Nau Thar Hlannak (Baibal Cang)

Saam 127:3 Faate cu Bawipa ih laksawng an si; Amah ih malsawmnak an si.

Saam 139:13 Ka sungril tiang a tuah ṭhehtu cu nangmah na si; Ka nu ih pum sungih i seemtertu khal nangmah na si.

Thuṭhentu 13:8 Cutikah a pasal Manoah cu Bawipa hnenah thla a cam  ih,  “Maw Bawipa, in zaangfah hram awla na rak thlahmi na minung cu kan hnenah rak thlah sal awla kan neih dingmi fapa cu ziangtinso kan kilkhawi ding, in ra sim hramseh,” tiah a dil.

 1 Samuel 1:22 Asinain Hannah cu a feh lo. A pasal hnenah, “Ka fapa cu hnawi a thlah vete in Bawipa inn ah ka fehpi pei ih cutawkah a nunsung hmuahhmuah a um ding,” tiah a ti.

1 Samuel 1:24 Hnawi a thlah tikah a nu in Samuel cu Shiloh ah a fehpi ih kum thum a timi cawcang pakhat, sangphut han khat le Sabit thawl khat tla an keng. Nauhakte a sinain Samuel cu a nu in Shiloh khua Bawipa ih inn ahcun a fehpi.

Luka 2:22-23 Moses Daan sungih a um bangtuk in thianter awknak hrangih tuah ṭulmi pawl kha Josef le Mari in an tuah ding tikcu a thleng. Curuangah naute cu Bawipa hnenih hlan dingin Jerusalem ah an fehpi. Bawipa ih daan cabu sungah, “Fatir mipa pohpoh cu Bawipa ih hnenah nan hlan pei,” tiah ngan ciami a um.

Luka 2:27 Thlarau hruainak in Simeon cu Biakinn sungah a feh tikah daan vekin a hrangih tuah dingah Jesuh cu a nu le a pa in Biakinn sungah an ratpi.

Matthai 19:14 Jesuh in, “Nauhak pawl cu ka hnenah ra ko haiseh, dawn hlah uh; ziangah tile vancung Uknak cu hi bangtuk pawl hrangah a si,” tiah a ti.

Thufim 29:17 Na fapa kha daan ṭha thlunnak ah nunsim awla, Amah ih ruangah na hmai a hngal ringring ding; Anih cun ziangtik khalah na ningzahnak a suahter lo ding.

Marka 10:15-16 Fiangtein ka lo sim: zokhal sisehla nauhak bangtuk in Pathian Uknak an cohlang lo ahcun cuih Pathian Uknak sungah an lut thei dah lo ding,” tiah a ti. Cule nauhak pawl cu a pom ih an parah a kut a suang fingfing ih thlawsuah a pek.

Matthai 18:2-3 Cutikah Jesuh in nauhakte pakhat a ko ih an hmaiah a dinter hnuah,“Fiangtein ka lo sim: nan thinlung nan thleng ih hi nauhakte bangtuk nan si lo ahcun vancung Uknak sungah nan lut dah lo ding.

Jeremiah 1: 5 “Na nu ih pum sungih ka lo seemter hlan ihsin ka lo thei zo ih na suah hlan ihsin miphun tampi hnenih profet si dingah ka lo hriil zo a si,” i ti.

Thufim 22:6 Nauhak kha nundaan dik zirh aw, A tar tiangin cuih lamzin ihsin a pial lo ding.