Job
12:13 Asinain Pathian cun fimnak le huham a nei; A hnenah
ruahnak ṭha le theihthiamnak a um a si.
Saam
90:12 Kan nun tawizia siar daan in zirh awla, Cule mifim ah kan cang ding.
Thufim
1:7 Pathian
ṭihzah cu fimnak ih hramthoknak a si, Mi aa pawl in fimnak le zirnak kha ziang
an siar lo.
Thufim
2:6 Fimnak
petu cu Bawipa a si ih, Amah ih hnen ihsin fimthiamnak le theihthiamnak an ngah
a si.
Thufim
10:23 Thilsual tuah hi a nuam a titu cu mi aa a si, Mifim pawl cu fimnak
sungah lungawinak an nei.
Thufim
15:33 Bawipa ṭihzah hi fim zirnak a si. Upatnak na co theinak dingah tangdor
hmaisa aw.
Thufim
16:16 Fimnak hi sui hnakin a ṭha deuh; Theihthiamnak hi ngun hnakin hriil deuh
ding a si.
Isaiah
55:9 Van tla
khi leilung hnakih a saang bangtuk in Ka ruahnak le ka lamzin cu nan ruahnak le
nan lamzin hnakin a sang sawn a si.
Jeremiah
9:23-24 Bawipa in, “Mifim in a fimnak uar hlahseh, Micak in a cahnak hngalpi
hlahseh; Milian in a lennak in tluangkhawng hlahseh. Zokhal in uar a duh a sile
Keimah i theihnak le i theihthiamnak in uar aw sawnseh. Ziangahtile ka
duhdawtnak cu cem ti a nei lo ih, A dingmi le a dikmi ka tuah ringring a si. Hi
pawl hi ka lungawitertu an si. Keimah Bawipa in ka sim zo,” a ti.
Daniel
1:17 Pathian
in hi tlangval pali cu fimnak, calai lam thiamnak le theihthiamnak a pek. Cuih
tlunah Pathian in Daniel cu mang leh theinak le langnak pawl simfiang theinak a
pek.
Daniel
2:23
Maw ka pu
le ka pa ih Pathian, Nangmah cu ka lo thangṭhat ih ka lo upat a si. Nangmah in
fimnak le cahnak i pek. Ka thlacamnak i ngai ih Siangpahrang hnenih sim ding tla
i sim zo,” a ti.
Hosea
14:9 Mifim
hmuahhmuah in hitawk ih nganmi hi thei hai sehla theihthiamnak nei in an
thinlung in ciing ṭha haiseh. Bawipa ih lamzin cu a dik ih miding
pawl cun cumi lamzin an thlun. Asinain cuih lamzin an zawh lo ruangah misual
pawl cu an bah ih an tlu.
Matthai
7:24
“Curuangah hi ka ṭongmi a thei ih a thluntu cu lungpi parih inn saktu mifim pa
bangtuk a si.
Luka
21:15 Ziangah tile ṭongkam thiamnak le fimnak nasa zetin
ka lo pe ding ih nan ral pawl zohman in nan ṭongmi kha an el thei lo ding ih
nan palh a si, a ti theitu khal an um lo ding.
1
Korin 1:25 Ziangah tile Pathian aatnak cu minung ih fimnak
hnakin a fim sawn; cule Pathian ih ṭonṭaihnak cu minung ih cahnak hnakin a cak
sawn.
1
Korin 1:27 Sikhalsehla mifim pawl ningzahter dingah leilungih
mi-aa timi kha Pathian in a hriil hrim a si; micak le thiltithei pawl
ningzahter dingah leilungih mi ṭawnṭai timi kha Pathian in a hriil hrim a si.
1
Korin 1:30 Khrih Jesuh thawn pehzom aw ih nan nunnak ahhin a
hram a thoktu cu Amah Pathian a si ih Amah hnen ihsin Khrih cu kanmah ih fimnak
ah a tuah a si.
1
Korin 2:5 Curuangah nan zumnak cu minung fimnak parih bunmi
si loin Pathian cahnak parih bunmi a si sawn.
1
Korin 2:7 Kei ih ka phuanmi fimnak cu Pathian thuthup fimnak,
milai zohman ih theih lomi, leilung seem hlan ihsin Pathian in kanmah
sunlawinak dingih a rak tumtah ciami fimnak a si.
1
Korin 2:13 Curuangah Thlarau a neimi pawl hnenih thlarau lam
thudik kan simfiang tikah milai fimnakih zirhmi ṭongkam hmangin kan sim lo.
Thlarau ih zirhmi ṭongkam kan hmang a si.
1
Korin 3:18 Zokhal amah le mah bum aw hlah seh. Nanmah lakah
pakhat khat in ka fim tiah leilung daan in a ti awk a si ahcun mifim taktak si
dingah mi-aa ah cang hmaisata seh.
Efesa
5:15
Curuangah nan nundaanah hin ralring uh. Mi aa bangin nung hlah uh; a fimmi
bangin nung uh.
Kolose
2:3
Khrih cu hlawnthil sunglawi bangin thuhmi le khummi Pathian ih fimnak le
theihnak hmuahhmuah on theinak tawhfung bangtuk a si.
Kolose
2:8
Ralring uh! Minung fimnak, zianghman santlaihnak nei lo, pakhat le pakhat bum
awknak fimnak hmang tahratin zohman in sal ah lo tuah hlah haiseh. Cubangtuk
fimnak cu Khrih hnen ihsin a rami a si lo; minung zirhnak in siseh, vantlolak
le lei karlakih uktu thlarau siava pawlih thuhla zirhnak in siseh, a rami a si.
Kolose
3:16
Khrih Thuthang ṭha cu nan thinlung sungah a tlamtlinnak phunzakip thawn cam
ringring seh. Fimnak phunzakip thawn pakhat le pakhat zirh-aw in nunsim aw uh.
Hlanawknak hla, thangṭhatnak hla le hla thiang pawl sa uh. Nan lungawinak hla in
Pathian kha thangṭhat uh.
Jeim
1:5
Nanmah lakah fimnak a tlasammi nan um ahcun Pathian hnenah dil sehla Pathian in
a pe ding. Ziangah tile zo hnen khalah Pathian cun siangzet le zaangfahnak
thawn a pe a si.
Jeim
3:13
Nanmah lakah fimnak le theihnak a neitu nan um maw? Nan um a si le a nuncan ṭha
in langter sehla, tangdornak le fimnak thawn a tuahmi a thil ṭha tuahnak in
langter seh.
Jeim
3:17
Sikhalsehla van ihsin a rami fimnak cu ziang dang hnakin a thiangmi fimnak a si;
cuih tlunah daihnak in a khat, a lung a nem ih pawlkom a thiam. Zaangfah
thinpemnak a nei ih hnaṭuan ṭha ih rah a suahter. Thleidannak a nei lo ih titer
awknak khal a nei lo.
