Suahlannak 23:25 Nannih cu Bawipa nan Pathian nan biak pei; rawl le tidai in ka lo thlawsuah ding ih nan hnen ihsin natnak cu ka laakhlo ṭheh ding a si.
Daan Peksalnak 7:15 Natnak hmuahhmuah sungin Bawipa in a lo hum ding. Izipt ramih nan ton zomi natsia pawl kha nan parah a thlenter lo ding; asinain nan ral pawl parah a thlenter thluh ding.
Saam Hlabu 41:3 A nat tikah Bawipa in a bawm ding ih a damter sal ding.
Saam Hlabu 103:3 Amah in ka sualnak hmuahhmuah i ngaithiam ih, Ka natnak hmuahhmuah i damter.
Saam Hlabu 107:19 An harsatnak sung ihsin Bawipa cu an ko ih, An zonzaihnak sung ihsin a luatter hai a si.
Saam Hlabu 147:3 Thinlung kuaimi pawl a damter ih, An hma pawl a tuam sak.
Thufim 3:8 Cubangtuk in na tuah asile na taksa hrangah damnak a si ding ih, Na ruh hrangah sii ṭha a si ding.
Thufim 4:22 A theithiamtu hmuahhmuah hrangah an nunnak a si ih, A hmutu hrangah an taksa harhdamnak a si.
Thufim 17:22 Lungawinak hi sii ṭhazet a si. Thinharnak in ruh a roter.
Isaiah 53:5 Sikhalsehla kanmah ih sual ruangah hriamhma a pu, Thil ṭha lo kan tuah ruangah vuaknak a tong. Hremnak a tuar mi cu kan damnak a si, Vuak a tuarnak cu kan rundamnak a si.
Isaiah 57:18 “An thil tuahzia cu ka hmu zo; a sinan ka damter hai ding. Ka hruai dingih ka bawm ding; riahsia ninghang mi pawl cu ka hneem ding.
Jeremiah 17:14 Maw Bawipa, i damter awla, ka dam ngaingai ding; i run awla ka him taktak ding. Ka thangṭhatmi cu nangmah lawng na si.
Jeremiah 30:17 Ka lo harhdamter sal ding, Nan hma pawl cu ka damter ding; Nan ral pawl in, ‘Zion cu hnonmi le khaak mi a si; Zohman in ziangah an siar lo,’ an ti hmanah, Keimah Bawipa in ka ṭong zo,” a ti.
Jeremiah 33:6 Sikhalsehla hi khawpi le a minung pawl cu ka damter sal ding ih ka harh ververter ding. An hnenah hnangamnak le daihnak tlamtling in ka thlenter ding.
Matthai 10:8 Mina damter uh, mithi thoter sal uh, phaarnat a neimi pawl damter uhla khuavang pawl dawihlo uh. Man loin nan ngahmi kha man loin va pe uh.
2 Korin 12:9 Asinain i run let ih, “Ka zaangfahnak cu na hrangah a tawk a si; ziangahtile na ṭonṭaih caan hi ka cah bik caan a si,” a ti. Curuangah Khrih cahnak le humhimnak cu ka hnenih a umnak dingah ka ṭonṭaihnak khalah hin hmaihngal zetin ka lung a awi.
Jeim 5:14 Nan lakah a nami nan um maw? Nan um asile kawhhran upa ko sehla Bawipa ih hmin in hriak an hnih dingih thla an cam sak ding.
Jeim 5:15 Zumnak thawn thlacamnak in mina cu a damter ding. Bawipa in harhdamnak a pek sal ding ih sualnak a tuahmi khal a ngaidam ding.
Jeim 5:16 Cutiin a si ruangah nan sualnak cu pakhat le pakhat hnenah phuang ton aw uhla thlacam ton aw uh; cutiin harhdamnak nan ngah ding. Mi dingih thlacamnak cu a cak zet ih hmual a nei a si.
1 Piter 2:24 Khrih in amah ih taksa rori in kan sualnak cu thinglamtah ah a thlenpi zo ruangah kannih cu sualnak ahcun mi thi kan si ih dingnak sungah a nung dingmi kan si. Amah ih hmaa ruangah damnak nan ngah zo.
3 Johan 1:2 Ka duhdawtmi ka rual, thlarau lamah damte in na um ti ka theih vekin ziang hmuahhmuahah harhdam le siarem ih na umnak dingah na hrangah thla ka cam;
