Semtirnak
24:40 ka bawipa in, ‘A thu ka thlun ringringmi Pathian in a vancungmi na hnenah
a thlah ding ih a lo hlawhtlinter ding.
Semtirnak 31:12
Cule vancungmi cun, ‘Zohhnik, mepi a pawltu mecang pohpoh cu ṭialngaan le ṭialcip
le ṭialkau hlir an si. Hitiih cang dingin keimah ih tuahmi a si.
Semtirnak 39:3 Bawipa cu Josef hnenah a um ih a hrangah ziang
hmuahhmuah a tluang thluh. Josef cu Ezipt mi a bawipa ih inn ah a um. Cun Bawipa Pathian cu Josef hnenah a
um ih a thil tuahmi hmuahhmuahah a hlawhtling ti cu a bawipa in a hmu.
Semtirnak 39:23
Josef ih ṭuanvo lakmi pohpoh cu thawnginn uktu pa ih zohsal a ṭul nawn hrimhrim
lo. Ziangah tile Bawipa Pathian
cu Josef hnenah a um ih a thil tuahmi hmuahhmuahah hlawh a tlinter..
Daanpeksalnak 8:18
Nan lennak dingah cahnak huham a lo petu cu Bawipa nan
Pathian a si kha thei ringring uh. Hitiih a tuahnak cu nan pupa hnenih
thukamnak a tuahmi kha a kimter ruangah a si ih tuihsun khalah cuih thukamnak
cu hngetter a duh a si.
Daanpeksalnak 29:9
Curuangah nan hnaṭuannak kipih nan hlawh a tlinnak dingah hi thukam cu felzetin
nan thlun pei.
Joshua 1:7
Moses ih a lo pekmi Thukham cu kimtein thlun dingah cakzet le ralṭhazet in um
aw. Thukham fate bik tiang daithlang loin thlun awla na fehnak ih kipah na lam
a tluang ding.
Joshua 1:8
Thukham cabu cu hngilh hrimhrim hlah. A sungih nganmi bangtuk ih na nun theinak
dingah a sun a zan in siar ringring aw. Cutiih na tuah le na ṭhangso ding ih na
tuahmi hmuahhmuah ah na hlawhtling ding a si.
1 Samuel 18:14
Bawipa
1 Siangpahrang 2:3
Bawipa
1 Sansiarnak 4:10
Jabez cun Israel ih Pathian hnenah thla a cam ih, Bawipa, i
thlawsuah hram awla, ram kaupi i pek aw. Ka hnenah um awla tuahmawh le harsat
ka ton lonak dingah i humhim aw,” a ti. Curuangah Pathian cun a ngenmi vekin a
pek.
2 Sansiarnak 14:11
Cutikah Asa in Bawipa a Pathian hnenah thla a cam
ih, “Maw Bawipa, ralkap cak zetmi siseh, ralkap
ṭawnṭai zetmi siseh, na duh ahcun olte in na bawm thei a si. Maw Bawipa kan Pathian, nangmah lawng kan
lo rinsan ih na hmin in ralkap hizat tam hi do dingah kan rasuak zo a si;
atu-ah in bawm hram aw. Bawipa, nangmah cu kan Pathian na si ih zohman in nangmah neh ding cu an tum ngam
lo ding,” tiah a ti.
2 Sansiarnak 20:20 A thaizing zingpitte in an tho ih Tekoa kiang hramlak lamah cun an feh.
An pawh zawng ah Jehoshafat in an hnenah, “Judah le Jerusalem mi
pawl, Bawipa nan Pathian cu rinsan uhla hnget zetin nan ding thei
ding. Amah ih profet pawl thusimmi zum uhla nan hlawhtling ding,” tiah a cah.
2 Sansiarnak 26:5 Uzziah
cu Zekhariah in Bawipa ṭihzah
upat dingah a zirh ih Zekhariah a damsung ah cun Bawipa ih
hna felzetin a ṭuan. Curuangah Bawipa in mal a sawm a si.
Nehemiah 1:11
Kei ka thlacamnak le na hmin upat a lo duhtu na siahhlawh dang pawl ih
thlacamnak hi run ngai hram aw. Tuihsun ahhin i hlawhtlingter hram awla
Siangpahrang Bawipa cu ka parah zaangfahnak neiter hram aw,” ka ti.
Saam
1:3
Amah cu
tiva kapih a khomi thingkung, A tikcu ih a rahmi le a hnah tla A vuai dah lomi
bangtuk a si. A tuahmi kipah a hlawhtling.
Saam
37:4
Bawipa ah
na lungawinak hawl awla, Na lungthlitum a lo pe ding.
Saam
118:25 In hum aw, Bawipa, in hum hram aw; Maw Bawipa,
hlawhtlinnak in pe hram aw!
Thusimtu
11:6
Zinglam
ah thlaici tuh aw, zanlam tiang cawl hlah; Khui mi a kho ṭha ding ti na thei
lo; An pahnih in an ṭha ding maw ti khal na thei lo.
Thufim 16:3 Na tuahmi hmuahhmuah cu Bawipa ih
hnenah hlaan aw; Na khawkhannak ah na hlawhtling ding.
Isaiah
41:10 Zianghman ṭih hlah, na hnenah ka um a si. Keimah cu na Pathian ka si,
zianghman in lo phangter hlah seh. Ka lo bawm dingih ka lo cakter ding; Ka lo
hum dingih ka lo run ding.
Rom 12:2 Hi khawvel
daanah hin kop nawn hlah uh; cuhnak in nan thinlung kha tharthawh tahratin
thleng aw sawn uh. Cutiin Pathian ih duhnak cu nan thei ding ih Pathian ih
hmaiah ziangso a ṭha, ziangso a lungawi mi a si tile ziangso a famkimmi a si ti
nan thei ding.
Filipi 4:13 Cahnak i petu
Khrih sungin ziangkim ka ti thei.
