Malakhi
2:16 Bawipa Israel ih Pathian in,
“Nupi maak cu ka hua. Cubangtuk thilsual nanmah lakah pakhat khat in na nupi
parih nan tuah tikah ka hua a si. Rintlak pasal si dingah na nupi hnenih
thukamnak na tuahmi kha bal lo dingah ralring aw,” tiah a ti.
Matthai
5:32 Asinain
kei cun: mi pakhat in a nupi kha, mipa dang thawn sualnak ruangah siar lo, a
maak a sile, a nupi cu pasal a neih tikah ṭaangṭawm sualnak tuahtu a siter.
Curuangah cupa cu mi sual a si. Cutiih a maak minu a ṭhitu pa khal ṭaangṭawm
sualnak tuahtu a si ve.
Matthai 19:6
Curuangah annih cu pahnih an si nawn lo, pakhat an si. Pathian ih a kommi cu
zohman in ṭhen hlah haiseh,” tiah a ti.
Matthai 19:8
Jesuh in, “Thuzirh nan har tuk ruangah Moses in nupi maak theinak thu a lo
pekmi a si. Asinain a hlanah cun cuvek a rak si lo.
Matthai 19:9
Fiangtein ka lo sim: mi pakhat in a nupi kha mipa dang thawn zum tlak loin a um
ti siar lo, a maak ih nupi dang a ṭhit a sile cupa cu ṭaangṭawm sualnak tuahtu
a si,” tiah a ti.
Marka 10:12
Cuvek thotho in nunau in a pasal a taan ih mipa dang a neih ahcun ṭaangṭawm
sualnak a tuah a si,” tiah a ti.
Luka
16:18 Zokhal
a nupi a ma ih nunau dang a ṭhitu cu ṭaangṭawm sualnak a tuah; cule maakmi nu a
ṭhitu cu ṭaangṭawm sualnak a tuah ve a si,” tiah a ti.
1 Korin 7:10-11
Nupi pasal a neitu pawl hnenah keimah ih thupekmi si loin Bawipa ih thukham ka
lo pek hai: nupi in a pasal kha a taan lo pei. A taan a sile amah lawngin hmei
seh; cutiin a si lole a pasal thawn rem-aw sal seh. Cule pasal in a nupi maak
hlah seh.
Rom 7:2
Tahṭhimnak ah, pasal nei nunau pakhat cu a pasal a nunsung lawnglawng daan in a
uk; a pasal a thih a sile ṭhit-umnak daan ihsin a luat a si.
1 Kor 7:15
Cule Pathian zum lo nupi maw pasal maw in Khristian nupi maw pasal maw kha a ṭhen
duh a si ahcun ṭhen-aw ko hai seh. Cuvek ahcun Khristian nupi maw pasal maw cu
a luat, kham ding zianghman a um lo. Remte ih um dingah Pathian in a lo ko a
si.
