1 Samuel 25:6
Hitiin thu a cah, “Nangmah le na innsang le na neihmi hmuahhmuah parah
thlawsuah vanluhnak um koseh, tiah David in thlaza a lo cam a si.
Saam 133:1
Pathian minung pawl unau bangin hmunkhat ih
umtlang hi a ṭha in a va nuam so!
Tirhthlah 2:42 An zatein tirhthlah pawl hnen ihsin an
zir ih, tirawl ei tlaangnak le thlacam tlaangnak thawn pawlkomnak an nei
ringring.
Tirhthlah 15:4
erusalem an thlen tikah Kawhhran le tirhthlah pawl le Kawhhran upa pawl in an
rak hmuak ih a rak hmuaktu pawl hnenah cun Pathian ih hnaṭuannak kha kimtein an
sim.
Tirhthlah 20:28 Cuti a si ruangah nanmah le nanmah
kilkhawi awk thiam uhla Thlarau Thianghlim in tuurual kilkhawitu dingih a lo
ret vekin nan tuurual kha ṭhatein kilkhawi uh. Pathian in a Fapa thisen thawn
Amai' ta ih a tuah zomi a Kawhhran khaaltu va si uh!
Rom 12:5
Cu bangtuk in kannih khal mi tampi kan si nain Khrih thawn kan pehzom awknak ah
cun pum khat kan si. Kan ruangpi ih taksa ṭhen pawl an peh awk thluh vekin kan
peh aw thluh ve a si.
Rom 15:7
Khrih in a lo cohlan vekin Pathian sunlawinak hrangah nannih tla pakhat le
pakhat cohlang aw uh.
Galati 3:28
Curuangah Judah mi le Zentail mi tiah thleidannak a um nawn lo; sal le miluat
karlakah siseh, nunau le mipa karlak khalah siseh, thleidannak a um nawn lo.
Nan zatein Khrih Jesuh thawn nan pehzom awknak sungah pakhat nan si.
Hebru 10:25 Hmunkhatih kan pumkhawm ṭheumi kha
baansan hlah uhsi. Mihrek cun an baansan nain Bawipa ih Ni a nai vivo ruangah,
kannih cu pakhat le pakhat thazaang pe-aw sinsin ding kan si.
1 Piter 2:5 Nanmah khal ra
uhla a nungmi lungto bangtuk in thlarau biakinn saknak hrangah Pathian ih
hmanmi lungto si uh. Cutawkah puithiam thianghlim hnaṭuan nan ṭuan ding ih
cohlan tlakmi thlarau raithawinak kha Jesuh Khrih sungin Pathian hnenah nan pe
ding.
