Joshua 1:9 Cakzet
le ralṭhazet in um aw ti ih thu ka lo pekmi cu ziangtik hman ah hngilh hlah. Ṭih
hlah, na thin nau hlah; ziangahtile Bawipa na Pathian keimah in na fehnak kipah ka lo
umpi ding a si,” tiah a ti.
1 Samuel 15:17 Cutikah
Samuel in, “Nangmah cun zianghman ka si lo tiah na ruat-aw ding nain Israel
miphun pawl hotu na si. Bawipa
in Israel siangpahrang ah
hriak a lo culh a si.
Jeremiah 1:5
“Na nu ih pum sungih ka lo seemter hlan ihsin ka lo thei zo ih na suah hlan
ihsin miphun tampi hnenih profet si dingah ka lo hriil zo a si,” i ti.
Matthai 7:12
“Mi in kan parah tuah haiseh ti nan duh vekin mi dang parah tuah ve uh. Himi hi
Moses Daan le profet pawl thuzirhnak ih sim duhmi taktak cu a si.
Matthai 20:26
Asinain nannih lakah cun cu bangtuk cu si hlah seh. Nanmah lakah pakhat khat in
mi dang hnakih thupit a duh ahcun midang pawlih hnen-um a ṭuan a ṭul;
Marka 10:45
Ziangah tile Milai Fapa hman hi rianmi si loin miriantu si dingah le mi tampi
tlen dingah a nunnak pe dingin a ra a si,” tiah a ti.
Luka 18:27 Jesuh in,
“Minung hrangih a cang thei lo timi hi Pathian hrangah cun a cang thei a si,”
tiah a ti.
Johan 13:13-15
Nannih in, ‘Sayapa,’ tile ‘Bawipa,’ tiin in ko ih nan dik a si, ziangah tile in
ti vekin ka si ngaingai. Nan Bawipa le nan Sayapa keimah in nan ke ka lo kholh zo.
Curuangah nannih khal pakhat le pakhat nan ke nan kholh aw ve pei. Nan
hrangih thil ka tuahmi vek cekci in nan tuah venak dingah nan mithmuh ah zohṭhim
ding ka tuah zo.
Rom 12:16 Nanmah
ih zawn nan ruat vekin midang zawn khal ruat ve uh. Keimah ka si bik, tiin ruat
aw hlah uh; hnaṭuan ṭukṭak tete ṭuan duhnak thinlung nei uh.
Galati 6:9
Curuangah thil ṭha tuah hi ning hlah uhsi; ning lo teih kan ṭuan ahcun a caan a
kim tikah rawl kan khawm ding a si.
Efesa 4:16
Amah Khrih ih uknak hnuai ah taksa ruang parih ṭhen dangdang pawl cu remte in
an peh khawm aw ṭheh. Hlikhlok ruhcaang pawl in taksa ruangpi cu hmun khatah an
kaikhawm ṭheh. Curuangah taksa ruang parih ṭhen dangdang cu anmah ih hnaṭuan
ding ciar an ṭuan tikah taksa ruangpi cu a zatein duhdawtnak in a ṭhangso a si.
Filipi 1:6
Curuangah nanmah sungih hnaṭuan ṭha a thoktu Pathian in Khrih Jesuh ih Ni a ra
thlen tikah cumicu a ṭuansuak ding tiah ka thei fiang.
Filipi 2:4
Mi nahsuahnak nei in, mahih zawn lawng ruat ih, mahih hminṭhatnak lawng hawl in
zianghman tuah hlah uh. Pakhat le pakhat tangdor awk tonnak thinlung nei uhla
midang hnakin ka ṭha deuh tiah ziangtik hmanah ruat aw hlah uh.
Filipi 2:13
Ziangah tile amah ih tumtahmi duh dingah le nan tuahsuak dingah Pathian cu nan
sungah hna a ṭuan a si.
1 Thesalon 5:24
Nannih a lo kotu cu rinsan tlak a si ruangah cumicu a tuah ding a si.
1 Timote 3:2
Kawhhran hruaitu cu soiselnak nei lomi a si ding. Nupi pakhat lawng a neitu,
1 Timote 4:12
Mino na si ruangah zohman in lo nautat hlah haiseh. Sikhalsehla na hmurka na ṭong
daan, na umtlan na ziaza, duhdawtnak le zumnak le thianhlimnak khalah zumtu
dang pawlih zohṭhim dingin nung aw.
2 Timote 2:3-4
Khrih Jesuh ih rinsantlak ralkap na si bangtuk in tuar ding na covo cu tuar ve
aw.
2 Timote 2:15
A hnaṭuan a zahpi lotu le Pathian thutak Thuthang ṭha cu dik zetih a simfiangtu
si dingah Pathian lungkimnak ngah dingin zuam aw.
2 Timote 1:7
Ziangah tile Pathian ih in pekmi Thlarau in ṭihhrutmi ah in tuah lo; cahnak
huham, duhdawtnak le mah le mah uk-awk theinak in in khatter sawn a si.
Titas 1:7
Kawhhran hruaitu cu Pathian hnaṭuan ah ṭuanvo neitu a si ruangah mawhthluknak
um lomi a si pei. Mi puarthau le mi thintawi, zurit hmangmi, mi helhlong le
paisa duhham mi a si lo pei.
Hebru 13:7
Pathian thu a lo simtu, hlanih nan hotu pawl kha ciing ringring uh. An nun
sungih an umtlan daan le an thihnak thuhla pawl kha ruat saal uhla an zumnak
khal cawng ṭha uh.
Jeim 1:12 Hniksak
harsatnak a tuar ih hngette ih a ding theitu cu mi thlawsuak a si. Ziangah tile
cubangtuk hniksaknak a neh thei ruangah Pathian in amah a duhdawtu pawl hrangih
a tiam ciami nunnak sui lukhuh a ngah ding.
Jeim 3:1
Ka u le ka nau tla, mi tamtuk in zirhtu ṭuan duh hlah uh. Ziangah tile nan
theih vekin kannih zirhtu pawl hi midang hnakin luar deuhin thurelnak kan tong
ding a si.
Jeim 4:10
Bawipa ih hmaiah tangdorin um uhla a lo khaisaang hai ding.
