuaiter.
1 Timote 6:17 Milian pawl kha, “Leilung thilri sumsaw nan neih ruangah puarthau ding a si lo,” tiah thu sim aw. Rinsan tlak lo leilung tlun lennak ah an ruahsannak bun ding a si lo; kan nomnak hrangah ziang hmuahhmuah siangzet in in petu Pathian ah bun sawn hai seh.
Hebru 13:5 Tangka duh tuk hlah uh; nan neihmi-ah nan lung kim uh. Ziangahtile Pathian in, “Ka lo tlansan lo ding ih ka lo hnong lo ding,” in ti.
Jeim 5:3 Nan sui le nan ngun pawl cu an tlap ṭheh ding ih cuih a tlapmi cu nan sual a lo phuangtu ah a cang ding ih meisa bangin nan taksa a lo ei-kaang ding. Tuih a netnak caanih cemral ve dingah nan sumsaw cu nan rak khawl cia a si hi!
